KAPSIMANG KAPMA 3:33 - Kok Borok (Re-edited) Bible (BSI)

³³ tamni hwn ba bo borokno muchungwi dukhu eba tekto rw ya.

KAPSIMANG KAPMA 3:33 Iomraidhean Croise

JOBNI BIJAP 37:23

Kwplaisani phanno chwng uansugwi man ya; bo phankrak tei bujsói tẃi-o, bo bujsói khibi glak.

LOBMUNG 119:67

Koinene khlai rwjak ya sini swkang ang lama koróui tongmani tamo khe tabuk ang nini kókno tẃi-o.

LOBMUNG 119:71

Ang koinene khlai rwjakmani abo ani bagwi kaham se, abo ang nini tongmungno rwngna bagwi se.

JISAIA 28:21

Bini uanamasingcha samung sijakna bagwi bo khlaina muchungma haino khlai nai, Subraiyung Perajim hathái-o bachama haino bachanai tei Gibeon hathái-o khlai tẃi’-no khlainai.

KAPSIMANG KAPMA 3:34

Swngcharni bebak alongo chopjakrok yakung bai káduljak phuru,

ESEKIEL 18:32

Khoroksa phano thwi lang thung hwnwi ang nai ya, hwnwi Subraiyung sa-o, hakhe bwkha kiphilwi thang si di.”

ESEKIEL 33:11

Bórokno sa di, Subraiyung Kaitor hai hwnwi sa-o, “Ang kwthang tong sak borok hamyarok thwimano ang chajak ya, tamo khe sumsok gwnang borok bo khá kiphilwi mwthangjak thung, o Israilrok norok samung hamya khlaima thak di, tamo wngwi norok thwinai?”