KAPSIMANG KAPMA 4:20 - Kok Borok (Re-edited) Bible (BSI)

²⁰ Subraiyungni chongthar chongjak, chini rangma bo se bórokni uarai hakhoro klai kha, yang chwng le bono se, “Chwng bini saklomo khe dopharokni bisingo tongnai” hwnwi sa laimani.

KAPSIMANG KAPMA 4:20 Iomraidhean Croise

YAPHANG 2:7

Aphuru khe Subraiyung Kaitor hani kisicha ha naui borokno tak kha tei bini bukungo subui mwthangnai rangma daui rw kha; hakhe borok kwthang wng kha.

YAPHANG 44:30

“Aboni bagwi tabuk, ang nini seleng aphani thani kiphilwi tháng phuru tumungno o chwrai chwng bai kwrwi hwn khe, chini aphani langma khe o chwrai bai se kwrwngjakba,

2 SAMUEL 1:14

Daud bono, “Nwng bahai khe Subraiyungni chongjak borokno butharnani kiri ya wng kha ba?” hwnwi sẃng kha.

2 SAMUEL 1:21

Gilboani hathái saka-o pantwi eba uatwi ta klai thung, bini panthor bukcha wng si thung, tamni hwn ba aro phan gwnang borokni phui klai kha, Solni phui thok phuljak li ya.

2 SAMUEL 18:3

Tamo khe bororok hai hwnwi sa kha, “Nwng phataro ta nongkhor di, tumungno chwng khár khe, bórok chwngno sak nang glak, chini bisingo khaksa thwi phano chwngno samung nangjak glak, phiya nwng saichungno chini khorok 1,000 bai baksa. Aboni bagwi nwng chwngno kamiyungni chubachu rohor khe se ham kugo.”

2 SAMUEL 19:21

Jeriani bwsla Abisai hai hwnwi sa kha, “Omoni bagwi Simei butharjakna nang glak diba? Tamni hwn ba bo Subraiyung chongmani habugrano swrai kha.”

2 BOSONG 35:25

Diyari Jirimia habugra Josia thwima bai bwkha khamwi kapmani kókthái kari kha, bebak rwchapnairok chwla, bwrwirok tabuk jora a kóktháino kholwi kap lai kho. Bórok abono Israilo kaisa tongmung hai khlai kha. Abo kap mung bijabo swijak kha.

JISAIA 32:2

Bórok bebakno nokbar kotoro khárjakthai hai wngnai tei bangkundri-o kati rwnai hai tei ha kwrano twisa yor tẃi tei kirimasingcha ha-o khamprajak holongthai kotor bai saklom rwma hai wngnai.

JIRIMIA 39:5

Tamo khe Kolodiani sengkrakrok bórokno riphrigwi Jerikoni hapharo khe Jedekiano riphrigwi rom kha tei bono romwi Hamat hani Ribla-o Babilonni habugra Nebukadrejarni thani tubu kha. Hakhe bo bono majra rwna dagi kha.

JIRIMIA 52:8

Phiya ba Kolodiani sengkrakrok habugrani utung-utung khabrumwi thángwi Jerikoni harungo thángwi Jedekiano rom kha, aboni bagwi bini bebak sengkrakrok bini ganani piring-poroi wngwi tháng bai kha.

JIRIMIA 52:9

Hakhe bórok habugrano romwi Hamat hani Ribla-o Babilonni habugrani thani tlangwi tháng kha, aro-o bono buj thumna dagi kha.

KAPSIMANG KAPMA 2:9

Bini dugayungrok baiwi ha-o kwlwk kha; bo bini thonglarokno swbaiwi khibi kha; bini habugra tei bwsarok buini dophani bisingo khaui tlangjak kha; kerongrokbo kwrwi kha, bini diyarirok Subraiyung bai imang-mukthangbo phunukjak li ya.

