KAPSIMANG KAPMA 3:42 - Kok Borok (Re-edited) Bible (BSI)

⁴² “Chwng sumsok khlai kha tei nini kók khna ya wngmani bagwi nwng chwngno nakar li ya.

KAPSIMANG KAPMA 3:42 Iomraidhean Croise

2 HABUGRA 24:4

Tei bebak borok kahamroknobo buthar kha; bo Jerusalemo borok kahamni thẃino supung kha tei Subraiyung Manaseno nakarwi man li ya.

EJRA 9:6

hai hwnwi sa kha, “O ani Kaitor nini bwskango ani mwkhang tisanani ang belai lachi kha, chini bokhorokni slái chini sumsok chuk súk kha. Tei chini cha yarok chukha jora sógwi kha.

NEHEMIA 9:26

“Phiya ba kók khna li ya, kebeng kha nini bororokno; khlai kha nini kerongno bórokni uklogo, buthar kha bórok nini diyarirokno; Nini thani kiphil di hwnwi koboknairokno, abo tẃi khe sa lai kha hamya nini mungno.

LOBMUNG 107:11

tamni hwn ba bórok Kaitorni kókrokno kebengwi bacha kha tei kuchuk kuk Kaitorni kókno khna li ya.

JIRIMIA 14:20

O Subraiyung chwng cha ya khlaimano tei chini chuchusongni hamyano chwng gosi-o, chwng nono kebengwi sumsok khlai kha.

JIRIMIA 3:13

Norokni cha yano tei norokni Subraiyung Kaitorno kebengwi bachamano simi lon di. Norok ani dagima kókno norwi bebak buphang kwkhrang yaphangrogo thángwi buini mwtai-atairokno se hamjak kha, omono gosi di. Ang Subraiyung o kókno sa-o.

KAPSIMANG KAPMA 1:18

“Subraiyung bujsói khlainaisa, ang bini kókno kebengjak kha; o bororok khna di, ani tektono nai di; ani chwla siklarok tei bwrwi siklarok buini ha-o khaui tlangjak bái kha.

KAPSIMANG KAPMA 5:16

Chini bokhorokni motok kogwi klai kha; chini le bwswk se kirimasingcha, tamni hwn ba chwng sumsok khlai kha.

ESEKIEL 24:13

Jerusalem, nini samung hamya bai nwng dera kha, ang nono kwthar khlainani naiwibo nono kwthar khlai man glak, ani jolima nini saka-o klai rw ya sak nwng kwthar se wng glak kha.”

DANIEL 9:15

Tabuk, o Subrai chini Kaitor, nwng phankrak phan bai nini bororokno ha Ijipni tẃitherwi tubu kha, tini jora nini mung tong kho, chwng sumsok khlai kha tei belai sitra khe samung cha ya tang kha.

SAKARIA 1:5

norokni nuchusong buko? Diyarirok mol brúm brúm de kwthang tong ba?

SAKARIA 1:6

Ang ani selengrok tei diyarirokno dagiui norokni chuchusongno khorai kha, tamo khe bórok bwkha de kiphil si? Aboni bagwi bórok ma manjak kha tei yagulo khe bwkha kiphilwi “Kwplaisa Subraiyung, bini chong tẃi’-no chini samungni manthaino rw kha.”