KAPSIMANG KAPMA 3:37 - Kok Borok (Re-edited) Bible (BSI)

³⁷ Subraiyung se dagi ya khe sabo búkhúk bai saui mungsa swk khlaiwi mannai?

KAPSIMANG KAPMA 3:37 Iomraidhean Croise

2 SAMUEL 16:10

Tamo khe habugra hai hwnwi sa kha, “Jeruiani bwsarok ang norok bai mungsa khlaina da tong ba? Tumungno Subraiyung Daudno swrai di hwnwi dagi khe, hakhe nono sabo hwn nai ba omo hai tamni nwng ma khlai?”

1 HABUGRA 22:34

Tabuk khoroksa sengkrak achomsa makal kongsa tikhlaiwi Israilni bugrano kogwi rw kha, abo thángwi bini khaklap katijaknai bai bokhorokni katijaknaini kwcharo nangwi kha. “Ang rwjak laha; hwnwi bo chirigwi bini korai malkhung béngnaino sa kha, Kiphil di tei o chobani khár gra di.”

2 HABUGRA 6:33

Bo abo sa baidrop se wng si-o, hai khe’-no habugra sók phaiwi sa kha, “Subraiyung baithang se chini saka-o tekto sók phai rw-o, tamni bagwi ang tei Subraiyungno mungsa swk khlai thung hwnwi naisingwi tong sinai?”

JOBNI BIJAP 10:13

Hai phano omorokno nwng nini bwkha-o hui tono; omo haino nwng nai-o hwnwi ang si-o.

JOBNI BIJAP 2:10

Tamo khe bo bihikno hai hwnwi hwn kha “Nwng butua bwrwirok kók sa tẃi khe se saui tongo. Chwng ba tamo Kaitorni aroni kahamno simi de yachaknai, hamyano kheba yachak yaui da tongnai?” Omo hairogobo Job bini búkhúk bai sumsok khlai li ya.

LAM RWMA 10:10

Tei bo bórokno hai hwnwi sa kha, “Subraiyungni mungwi sa-o, ang norokni bwrwirok bai chwrairokno le norok bai baksa rwi rohor ya. Omo hai khe ba norok mungsa swk ani bagwi hamya se chapma klai bla?

PHRWNGMUNG 16:9

Borok bo bini himma lamano tẃi chongo, tamo khe Subraiyung se bini yaprirokno se rw-o.

PHRWNGMUNG 19:21

Borok bwkha-o kwbángma’-no chapmungrok chabwi mano, tamo khe Subraiyungni muchung tẃi se wngnai.

PHRWNGMUNG 21:30

Mungsa swk elem, simung tei kókchaprok Subraiyungno kebengwi bachasaui man ya.

JISAIA 46:10

Ang yaphangni simi páithakni wngmungno sakhlaiwi hai hwnwi sa-o; ‘Ani kókbiti tong phlainai tei ani bwkha-o chapmarokno ang khlaiwi páinai.’

JIRIMIA 23:32

Nai di, ang tatal imangni kók sanai diyarirokno kebengo, bórok tatal tei kók kotor saui ani bororokno lama koró rw-o, yang khe ang bórokno robo rohor ya thángna bagwibo chong ya; aboni bagwino bórok o bororokni mungsa swk hamari phano tubu-ui man ya, hwnwi Subraiyung sa-o.

DANIEL 4:35

Joto ha-o tong bainai bororok bini thani mungsa buya. Bo bini muchung tẃi khe chuknohani suarirok tei ha-o tong bainai bororokno khlai-o. Khoroksa phano bini muchungmano kasu-ui man ya tei tamni abo hai khlai lang hwnwibo sẃngwi man ya.

RUMSONGNO POL SWIHORMANI 9:15

Bo Musino hai hwnwi sa kha, “Ang maya chána muchungma borokno ang maya chánai, ang khairokna muchungma borokno ang khairoknai.”

EPIS 1:11

Bebak samung’-no Kaitor chapma tẃi tei Kaitor chongma tẃi’-no khlaijago; Kaitor bini khá chapma bai Khristo bai thansa wngma bising tẃi chwngno bini borok wngna hwnwi chong kha, abo yaphangni simi bo khá chongwi phaima tẃi’-no khlaijak kha.