KAPSIMANG KAPMA 3:48 - Kok Borok (Re-edited) Bible (BSI)

⁴⁸ ani borok komormani bagwi ani mokolni muktwi twimani twi yor tẃi khe kochok kha.

KAPSIMANG KAPMA 3:48 Iomraidhean Croise

LOBMUNG 119:136

Nini kerongrok rákhokjak yani bagwi ani mokolni muktwi twima botẃi khe yorkhlai kha.

LOBMUNG 137:1

Siyonno muitu wng phuru khe chwng Babilonni twima rukungrogo achugwi kap lai-o.

JIRIMIA 13:17

Tumung nwng kók khna ya hwn khe nwng kung chukma bagwi ang huijagwi bwkhani muktwi khiklai anw; belai khe kabwi mokolni muktwi yorkhlai rwui kapnai, tamni hwn ba Subraiyungni bororok khajagwi tlangjak anw.

JIRIMIA 14:17

Nwng o kókno bórokno sa di: Ani mokolni muktwi hor-sal chorom phlaiwi tong thung, ta thak phlai thung, tamni hwn ba ani dophani bwrwi siklarok belai khe dukhu man rwui bujak kha tei kwsa kotorma khe rwjak kha.

JIRIMIA 4:19

Ani bwkha hamya, ani bwkha hamya! Ani bwkha belaino kubúksaui sa-o! O, ani bwkha bwswk se kapsajak, ang siring-siring tongwi man li ya: Tamni hwn ba ang totro khorang khna-o. Ang chobani khorang khna-o.

JIRIMIA 9:1

Ani bokhorok twikhereng wngma te tei ani mokol twimuk wng khe! Ani bororok butharjakma bagwi hopung sapung kap kha mun.

JIRIMIA 9:18

Bórok dakti phaiwi chini bagwi kapsimang kapmung cheng thung hakhe chini mokolni muktwi thop-thop khe klainai, tei chini muktwi kupulung khe yornai.

KAPSIMANG KAPMA 1:16

“Omorokni bagwi ang kabo; mokolni muktwi kochok kha; ano bwkha bacha rwui bwkha methepnai ang bai chal kha; ani bwsarokbo khibijak bái kha tamni hwn ba kena arirok se kwplai wng kha ba.”

KAPSIMANG KAPMA 2:11

Ani mokolrok bai kabwi simi se ma tong si-o; ani bisingobo ayuk-muyuk khe tekto nang kha; ani bororok komorma bagwi tei absa kwlwirok kamiyungni lamarogo klaiwi lengwi tongma bagwi ani bwkha se ha-o klai thángma hai wng si-o.

KAPSIMANG KAPMA 2:18

Subraiyungni thani chirigwi sa di, o Siyonni sajwkni chokdeual! Nini muktwi hor sal twi yor khlai tẃi yorkhlai si thung! Nwng hopung sapung kapma ta thák si di!