KAPSIMANG KAPMA 4:16 - Kok Borok (Re-edited) Bible (BSI)

¹⁶ Subraiyung baithang se bórokno piring-poroi khlai-o, bo bórokno tei naikhlai glak kha; ochairok bórom phunukjak ya okra-chakrarokbo sak nangjak ya.

KAPSIMANG KAPMA 4:16 Iomraidhean Croise

YAPHANG 49:7

Bórokni jolima-o swraimung nang thung, tamni hwn khe abo panjalwi wngma klai-o; bórokni a jolimung belai khe khairokma kwrwi! Jakobni bisingo ang bórokno baknai tei Israilni bisingo pisa-piring khlainai.

2 BOSONG 36:17

Abo bai’-no Subraiyung Babilonni habugrano bórok bai nang lai rwna tubu kha, habugra bórokni noktharono bórokni siklarok jotonono buthar bai kha. Bo khoroksano phano sikla, chakra, chwla tei bwrwino suda khairok li ya. Bórok jotono bini yago yaphar kha.

LOBMUNG 106:27

Bini bosongrokno bosong kwbángma-o butharnai tei kwbángma ha-o pisa-piring khlainai.

LOBMUNG 106:44

Hai phano bo bórokni kapma khnaui, bórokno naikhlai kha.

JISAIA 24:2

Borok bánglarokbo hai’-no wngnai tei ochairokbo haino wngnai; selengbo haino nokphang nokphangjwkbo haino wngnai, painai haino phalnai bo wngnai, solok nanai haino solok rwnai bo wngnai; lakai nanai haino lakai rwnai bo wngnai.

JISAIA 47:6

Ang ani bororokno joli kha, ani bumungno sitra rw kha; tei bórokno nini yago yaphar kha, nwng bórokno khairok li ya, nini horbakno belai hilik khlaiwi bórok chakrarokni saka rw kha.

JIRIMIA 15:4

Ang bórokno haktorni joto dophani thani kirimasingcha khlainai tamni hwn khe, Judani habugra Hejekiani bwsajla Manase Jerusalemo hamya samung khlai kha.

JIRIMIA 24:9

Ang bórokno ha gwnangwini bwskango kirimasingcha, lachimasingcha khlainai tei ang riphrigwi rohorma ha-o bórokno selengmasingcha mwnwi kothok tei swraimung nangjaknai khlainai.

JIRIMIA 52:24

Habugrani sengkrak dagiphang ochai okra Seraiano tei ochai okrani yakchu Japhaniano tei khorokthamno bwthái bwchlwi nakma aroni romwi tlang kha,

KAPSIMANG KAPMA 2:20

O Subraiyung, naisik di, uansugwi nai si di! Nwng ba omo sabono khlai kha? Buma ba tamo bórokni ogo achainai chwraino da chá sinai? Diyari tei ochai ba tamo nok kwtharo da butharjaksinani?

KAPSIMANG KAPMA 2:6

Bo bini kainokno tháiblwng swbai tẃi khe swbai kha, bo bini kuthum laima nokno swbai kha; Subraiyung Siyonni terno tei sabatno mwthagwi pái kha, habugra tei ochaino bo belai khe jolijak kha.

KAPSIMANG KAPMA 5:12

Habugrani tangphang okrarok yak khaui tonjak bái kha; okra-chakrarokbo bórom rwjak bai li ya.

ESEKIEL 5:10

Aboni bagwi’-no norokni bisingo Jerusalemni buma bupharok bwsarokno ma chá anw tei bwsarok buma bupharokno ma chá anw, ang norokno buj thumnai tei kwthang tongnairokno piring-poroi khlainai.

UÁINWINI SA PHIMA 28:25

“Subraiyung norokni arirokni bwskango norokno buthar rwnai, norok lama twngsa tẃi bórokno kebengwi tháng khe, lama twngsni tẃi bórokni bwskangni khár anw. Ha sakani bebak ha-ono buini kirimung wngnai.

UÁINWINI SA PHIMA 32:26

Ang hai hwnwi sa kha, “Bórokno hakchalo pisa-piring khe rohornai, bororokni bisingni bórokni mungno hu-ui páinai.”

HIBRU 8:9

Abo bórokno yak tolwi ha Ijipni ongkhorwi tubu phuru ang bórokni chuchusongni thani swmai tangma hai wng glak. Ang bórokni thani swmai tangma hai bórok tong ya, hakhe ang bórokno naharwi nai ya hwnwi Subrai sa-o.