KAPSIMANG KAPMA 3:22 - Kok Borok (Re-edited) Bible (BSI)

²² Kaitorni pái phlai ya khairokma tei páiwi tháng ya, bini khairokmabo tei pái phlai ya;

KAPSIMANG KAPMA 3:22 Iomraidhean Croise

2 SAMUEL 24:14

Hakhe Daud Gadno hai hwnwi sa kha, “Ang belai ayuk-muyuk nang kha, Subraiyungni yago klaimani se, ham kugo tamni hwn ba bo khairokma kupulung; hai phano borokni yago le ta klai thung.”

NEHEMIA 9:31

Nwng wng kha Kaitor khairoknai tei mayabo gwnang; nwng bórokno yakar li ya, tamni hwn ba nini khairokma belai kwbáng.

LOBMUNG 103:10

Bo chwngno chini sumsokno naisigwi samung khlai ya, chini samung hamyano rwksauibo yagul su ya.

LOBMUNG 106:45

Phiya ba bo bórokni bagwi bini swmaino muitu khlai kha, tei pái phlai ya hamjakma bai khe bórokno khairok kha.

LOBMUNG 69:17

Nini selengni aroni nini mwkhangno ta hui ja di, tamni hwn ba ang tong kesebo klai tong kha, dakti ani sanmano khna ja di.

LOBMUNG 77:8

Bini pái phlai ya hamjakma ba pa da pái súk kha? bini kók rwma nang ya da wng súgwi tháng kha?

LOBMUNG 78:38

Tamo khe bo khairoknaisa wngmani bagwi bórokni samung cha yarokno nakar kha tei bórokno sokomor li ya; uái re uái joli phuru khuktwi monok kha, tei bini bebak jolimarokno pasa rw li ya.

LOBMUNG 86:15

Tamo khe o Kaitor, nwng le bwkha kolok tei khairoknaisa tei doui joli ya, tei pái phlai ya hamjakma bai kubui kupulung.

JIRIMIA 3:12

Bo ano hai hwnwi sa kha; tháng di Israilrokno hai hwnwi saui di, “Poito kwrwi Israilrok ani thani kiphil phai di. Ang khairokma gwnang tei joli glak; ang nono joli phlai máng tong glak.”

JIRIMIA 30:11

Ang norokno mwthangna bagwi norok bai baksa khe tongo, hwnwi Subraiyung sa-o; norokno piring-poroi khlaimani a hani bororokno ang sokomorwi khibinai, phiya ba ang norokno sokomor glak, hwnwi Subraiyung sa-o, ang norokno sátok yaui yakar glak,

JIRIMIA 31:20

Ephraim ani khájani sajla diba? Bo ani khásukni bwsa diba? Ang bono hamya hwnwi sa phano, tabuk bo ang bono muitu khlai-o. Aboni bagwi ani bwkha bai bono khátango; ang kubui’-no bono khairogo hwnwi Subraiyung sa-o.

DANIEL 9:9

Tamni hwn ba chwng nono kebeng kha, Subraiyung chini Kaitor khairokma gwnang tei nakarmung kupulung,

MALAKI 3:6

“Tamni hwn ba ang se Subraiyung ang sláijak ya; aboni bagwi norok o Jakobni bosong, tabukbo komorwi tháng ya kho.

LUK SWIMANI KOTHOMA KAHAM 1:50

Bono kirinai bebak borokno maya chá-o bo kusung kusungo.