KAPSIMANG KAPMA 3:39 - Kok Borok (Re-edited) Bible (BSI)

³⁹ Sakni cha yarokni bagwi swprakjagwi ba tamo borok aboni bagwi tentai?

KAPSIMANG KAPMA 3:39 Iomraidhean Croise

2 HABUGRA 3:13

Hakhe Elisa, Israilni habugrano hai hwnwi sa kha, “Ang nini bagwi tamo khlainai? Tháng di, nwma bai nwphani diyarirokno sẃngwi di.” Tamo khe Israilni habugra bono hai hwnwi sa kha, “Omo Subraiyung chwng khoroktham habugrarokno Moabni yago yapharna ring kha.”

2 HABUGRA 6:32

Elisa nogo achugwi tongmani, okrarokbo bo bai pal khe achuk laijak. Habugra butharnairokno rohorwi páijak, tamo khe a bororok sók phai ya sini Elisa okrarokno hai hwnwi sa kha: “A borok butharnai ano butharna bagwi tabukno borok rohormani norok saui da man? Nai di, o butharnairok sók phai kheno dugar soui berebwi rw di. Bini utung-utung khe bórokni habugrani yaprini khorangno ang khna ya diba?”

2 HABUGRA 6:33

Bo abo sa baidrop se wng si-o, hai khe’-no habugra sók phaiwi sa kha, “Subraiyung baithang se chini saka-o tekto sók phai rw-o, tamni bagwi ang tei Subraiyungno mungsa swk khlai thung hwnwi naisingwi tong sinai?”

EJRA 9:13

Chini sumsok tei cha ya khlaimani bagwi chwngno sátokmani yagulo chwng saui mano, chini Kaitor chwng kwbángma sátokma mannani tongmani hai phano bo kisa se sátogwi baksano omo hai khe yakarwi klang kha.

JOBNI BIJAP 11:6

bo nono huijak elemno sa thung! Tamni hwn khe simungni kwbángma bedek tongo. Hakhe se Kaitor nono nwng majra manna tongmani khaksa phano se rw ya kho hwnwi nwng saui mannai.

JOBNI BIJAP 15:13

abo tẃi khe nwng Kaitorno jolijago tei abo hai kókrok khukni ongkhorjak ya diba?

LOBMUNG 107:17

Baksa baksa khe bórokni sumsok tongmung tongmani bagwi sátokma manjago, tei bórokni samung cha yani bagwi dukhu mano;

PHRWNGMUNG 19:3

Butuasani butua tongmung se bono sokomoro, hai phano bini bwkha-o khe Subraiyungno se jolijago.

JISAIA 51:20

Khẃi-o nangjak mwswi hai khe nini nwsarok lengpraui lampra bokhorokni mathe klaiwi tong bai kha, bórok Subraiyungni jolijakma bai kupulung. Kaitorni swraimung nangjak.

JIRIMIA 10:19

Ang bwswk se bwkha kham! Tamni hwn ba ani kwsa belai khe kotor. Hai phano ang hai hwnwi ma sa-o, “Au omo le ani bagwi sátokmungno wng laha, ang omono ma soi sinai.”

JIRIMIA 30:15

Nini bwkha bisingo nwng tamni kap? Nini samani tei ham glak, tamni hwn khe nini cha ya kwbángma, tei sumsok lekha bai li ya, aboni bagwino ang nono omo hai khlai-o.

KAPSIMANG KAPMA 3:22

Kaitorni pái phlai ya khairokma tei páiwi tháng ya, bini khairokmabo tei pái phlai ya;

LEBI 26:41

phiya ba ang bórokno kebengwi bacha kha tei bórokni kebengnai arino ha-o tubu kha; tamo khe bórokni sakur rajak ya bwkha koinene wngwi bórokni sak sakni sumsokno lon khe;

LEBI 26:43

Tamo khe o habo bórok bai khibijak wngnai tei borok kwrwi sani komorjak ha wngwi lenglamung lenglanai, tamni hwn ba bórok ani raidano rákhok li ya, aboni bagwi ani khá bórokno seleng kha.

MIKA 7:9

Ang tabuk Subraiyungni jolimano ma manjagwi tongo, tamni hwn ba ang bono kebengwi sumsok khlai kha, tamo khe páithago khe bo chini phaising wngwi kók sanai tei chini bagwi bujsói khlainai; bo ano pohoro tikhlaiwi tubunai; ang bini bujsói khlaimano nuknai.

LEKHAMUNG 11:11

Musi Subraiyungno hai hwnwi sa kha, “Tamni aswk nini selengno tekto rw lang? Tamo wngwi ano ba aswk chajak li ya wng lang ba? Tei ani saka-o máng aswk bororokni barja boksinwi tong kha?

LEKHAMUNG 16:41

Phiya ba teini salo Israilni bebak lukurok Musi bai Aronno, “Norok Kaitorni bororokno buthar kha,” hwnwi hunu-hanai sa lai kha.

LEKHAMUNG 17:12

Israil bororok Musino hai hwnwi sa lai kha, “Nai di, chwng thwi kha! Chwng kwma kha bebak kwma bai kha.

PHUNUKJAKMANI 16:9

Bini hór kutung bai bororok sókjak bai kha, hakhe bórok omo tẃi birmanrokno phnangnai Kaitorno hamya sa lai kha, hai phano bórok bórokni sumsok yakarwi Kaitorno kotor hwnwi lob li ya.