KAPSIMANG KAPMA 3:64 - Kok Borok (Re-edited) Bible (BSI)

⁶⁴ “O Subraiyung, bórokno bórokni samungrokni bagwi yagul su di!

KAPSIMANG KAPMA 3:64 Iomraidhean Croise

LOBMUNG 28:4

Bórokno bórokni samung tangma tẃi’-no tei tongmung sitra tongma tẃi’-no bórokno manjak rw di; bórokni yak bai samung tangma tẃi’-no bórokno manjak rw di, bórokni hamya bórokni saka-ono klai rw di.

JIRIMIA 11:20

O phan kwraksa Subraiyung, nwng le bujsói khlai-o tei bwkhano tei uansukmano chánai-o, aboni bagwi nwng bórokno yagul sumano ano phunuk di, tamni hwn ba ang nini thani’-no tentaiwi sa kha.

JIRIMIA 15:15

O Subraiyung, nwng le saui mano; ani kókno muitu narwk ja di tei ano nai ja di, ano sátoknairokno nwng yagul su ja di, nwng bórokno khá logwi tongo hwnwi bórokni yago ano ta komor rw ja di. Uansugwi nai ja di ang nini bagwi bwswk se lachimasingcha khlaijakmano soi kha.

JIRIMIA 50:29

“Norok badukhung koknairokno tei badukhung thonnairokno Babilonno kebeng di, bono gerep di; khoroksano phano ta phiyók di. Bini samung khlaima tẃi’-no bono su-ui rw di, bo khlaima tẃi’-no bonobo khlai di, tamni hwn ba bo Israilni kwthar Subraiyung Kaitorno sak nang ya wngwi kebeng kha.

JIRIMIA 51:24

“Borok Siyono hamya khlaimani bagwi ang Babilon tei Kolodiani bororokno yagul sumano norok mokol baithang nuk anw,” hwnwi Subraiyung sa-o,

JIRIMIA 51:56

Tamo khe bini saka-o, Babilonni saka-o, sokomornai phaiwi sók phai kha; bini chobani sengkrakrok tlangjak bai kha, bini badukhungrok bo dwrwk-darak khe swbaijak bái kha; tamo khe Subraiyung wng kha yagul su phirnai Kaitor. Bo sóino bebakni yagul sunai.

JIRIMIA 51:6

Norok Babilonni khár di, norok bebakno sak sakno thwinani yakni yók di! Bini sumsokni bagwi norok majra ta manjak di, tamni hwn khe omo wng kha Subraiyungni yagul sunani jora, bini tangma tẃi’-no bo bono su-ui rw anw.

2 TIMOTHI 4:14

Mairang lota snamnai Aleksandar belai khe ano leng rw kha; bo khlai tẃi’-no Kaitor bono yagul sunai.

PHUNUKJAKMANI 18:6

Bo norokno khlaima tẃi’-no norokbo bono khlai di; bini samung khlaima tẃi’-no bono dobol khe su phi di; Bo norokni bagwi chuak khlaima tẃi’-no norok aboni slái teibo kwprap khe bini khuri supungwi rw di.

PHUNUKJAKMANI 6:10

Bórok sotonwi hai hwnwi chirikhók lai kha, “O Kwplaisa Subrai, nwng kwthar, nwng kubui! Swngcharni bororokno nwng buj thumnani bwswk lerno kho? Chini thẃini yagul sunani bwswk lerno kho?”