KAPSIMANG KAPMA 4:13 - Kok Borok (Re-edited) Bible (BSI)

¹³ Omo bini diyarirokni sumsokni bagwi tei ochairok cha ya khlaima bagwi se wngo, tamni hwn ba bórok aro borok kahamrokni thẃi kochok rw kha.

KAPSIMANG KAPMA 4:13 Iomraidhean Croise

JIRIMIA 14:14

Subraiyung ano ahai hwnwi sa kha: Kók diyari sanairok ani mungwi tatal khe thinangni kókrok sa-o; ang bórokno robo rohor ya tei sa di hwnwibo dagi ya. Bórok norokno tatal khe imang-mukthangni kók se sa-o, nang ya-sók ya phunukjakmani kókrok se sa-o, bórok uansuk tẃi kókrok tagwi saui bandimung kókrok sa-o.

JIRIMIA 2:20

Bisi kwbángma swkang’-no nwng horbakno swbai kha, tei nini dwkhwino sachu kha. Phiya nwng hai hwnwi sa kha, “Ang nono mon li ya!” Sak phalnai hai khe nwng hathái kuchukma tei bebak buphang kwkhrang yaphango sakno rwui khulum kha.

JIRIMIA 2:30

Ang nini chwrairokno haino se swprakma klai si-o; bórok phrwngmano yachak li ya gwja. Norokni sakni sengno sak sakni diyarirokno akarjak singho hai khe buthar laiwi pái kha.

JIRIMIA 5:31

Diyarirok tatal khe kók diyari sa-o tei ochairok diyarirok dagima haino tẃithero, phiya ani bororokbo omo haino’-no hamjago. Phiya ba páithago norok tamo khlainai?

JIRIMIA 6:13

Bórokni bisingo kotor kotoi bebakno cha ya lama tẃi ajina mokol chẃng lai-o: Diyarirok, ochairok bebakno bandinai máng.

KAPSIMANG KAPMA 2:14

Nini diyarirok nini banta tatal tei bandinai imang-mukthangrok nuk kha; bórok nono phiyók phina bagwi nini cha yarokno phunugui rw ya, tamo khe bórok nini bagwi nugwi kók diyari samarok tatal tei lama koró rwnai máng se.

ESEKIEL 11:6

Norok kamiyungo borok kwbángma butharwi laharrogo kwthwi bai kupulung khlai kha.

ESEKIEL 22:25

Bórok singho hai khe muirok uátharwi butharnani naima hai khe hamya khlaina bagwi chap lai-o. Bórok borokrokno monok kha; bórok rang-rírok, manwi kahamrok na kha; tei kwbángmano randijwk snam kha.

MATHAI 23:31

Hakhe norok a diyarirokno butharnairokni bosong hwnwi gosiui tongo.

SAMUNG 7:52

Norokni chuchusong bu diyarino sátok ya tong kha ba? Borok Kaham phainai hwnwi agi sanairokno bórok buthar kha. Tabukbo norok bono rom rwui buthar kha.