KAPSIMANG KAPMA 3:25 - Kok Borok (Re-edited) Bible (BSI)

²⁵ Subraiyungno naisingwi tongnairok tei bono bwkha beraui tongnairokni bo kaham khlai-o.

KAPSIMANG KAPMA 3:25 Iomraidhean Croise

YAPHANG 49:18

O Subraiyung ang nini phiyókmano naisingwi tongo

1 BOSONG 28:9

Solomonno bo hai hwnwi sa kha, “Nwng Solomon, ani sajla, nini nwphani Kaitorno sini di, bebak nini bwkha rwui tei muchungmani bai khe bono mon di, bo bebak chini uansukmarok tei chongmarokno saui mano. Nwng bono rutuk khe, nwng bai nukjaknai; phiya nwng bono yakar khe, nono mol brúmni bagwi khibiui rohornai.

2 BOSONG 15:2

bo habugra Asa bai malainani nongkhorwi bono hai hwnwi sa kha, “Ani kók khna ja di, habugra Asa tei bebak Judia bai Benjaminni bororok: Nwng Subraiyung bai tong khe, bo nwng bai tongo, nwng bono rutuk khe, bo nwng bai nukjaknai, phiya ba nwng bono yakar khe, bo’-bo nono yakarnai.

2 BOSONG 19:3

Hai phano nini sago kahambo tongo, nwng o hani Asera mwtaijwkno sokomor kha tei nini bwkha Kaitorno rutuk kha.”

2 BOSONG 30:19

noktharni raida tẃi bórok kwthar wng ya phano bebak bwkha rwui Subraiyung bini chuchusongni Kaitorno khulumnairokno nakar ja di.”

2 BOSONG 31:21

Kaitorni nokni bagwi aswk samung khlaimani Kaitorni raida tẃi tei bini dagimani tẃi khe bwkha bai’-no khlai-o, aboni bagwi hamari man kha.

EJRA 8:22

Tamni hwn ba ang habugrano chwngno lama-o chini kena arirokni yakni kati rw thung hwnwi sengkrak bodol tei korai malkhung kanai bodol sannani lachi kha, tamni hwn ba chwng habugrano chini Kaitor bono sannairokno hamari rw-o, phiya bono khibinairokno khe khencheneui jolijago hwnwi sama tongo.

LOBMUNG 105:3

Bini mung kwthar chẃngsa thung; Subraiyungno naituknairokni bwkha tongthok thung.

LOBMUNG 119:2

Bini kók khnaui tongnairok hamchajak, bórok bwkha rw súgwi bo sama tẃi tongo,

LOBMUNG 22:26

Borok koinenerok cháui bwkha kochomnai; Subraiyungno naituknairok bono lobnai. nini bwkha kwthang wngwi tong phlai thung!

LOBMUNG 25:8

Subraiyung le kaham tei sói se; aboni bagwi bo sumsok gwnangrokno lama phunugo.

LOBMUNG 27:14

Subraiyungno naisingwi tong di; kwrak wng di, tei bwkha ragwi nwng Subraiyungno naisingwi tong di! Ang hwno Subraiyungno naising di. Daudni rwchapmung

LOBMUNG 27:8

“Phai di, ano naisik di” hwnwi nwng hwn khe “Ang nini mwkhang naisigwi tongnai o Subraiyung hwnwi” ani bwkha-o sa kha.

LOBMUNG 37:34

Subraiyungno naising di, bini lama-o him di, tei bo nini yago ha rwna bagwi nono kuchugo tisanai; nwng borok hamyarok komormano nuk anw.

LOBMUNG 37:7

Subraiyungni bwskango siring siring wng di, tei bwkha logwi naisingwi tong di; hamya chapmung chapnairokni hamma chamano nugwi ámang-chímang ta wngjak di.

LOBMUNG 39:7

“Subraiyung, tabuk ang tamono naisingwi tongnai? Nwng’-no ani khatungma.

LOBMUNG 61:1

O Kaitor, ani kapma khna ja di; ani surimano khunju kai ja di.

LOBMUNG 61:5

Tamoni hwn ba o Kaitor, nwng ani chakmarokno khna kha; bórokni manthaino rwna hwnwi tongmano nwng ano rw kha.

LOBMUNG 69:32

Koinene bororok abono nugwi bwkha tongthokjaknai; Kaitorno naituknairok norokni bwkha thangsa thung.

LOBMUNG 71:14

Tamo khe ang nono khatung phlai máng tongnai, tei lobma saka lobnai.

JISAIA 25:9

A salo hai hwnwi sajaknai “Nai di omo chini Kaitor; chwngno mwthangna bagwi bo naisingwi tong kha. Bo wng kha Subraiyung; chwng bono naisingwi tong kha; phai di chwng bini mwthangmani bagwi bwkha srangwi tongthok lai anw.”

JISAIA 26:9

Horo khe ang nono khátango ani bwkha-o kuthuk khe nono naitugo. Ha-o buj thum phuru khe bórok bujsói tamono hwn srwngo.

JISAIA 30:18

Aboni bagwino Subraiyung norokno khairoknani bagwi naisingwi tongo; tei aboni bagwi bo norokno khairokna muchungma bai sakno kuchuk khe tisaui tongo. Tamni hwn ba Subraiyung wng kha bujsói tẃinai Kaitor; bono naisingwi tongnairok hamchajak.

JISAIA 40:31

Phiya ba Subraiyungno khatungwi naisingwi tongnairok, bórok phan kwtal mannai, bórok tolingrok hai khe bwkrang phehelwi kuchugo bir anw, bórok khabrum phano leng glak, bórok him phano bel glak.

JISAIA 55:6

“Subraiyungno manthok phuru’-ono naituk di, Samo tong phuru’-ono bono ring di.

JISAIA 64:4

Tamo khe swkangrogo khoroksa phano omo hai nubo nuk ya kho eba khunju bai bo khna ya kho, khoroksa phano nono karwi Kaitor tongo hwnwi nuk ya kho, bo bono naisingwi tongnairokni bagwi samung tango.

KAPSIMANG KAPMA 3:26

Kwchang kwchang khe Subraiyungni mwthangmungno naisingwi tongmani se kaham.

HOSEA 10:12

Norok sak-sakni bagwi kwthar tongmungno bór di; hamjakmung bwtháino ra di; hakhe khil klaiwi tongma auarno muphun di; tamni hwn ba o jora le Subraiyungno naitukna jora se, hakhe bo phaiwi norokni saka-o mwthangmungno uatwi hai khe ua rwnai.

JAPHANIA 3:8

“Aboni bagwino ano naising gra di” hwnwi Subraiyung sa-o, “Ang bachaui dopharokno majra berna salno naising di. Tamni hwn ba ang dopharokno tei harokno thumwi ani jolimani phan phunuknani hwnwi bwkha-o chong kha; ani bwkhani jolimani bai bebak ha khamwi pái báinai.

JAKOB 5:7

Takhukrok, Subrai phai ya sak khá logwi tong di. Naisik di, gisti khlainai borok bini nangmani mai buphuru bini kheto wngno hwnwi bwswk khá logwi naisingwi tong. Bo swkangni uatwi bai ulni uatwino khá logwi naisingwi tongo.