KAPSIMANG KAPMA 4:2 - Kok Borok (Re-edited) Bible (BSI)

² Siyonni bwsa kahamrokno salsa rangchak kaham bai se sujagwi tongmani, tamo khe tabuk hani twk taknaisani twkrok hai khe se khlaijak si-o!

KAPSIMANG KAPMA 4:2 Iomraidhean Croise

JISAIA 30:14

tei omo báimani abo twk taknaisani twk báima hai kheno abono swbai sukhrubwi khibinai, abo bai thapani hór khokchana eba twikhorni twi khokna bagwi biphiring kaisa phano man glak.

JISAIA 51:18

bini aswk bwsa chwla achainairokni bere, khoroksa phano bono yak tolwi tẃinai kwrwi kha; aswk naikolwi tor rwjaknairokni bere khoroksa phano bini yak romwi tẃinai kwrwi kha.

JIRIMIA 19:1

Subraiyung hai hwnwi sa kha: Nwng twk taknaini aro thángwi twk tháisa paiwi tubu-ui phai di. Abono kisa swk chakrarokni thani tei khoroksa khoroknwi ochai okrarokni thani tlangwi tháng di,

JIRIMIA 19:11

tei bórokno hai hwnwi sa di: Kwplaisa Subraiyung hai hwnwi sa-o: Abo tẃi khe ang o twk taknai bini manwino swbai tẃi khe ang o bororokno tei bórokni kamiyungrokno swbainai, hakhe abo tei snam phirwi man glak. Phob thai ha kwrwi wng ya sak jora bórok Topheto phob lainai.

JIRIMIA 22:28

Omo a norjak borok Konia da, dáma kwbai hai, khoroksa bai phano samung nangjak ya? Bo tei bini bwsarok tamo wngwi bórokno sini ya ha-o khitarwi rohorjak kha de?

KAPSIMANG KAPMA 2:21

Chwrai tei chakrarok lamarogo se klai tong bái si-o; ani chwla sikla tei bwrwi siklarok seng bai tantharwi butharjak bái kha; nwng jolimani salo khairokma kwrwi khe bórokno buthar bái kha.

KAPSIMANG KAPMA 5:12

Habugrani tangphang okrarok yak khaui tonjak bái kha; okra-chakrarokbo bórom rwjak bai li ya.

HOSEA 8:8

Israil monokjak bai kha; tabuk khe kubun bosongrokni bisingo samung chúk ya twk hai wng kha.

SAKARIA 9:13

Ang Judiano ani badukhung snamnai tei Ephraimno khe makal snamnai. Ang Siyonni bororokno sengkrakni seng hai khlaiwi, Grisni bororok bai choba phnangnai.

2 KORINTH 4:7

Hai phano chwng Kaitorni aroni rangchak hai a manwi mannairok chwng wng kha hani manwi hai se, hakhe a phan kwrakni yaphang abo chwng ya, Kaitor se hwnwi sijago.

2 TIMOTHI 2:20

Nok kotoro podrepot mairang lota tongo; baksa rukphaini, baksa ba rangchakni, baksa ba buphangni tei baksa ba hani; baksa khe nang kukma samungni bagwi, baksa khe ahaino.