KAPSIMANG KAPMA 3:40 - Kok Borok (Re-edited) Bible (BSI)

⁴⁰ Phai di, chwng bahai khe tong abono amjogwi nai lai anw tei Kaitorni thani kiphilwi tháng lai anw.

KAPSIMANG KAPMA 3:40 Iomraidhean Croise

2 BOSONG 30:6

Habugra dagimani hai khe tẃitunrok bebak ha Israil bai Judia-o habugra tei bini tẃiphangrokni kóktun tlangwi thángwi hai hwnwi sa lai kha, “O Israilni bororok, Subraiyung, Abraham, Isak tei Israilni Kaitorni thani kiphil bai di, hakhe bo Asiriyani habugrani yakni yógwi tong rwknairokni thani kiphilnai.

2 BOSONG 30:9

Norok Subraiyungni thani kiphilwi phai khe norokni takhukrok tei bwsa-bẃtẃirokno khaui tlangnairok ma khairoknai tei ha-o kiphilwi ma phainai. Tamni hwn ba Subraiyung norokni Kaitor wng kha khairokma tei mayabo gwnang, norok bini thani kiphilwi phai phi khe, bo norokno khibiui rohor glak.”

LOBMUNG 119:59

Ang nini lamarokno uansuk khe, ang nini kók kerong-raida phaising ani yapri uphilwi sé kha.

LOBMUNG 4:4

Thamchi tungjak phano sumsok ta khlai di; nini thuyamo siring siring khe uansugwi tong di tei siringcha wng di. Sela

JISAIA 55:7

Borok hamyarok bini lamano khibi thung tei sumsok gwnang bini uansukmano yakar thung; bo Subraiyungni thani kiphilwi phai thung, hakhe bo bono khairok anw; kiphilwi phai thung, tamni hwn ba bo bebakno nakar bainai.

ESEKIEL 18:28

Tamni hwn ba bo khá siui bebak hamya khlaimani kiphil khe; bo kubui’-no thangnai, thwi glak.

HOSEA 12:6

Phiya ba nwng khe hamjakmung tei bujsóino naising twtwi nini Kaitorni thani kiphil di.

HOSEA 5:15

Bórok sak sakni cha yano lon ya sak tei ano naituk phiya sak ang ani tongthai-o kiphilwi thángnai. Bórok ani thani chubamung san anw.

HOSEA 6:1

Him di, chwng Subraiyungni thani kiphilnai; tamni hwn ba bo se kwsabo cha rw-o habo ham rwnai; bo se chwngno swbo swprago tei bo’-no cha rwui tisa-o.

SAMUNG 26:20

Sumsok yakarwi Kaitorni phaising khá ma kiphilnai, hakhe sumsok yakar kha hwnwi phunukma bagwi abo hai kheno ma tongnai hwnwi ang puila Damaskos bai Jerusalemo pír kha, ulo Judairok ha gwnangwi tei buini bororokni bisingobo pír kha.

1 KORINTH 11:28

Hakhe tabuk, jotono sak sakno uansugui nai gra di, abo hai khe bo a rutibo chá thung, a khuribo nung thung.

1 KORINTH 11:31

Chwng sak sakno uansugui nai gra khe Kaitor bai buj thumjakna nang ya.

2 KORINTH 13:5

Norok sak sakno potaliui nai di, norok poito khlaiwi da tong uansugui nai di. Norok chúk ya wng ya hwn khe Khristo Jisu norokni bisingo tongo hwnwi norok saui man ya da?

UÁINWINI SA PHIMA 4:30

Norok digi-sigi-o klai khe tei ulo omo hairok norokni saka-o sók phai khe a jora-o Subraiyung norokni Kaitorni thani kiphil di tei bini khorangno khna di.