KAPSIMANG KAPMA 4:10 - Kok Borok (Re-edited) Bible (BSI)

¹⁰ Khairokma gwnang bumarokni yak se tabuk sakni bwsarokno se sóngwi chá lai si-o; ani bororok bórokni komorma jora-o bórokni bwsano se chámung khlai si-o.

KAPSIMANG KAPMA 4:10 Iomraidhean Croise

2 HABUGRA 25:3

Nokha tal brwini sal chuku-o Jerusalemni bisingo belai khe chacharara nang kha, hani bororokni bagwi aro mungsa chámung kwrwi kha.

JISAIA 22:2

Norokni kamiyung hohom-dodom tei tongthothok. Nini aroni butharjaknairok seng bai tanjagwi butharjak ya.

JISAIA 49:15

“Bwrwima sakni abuktwi chánai chwraino pogwi da man ba? Bo sak ogo tẃima bwsano khairok yaui tongnai da? Omorok bo pogwi tháng phano, hai phano ang le nono pok glak.

JIRIMIA 19:9

Bórokni arirok eba khe bórokno butharna nainairok bai bórok chopjagwi sátokjak anw, aphuru ang bórokno bórokni sajwk sajlani bahanno bórokno chá rw anw tei jotono bórokni noksa-nok arini borokni bahanno chá lai anw.

KAPSIMANG KAPMA 2:11

Ani mokolrok bai kabwi simi se ma tong si-o; ani bisingobo ayuk-muyuk khe tekto nang kha; ani bororok komorma bagwi tei absa kwlwirok kamiyungni lamarogo klaiwi lengwi tongma bagwi ani bwkha se ha-o klai thángma hai wng si-o.

KAPSIMANG KAPMA 2:20

O Subraiyung, naisik di, uansugwi nai si di! Nwng ba omo sabono khlai kha? Buma ba tamo bórokni ogo achainai chwraino da chá sinai? Diyari tei ochai ba tamo nok kwtharo da butharjaksinani?

KAPSIMANG KAPMA 3:48

ani borok komormani bagwi ani mokolni muktwi twimani twi yor tẃi khe kochok kha.

KAPSIMANG KAPMA 4:3

Pheuang se bwsano abuktwi cha rw-o, tamo khe ani bororokni le khairokma se kwrwi kha, bórok hasinglwngni tok mangingang hai se wng si-o.

ESEKIEL 5:10

Aboni bagwi’-no norokni bisingo Jerusalemni buma bupharok bwsarokno ma chá anw tei bwsarok buma bupharokno ma chá anw, ang norokno buj thumnai tei kwthang tongnairokno piring-poroi khlainai.

LEBI 26:29

Nwng nini sajlarokni bahan ma chánainai tei nwng nwsajwksongni bahan ma chánai.