KAPSIMANG KAPMA 4:21 - Kok Borok (Re-edited) Bible (BSI)

²¹ Ha Ujo tongnai o Idomni sajwk, khápang srangwi tongthok di; tamo khe nonobo a khuri rwjaknai; nwng pheknai tei kanmung-chummung kwrwi srwng-srwng ma wngnai.

KAPSIMANG KAPMA 4:21 Iomraidhean Croise

YAPHANG 36:28

Disanni bwsarok khe: Uj tei Aran.

2 BOSONG 28:19

Israilni habugra Ahasni bagwi Judano hache-o tikhlai kha, tamni hwn ba bo Judano belai sátogwi Subraiyungni thani sói khe tong li ya.

JOBNI BIJAP 1:1

Ha Ujo Job hwnwi borok khoroksa tongmani. Bo Kaitorno surinai borok tei bini thani sói khe tongo, bo borok kaham tei mungsa phano samung hamya tang ya.

LOBMUNG 137:7

O Subraiyung, Idomsarok Jerusalemno sokomor laima salni kókno muitu khlai di, bórok ahai hwn lai kha, “Sokomor súgwi pái di! sokomor súgwi pái di! Katswi bini yaphang suda phuichaui khibi lainai!”

PHRWNGNAINI 11:9

Siklasa, nwng sikla jorano tongthok di, sikla phuru nini bwkha nono tongthok rw di. Nini bwkha tholjak tẃi’-no tei nini mokol naithokjak tẃi kheno khlai di, tamo khe Kaitor nono bebak samungnino buj thumnai, o kókno muitu narwk di.

JIRIMIA 49:12

Tamni hwn khe Subraiyung hai hwnwi sa-o: “Tumungno a khurino nungnani nang ya phano bo majra ma chá yaui da tongno ba? Nwng majra rwjakna yók glak, tamo khe nwng ma se ma nungnai.

JIRIMIA 49:7

Idomni kók khe omo hai Sengkrakrokni Subraiyung hai hwnwi sa-o: Temano tei simung kwrwi kha da? Sinairokni bere kókbiti rwnairok komorwi da tháng kha? Bórokni simungrok ba kwmaui da tháng kha?

ESEKIEL 25:6

Subraiyung Kaitor hai hwnwi sa-o, ‘Norok yapha khorop lai kha tei bársa kha, tongthok lai kha tei Israil hano hamya sa laiwi mwnwi lai kha.

ESEKIEL 25:8

“Subraiyung Kaitor hai hwnwi sa kha: Tamni hwn ba Seir hai hwnwi sa-o, nai di, Judarokbo kubun dopharok hai wng kha,

ESEKIEL 26:2

Borokni sajla, Turni bororok Jerusalemno tẃiwi hai hwnwi sa kha, “O! báiwi pái kha, bororokni bagwi duglam tongmani swbaijak kha. Abo ani se wng si-o, tabuk omo haino bukcha wngjak, ang se hamcha sinai.”

AMOS 1:11

Subraiyung hai hwnwi sa-o: “Idomni mungtham tei mungbrwi sumsok khlaimani bagwi ang bórokno sa se sátoknai; tamni hwn ba bo khairokma pogwi bini takhukno seng tẃiwi riphrik kha tei bini jolima nukjak phai máng tong kha, mol brúm brúm se tongwi tong si-o.

OBADIA 1:1

Obadia phunukjakmani. Subraiyung Kaitor ha Idomno tẃi o kók sa-o: Chwng Subraiyungni aroni kaisa kóktma khna kha, tei dopharokni thani tẃitun rohorwi hai hwnwi sanani rohor kha: “Bacha di! phai di bórokno kebengwi choba nang lainai.”

MIKA 1:11

Saphiro tongnairok, norok sak lánga khlaiwi lachimung manẃi thángwi pái di. Sanano tongnairok ongkhorwi ta phai di; Bethejel swlwgwi kap kha, bo norokni phaising tei bacha glak kha.

HABAKUK 2:16

Nwng bórom man yaui lachimung se mannai. Nwngbo nung di tei didak-midak wng di! Subraiyungni yagra yakni khuri nini aro phainai tei nini chẃngsacha-o lachimasingcha klainai!

PHUNUKJAKMANI 16:15

“Khna di, ang sikhok hai khe phai-o! Sichaui tongwi bini rírok kaham khe naiwi tongnai borok bo hamchajak, hakhe bo rí kwrwi khe buini bwskango lachimasingcha khe tongna nang glak.”