KAPSIMANG KAPMA 3:59 - Kok Borok (Re-edited) Bible (BSI)

⁵⁹ O Subraiyung ang cha ya khlaijakmano nwng nuk kha; o Subraiyung ani bagwi bujsói khlai si di.

KAPSIMANG KAPMA 3:59 Iomraidhean Croise

YAPHANG 30:6

Hakhe Rahel hai hwnwi sa kha, “Kaitor ano sói khe buj khlai kha tei ani khorang khnaui ano sajla khoroksa rw kha”; Hakhe bo bono Dan hwnwi mung phar kha.

YAPHANG 31:42

Ani aphani Kaitor tei Abraham bai Isakni Kaitor ang bai kwrwi hwn khe nwng bu masíngo’-no ano yak bukcha khe rwkhlaiwi rohor kha mun. Tamo khe Kaitor ani tong kesepno tei ani samung tangmano nugwi thángnai horo nono khorai kha.”

LOBMUNG 10:14

Tamo khe nwng nugo! Ao, yak rwnani bagwi digi-sigi klaijak tei bwkha hilikjakrokno naikhlai kha; khairok susukrok sakno nini thani bwkha bera-o; nwng se ma-pha kwrwirokno chuba-o.

LOBMUNG 26:1

O Subraiyung ano sutrang hwnwi sakhlai di tamni hwn ba ang sói khe tong kha, tei Subraiyungni aroni yang ayang lama phér yaui tong kha.

LOBMUNG 35:1

O Subraiyung ano kebengwi bachanairokno nwngbo bórokno kebengwi bacha di; ang bai choba nang lainairok bai nwngbo bórok bai choba nang lai di.

LOBMUNG 35:23

Bacha di, sicha di ano kati rwna bagwi, ani bagwi o ani Kaitor ani Subraiyung!

LOBMUNG 43:1

O Kaitor ano buj thum di, Kaitorno kiri ya bororokni yakni ano kati rwui ton ja di; bujsói tẃi ya tei bandinai borokrokni yakni ano phiyók ja di!

LOBMUNG 9:4

Nwng buj thum phuru ani kaham khlai kha; achukthayungo achugwi sói khe buj thumo.

JIRIMIA 15:10

O ama ani bwswk se talikha hamya, nwng tamo wngwi ano bá lang, o ha gwnangwini bororokni bisingo dukhu ma nangnai tei ma uálainai borok se wng si-o! Ang khoroksano phano lakaibo rw ya tei lakaibo na ya, hai phano se jotono ano swrai lai-o.

KAPSIMANG KAPMA 3:36

khoroksa swk bujsói khlaijak ya khe Subraiyung abono nuk glak diba?

KAPSIMANG KAPMA 3:60

Bórok ani hamya khlaimano nwng tei ano kebengwi hamya chapmaroknobo nwng nuk kha.

1 PITOR 2:23

Bo kuljak phano bo kul phi ya; bo sátokjak phano tháisa phano pung yaui sói Buj Thumnai Kaitorni thani khá beraui tongo.