ESEKIEL 12:13

Ang bini saka-o chei swngwi khẃi-o kwcha rwnai tei ang bono ani khẃi-o romwi tlangnai; ang bono Kolodiasarokni ha Babilono tubunai, hai phano bo abono nuk glak; tei bo aro’-no thwinai.

ESEKIEL 17:18

Bo swmai tangwi kók kha laimano swbai kha. Bo yak bai swmai tangwi kók rw kha hai phano abo hai khe tang kha, bo tei yógwi se man glak.

ESEKIEL 31:17

Bórokbo seng bai butharjaknairok bai baksa morke-o tháng bai kha tei bórokni saklomo tongnai bórokni pal dopharok bo bai baksa’-no ma komor bai kha.”

DANIEL 4:12

Bini bwláirok belai khe naithok tei bwtháirok kwbángma kupulung. Jotoni bagwino chámung kupulung tongo. Aboni saklomo bolongni yabrwirok lengla-o tei bedek buprarogo tokrok bothop thumo tei aboni bwtháirokno jotono chá-o.”

HOSEA 13:10

Nono mwthangnai habugra buko buro? Buko buro nini kamiyungni tẃiphangrok? Nwng Ano habugra tei tẃiphangrokno rw di hwnwi sanmani bórok le buko?

BUJ THUMNAIROK 9:15

Busulwng buphangrokno hai hwnwi sa kha, “Norok kubui’-no ano norokni bugra chá rwna muchung khe, ani saklomo bathak phai di, wng ya khe busulwngni hór pekhagwi Lebanonni buphangrokno kham rw bainai.”

1 SAMUEL 12:3

“Ang orono tongo, ang mungsa swk hamya khlaima tong khe Subraiyungni bwskango tei bo chongmani habugrani bwskang ano kul di, ang khoroksa swkni musuk tei koraichirkano namani de tong kha? Khoroksa swkno ang bade bandi kha tei khoroksa swkno kuda kusup kha? Ang khoroksa swkni thani rang de chá kha? Abo hai kaisa swk khlaima tong khe ang abórokno kiphilwi rw anw.”

1 SAMUEL 12:5

Tei bo bórokno, “Subraiyung bai bini chongjak habugra se tini sakki, norok ani thani mungsa phano man li ya,” hwnwi sa kha. Tei bórok hai hwnwi sa kha, “Bo’-no chini sakki.”

1 SAMUEL 16:6

Bórok sók phai khe bo Eliabno nuk khe hai hwnwi uansuk kha, “Bwskango bachaui tongnai bono Subraiyung chongmani wng anw.”

1 SAMUEL 24:10

Nai di, nwng tini nini mokol baithangno nuk kha, Subraiyung hagurungo nono ani yago yapharmani se; hakhe ani bororok baksa nono buthar di hwn kha, phiya ba ang nono koson li ya. ‘Ang bórokno hai hwnwi sa kha, ani bugrani saka-o ani yak tisa glak, tamni hwn ba bo Subraiyung bai chongthar chongjak.’

1 SAMUEL 24:6

Bo bini bororokno hai hwnwi sa kha, “Subraiyungni chongjak, ani bugrani saka-o ani yak tisanani Subraiyung nai li ya, tamni hwn ba bo wng kha Subraiyung bai chongthar chongjak.”

1 SAMUEL 26:16

Nwng omo hai khlaima cha li ya. Ang kwthang Subraiyungni mung bai swmai tangwi sa-o, nwng butharjakna nangmani, tamni hwn ba nwng Subraiyungni chongjak nini bugrano kaham khe mwrwk li ya. Nai di! Habugrani bokhorok ganani koslu bai twi tilok biyang?”

1 SAMUEL 26:9

Tamo khe Daud Abisaino, “Bono hamya ta khlai di, Subraiyung bai chongthar chongjak borokno yak kosonwi sabo majra kwrwi khe tongwi mannai?” Hwnwi sa kha.