KAPSIMANG KAPMA 4:19 - Kok Borok (Re-edited) Bible (BSI)

¹⁹ Chwngno riphriknairok nokhani tolingni slái se kodo gwja; bórok chwngno hatháirogo riphrigo, bórok hasinglwngo chwngno huijagwi naisingwi tong lai-o.

KAPSIMANG KAPMA 4:19 Iomraidhean Croise

JIRIMIA 16:16

Ang tabuk kwbángma a romnairokno rohor anw tei bórok bórokno romwi anw hwnwi Subraiyung sa-o; aboni yagulo khe kwbángma poluanrokno hatháirokni tei holongdap beserrokni bórokno romwi tubu-ui phai anw.

JIRIMIA 4:13

Nai di! Bo chumui hai khe phaiwi tongo, bini korai malkhung bangkundri hai khe phai-o: Bini korairok toling birmani slái kodo. Chwng swraimung nang kha! Chwng le komor kha!

KAPSIMANG KAPMA 1:13

“Bo kuchuk sakani hór khiklai kha; abo ani bekreng bisingo suda thángwi sógwi kha; bo ani lama-o chei swngwi rw kha; bo ano uphil rw kha ano sapung mwlang cha rwui lengsa rw kha.

HOSEA 8:1

Nini búkhúk bai totro supsa di! khoroksa Subraiyungni nok saka-o toling hai khe bir khlai phai kha, tamni hwn ba bórok ani kerongno swbai kha tei raidarokno sak nang ya wng kha.

HOSEA 8:3

Israilrok kahamno khibi kha; kebengnairok bórokni uklok uklok riphriknai.

LEBI 26:36

Hakhe norokni bisingni kwthang tong rwknairokno khe ang norokni kebengnai arirokni o bwkha swbaimung rohornai tei buphang bwlái klaima khorang bai’-no kiriui ma khárnai; hakhe bororok seng kirijagwi khár tẃi khe bórok khárnai khoroksa phano bórokno riphrikna nang glak, hai phano bórok klai bainai.

AMOS 2:14

Doui khabrumwi mannairokbo sakno mwthangwi man glak, phan gwnangroknibo bórokni phan phunugui man glak, sengkrakrokbo bórokni langmano mwthangwi man glak;

HABAKUK 1:8

Bórokni korairok gegumarokni slái se kodo kuk, bórok sanja jorani sẃikurrokni slái thamchi kutung; bórokni korai kanairok hakchalni simi belai kheno doui phai-o; sikruk hai khe bórok monokna bagwi doui phai-o.

UÁINWINI SA PHIMA 28:49

Subraiyung norokno kebengwi hakchal ha páithakni kaisa dophano toling birwi phaima hai khe norokno choprokna bagwi tubu anw, a dopharokni kókrokno norok buchiui man glak.