KAPSIMANG KAPMA 3:24 - Kok Borok (Re-edited) Bible (BSI)

²⁴ “Subraiyung se ani man banta” hwnwi ang bwkha bising bising sa-o, “Aboni bagwi ang bini thani khatungwi tongnai.”

KAPSIMANG KAPMA 3:24 Iomraidhean Croise

1 BOSONG 5:20

Bórok Kaitorno poito cháui chubachuni bagwi suri san lai khe Kaitor bórokni surima khnaui Hagrisa tei bayaprokno bórokni yago yaphar kha.

JOBNI BIJAP 13:15

Nai di bo ano butharnai; ani khatungna kwrwi kha tamo khe ang bini bwskangni sakno kati rwui tonnai.

JOBNI BIJAP 22:25

hakhe tumung kwplaisano nini rangchak eba rukphai kaham wng khe,

LOBMUNG 119:57

Subraiyung se ani man banta; ang nini kókrokno khnaui tongnai hwnwi swmai rw-o.

LOBMUNG 130:7

O Israil, Subraiyungni thani bwkha beraui tong di! tamni hwn ba Subraiyungni thani pái phlai ya hamjakmung tongo tei bini thani phiyókna bagwi phankrak phan tongo.

LOBMUNG 142:5

O Subraiyung, ang nini thani kap kha; ang sa kha, nwng se ani kati rwjaknai, kwthangrokni ha-o ani man banta.

LOBMUNG 16:5

Subraiyung se ani saijak banta ani nungmungni khuri; nwng’-no ani talikhano romwi tonnaisa.

LOBMUNG 31:24

Subraiyungno khatungwi tongnairok phankrak wng di, bwkha kwrak khlai di. Daudni kóklob

LOBMUNG 33:18

Au, Subraiyung bono kirinairokno naiwi tongo, bini pái phlai ya hamjakmungo khatungnairokno

LOBMUNG 42:11

O ani phola, nwng tamoni khibiui rwjak lang? ani bwkha bisingo tamoni urumuru nang lang? Kaitorno khatungnai; tamni hwn ba ang bono lob phinai, ani chubanaisa Lobmung 42-no manju-ui sa phimani

LOBMUNG 42:5

O ani phola nwng tamoni klai lang? ani bwkha bisingo tamoni urumuru nang lang? Kaitorno khatungnai; tamni hwn ba ang bono lob phinai, ani chubanaisa

LOBMUNG 43:5

O ani phola, nwng tamoni khibijak lang tei tamoni ma lengpro lang? Kaitorno se khatungo; tamni hwn ba ang bono lob phinai, ani chubanaisa ani Kaitor. Rwchapmung tẃithernaini bagwi Kurani bwsarokni rwchapmung

LOBMUNG 62:8

O bororok, sal brúm brúmno bono poito khlai tong di; nini bwkhano bini thani khukhlawi rw di; Kaitor se chini katijaknai nok kwrak. Sela

LOBMUNG 71:14

Tamo khe ang nono khatung phlai máng tongnai, tei lobma saka lobnai.

LOBMUNG 73:26

Ani sak-mang tei ani bwkha se phan bái phano Kaitor se ani bwkhani phan tei ani mol brúmni manthai banta.

LOBMUNG 84:12

O suarirokni Subraiyung, nini thani bwkha beraui tongnairok hamchajak. Kurani bwsarokni rwchapmung

LOBMUNG 94:19

Ani bwkha-o dudru-mudru wngwi phai phuru nini bwkha kwchangmungrok ano bwkha srang rw kha.

JIRIMIA 10:16

Subraiyung le omorok hai ya, bo le Jakobni man banta, tamni hwn ba bo se bebak manwirokno snamnaisa, tei Israil dopha khe bini baithangni sompoti; bini mung wng kha sengkrak suarirokni Subraiyung.

JIRIMIA 51:19

Jakobni bosongni banta-o klainairok, bórok abo hai ya, tamni hwn ba bo wng kha bebakno snamnaisa, tei Israil wng kha bini bagwi khatijak bosong; bini bumung wng kha sengkrakrokni Subraiyung.

KAPSIMANG KAPMA 3:21

Tamo khe omorokno ang muitu manẃi ani khatungmung phai-o:

MIKA 7:7

Tamo khe ang le Subraiyungno se khatungwi tongnai, ang ani mwthangnaisa Kaitorno naisingwi tongnai; ani Kaitor ani khorangno khna-o.

RUMSONGNO POL SWIHORMANI 15:12

Jisaiabo hai hwnwi sa-o, “Jisai bosongni khoroksa phainai; buini bororokni bokhorok wngna bagwi bo bachanai, hakhe bórok bono khatungwi tongnai.”

UÁINWINI SA PHIMA 18:2

Bórok sakni takhuksongrok bai baksa mungsa manthai bantarok man glak; bo bórokno swmai tangwi kók rwmani haino, Subraiyungno bórokni manthai.

1 PITOR 1:21

Bono kwthwini mwthangwi tisaui chẃngsacha khlainai Kaitorno bini bising tẃino norok poito khlai-o; aboni bagwi’-no norok Kaitorno poitobo khlai-o, khábo khatungo.

1 SAMUEL 30:6

Phiya Daud kirimasingcha-o klai kha, tamni hwn ba lukurok bwsa-bẃtẃirok kwmajak baima bagwi bono holong khitarwi butharnani sa lai kha. Tamo khe Daud sakno bini Subraiyung Kaitorni thani rak rwui tong kha.