KAPSIMANG KAPMA 3:57 - Kok Borok (Re-edited) Bible (BSI)

⁵⁷ Ang ring phuru khe nwng ani gana-o phai kha, tei ‘Ta kiri di!’ hwnwi ano sa kha.

KAPSIMANG KAPMA 3:57 Iomraidhean Croise

YAPHANG 26:24

Tei Subraiyung a horo bo bai nukjagwi hai hwnwi sa kha, “Ang nini Apha Abrahamni Kaitor; ta kiri di, tamni hwn ba ang nwng bai tongo, ang nono hamari rwui tei nini bosongno ani seleng Abrahamni jarwi er rwnai.”

2 HABUGRA 19:6

Jisaia bórokno hai hwnwi sa kha; “Norokni bugrano sa di; Subraiyung hai hwnwi sa-o; ‘Asiriyani selengrok Subraiyung nono mwthangwi man ya hwnwi samano nwng ta kiri di;

LOBMUNG 138:3

Ang nono ring khe nwng abono khna kha, nwng bwkhano rak rw kha.

LOBMUNG 145:18

Subraiyung bono ringnairokni bono bwkha rwui ringnairokni samo’-no tongo.

LOBMUNG 69:18

Ani samo phai di, ano phiyók phai di ano kebengnai arirokni yakni ano phiyók ja di.

JISAIA 41:10

Ta kiri di, ang nwng bai tongo, bwkha ta bai di, tamni hwn ba ang nini Kaitor, Ang nono phan rwnai, ang nono chubanai, ang nono ani kwplai yagra yak bai khe romwi tongnai.

JISAIA 41:14

O yóngsa hai Jakob tei Israilni bororok ta kiri di! Ang norokno chubanai hwnwi Subraiyung sa-o; Israilni Subraiyung nini phiyóknai.

JISAIA 58:9

Aphuru nwng ring khe Subraiyung khna anw; nwng chubachuni bagwi chiri khók anw, hakhe bo uphilwi sa anw, ang oro se. “Tumungno nwng norokni bisingni horbakno rosaui na khe, yasi surwi kók sitra samani khibi khe,

JIRIMIA 1:17

Haini bagwino nwng chango rí kwrak khe khaui bacha di tei ang nono bebak dagimarokno bórokno sa di. Bórokni bwskango bwkha ta bái di, wng ya khe bórokni thani ang nono butua snamnai.

SAMUNG 18:9

Horsa Subrai imango Polno hai hwnwi sa kha, “Ta kiri di, kók sa máng tong di, sama ta cho di.

SAMUNG 27:24

hai hwnwi sa kha, ‘O Pol, ta kiri di. Bugra kotorni bwskango nwng ma se ma bachanai, hakhe Kaitor khairogwi nini logisongrok bebak’-no nini bagwi mwthangnai.’

HIBRU 7:19

Musini Kerong wng kha mungsano phano kaham khlaiwi man ya. Hakhe tabuk teibo lama kaham khlaijak kha, abo baino chwng Kaitorni gana-o sók phai kha.

JAKOB 4:8

Kaitor bai tong di, hakhe bobo norok bai tongnai. O sumsok gwnangrok, norokni yak sú bai di! O phatrarok, norokni bwkha kuphur khlai di!

PHUNUKJAKMANI 1:17

Ang bono nuk khe’-no kwthwi hai wngwi bini yakung yaphango klai kha. Hakhe bo yagra yak bai ano tangwi hai hwnwi sa kha, “Ta kiri di. Angno yaphang, angno buchuk.

PHUNUKJAKMANI 2:10

Nwng sátokjakna naiwi tongmano ta kiri di. Khna di, Soitan norokno amjokna bagwi norokni bere baksano alongo khiklai anw; norok nokha salchi jora tẃi se tekto man anw. Thw phano thwi thung nwng ano poito khlaiwi tong di, hakhe ang nono langmani motok rwnai.