KAPSIMANG KAPMA 3:61 - Kok Borok (Re-edited) Bible (BSI)

⁶¹ “O Subraiyung bórok ano thesra kariui sa laimarokno tei ani hamya khlaina chapmarokno nwng khna kha.

KAPSIMANG KAPMA 3:61 Iomraidhean Croise

LOBMUNG 74:18

Omono muitu narwk di, o Subraiyung kebengnai arirok bwswk se hamya sa lai tei tongmung sitra tongnairok nini mungwi hamya sa kha.

LOBMUNG 89:50

O Subraiyung, nini selengsa bwswk khe sitra rwjak kha nai di; bororok ano thesra kari laimano bahai khe ang bwkha-o chu-ui tong kha,

JIRIMIA 18:23

Hai phano o Subraiyung nwng le bórok ano butharna hwnwi bebak uarai chakmarokno saui mano. Bórokni cha yarokno ta nakar di, bórokni sumsokrokno nini bwskangni hu-ui ta khibi ja di. Nini mokol bwskango’-no bórokno gaija rw di; nwng jolima jora-o bórokno abo hai khlai di.

KAPSIMANG KAPMA 3:30

bo bono bunaino khangar chagwi rw thung tei lachimung manmarok bai kupulung wng thung.

KAPSIMANG KAPMA 5:1

O Subraiyung, chini saka-o bwswk tamo klai kha naiwi nai si di; chini lachimasingcharokno naiwi nai si di!

JAPHANIA 2:8

“Ang Moab lachimasingcha khlaimano tei Ammonni bororok ani bororokno thesra khe mwnwimano tei bórokni hano segwi nana hwnwi kók kotor samano khna kha.