KAPSIMANG KAPMA 3:11 - Kok Borok (Re-edited) Bible (BSI)

¹¹ bo ano lamani tubu-ui phondrik-phandrak sichik kha; bo ano yakarwi klang kha;

KAPSIMANG KAPMA 3:11 Iomraidhean Croise

JOBNI BIJAP 16:7

Kubui’-no Kaitor ano tabuk rí soroi hai khlai laha; ani núkhungni bebak tong kwrwi bukcha khlaiwi rw kha.

LOBMUNG 143:4

Aboni bagwi ani bwkha báiwi lengpro kha; ani bwkha bisingo borsa kha.

LOBMUNG 50:22

“Muitu narwk di, Kaitorno poknairok, ang norokno chikhagwi páinai tei khoroksa phano norokno mwthangnai tong glak.

JISAIA 3:26

Hakhe bini dugayungrok bebak kapsimang kap lainai tei bo sichi-lala wngwi ha-o achuk anw.

JIRIMIA 15:3

Ang bórokno sokomorna bagwi mung brwi butharnairokno rohornai hwnwi Subraiyung sa-o: Butharna bagwi seng, sopreui tlangna bagwi sẃirokno tei nokha-o birnai tok tei bolongni yabrwirok khe tong rwkmarokno cháui pái baina bagwi rohornai.

JIRIMIA 19:8

Ang o kamiyungno kirimasingcha khlainai tei mwnwi mung khlai anw; aboni gana tẃi thángnai joto bororokno bini kirimasingcha khe báimano nugwi sundru anw.

JIRIMIA 32:43

Omo ahaino klai tongjak, bororok bo kwrwi mal-matarokbo kwrwi tei Kolodiasongni yapha-o klaijak hwnwi norok sa laimani, oro haino hai norok hapharrok paijak anw.

JIRIMIA 5:6

Aboni bagwi bolongni singho bórokno butharnai, hasing hapharni geguma phaiwi bórokno pái rwnai, mwsá sampari kamiyungni samo aro phainairokno choprokna bagwi naichomwi tongsoknai. Aroni ongkhorwi thángnairok khe uátharjak bainai tamni hwn ba bórokni sumsok belaino kwbáng, lama korónairokbo kwbángma.

JIRIMIA 6:8

Hus wng di, o Jerusalem, wng ya khe ang joliui nini aroni thángwi páinai; tei nono borok tongjak ya bukcha khlainai.”

KAPSIMANG KAPMA 1:13

“Bo kuchuk sakani hór khiklai kha; abo ani bekreng bisingo suda thángwi sógwi kha; bo ani lama-o chei swngwi rw kha; bo ano uphil rw kha ano sapung mwlang cha rwui lengsa rw kha.

KAPSIMANG KAPMA 3:10

Bo ano uárna bagwi juntiui tongnai gong hai, tei huijagwi tongnai singho hai se;

DANIEL 7:23

Abo hai khe ang saui khna rwjak kha: Mak brwi yabrwirok wng kha, khorokbrwi habugra, o ha saka-o bugra chá langnai tei kubun hani slái abo juda wngnai. Abo bebak hano uákhrubwi kádul bainai.

HOSEA 6:1

Him di, chwng Subraiyungni thani kiphilnai; tamni hwn ba bo se kwsabo cha rw-o habo ham rwnai; bo se chwngno swbo swprago tei bo’-no cha rwui tisa-o.

MIKA 5:8

Jakobni bosongni yógwi tong rwknairok dopharokni bisingo teibo borok kwbángma bai kitingjak khe tongnairok bolongni mal-matarokni bisingo singho hai tong tẃi tei merarokni bisingo phan gwnang singho masa hai wngnai, bo abórokni kwchar tẃi tháng khe bórokno phindrik-phandrak khlaiwi khibi-o, khoroksa phano bono phiyógwi man ya.

MATHAI 23:38

Tabuk norokni nok khibijak súk’-anw.

PHUNUKJAKMANI 18:19

Bórok bokhorogo hadlwi sar lai kha, bórok muisubuk chaui kap laiwi hai hwnwi sa lai kha, “Omai-o! Omai-o! A taun kotor bwswk kirimasingcha! Bo wng kha a taun bini rang-mairok bai’-no rungtor tẃi bepar thwngnairok gwnang wngmani, srapsani bisingo’-no bini bebak’-no kwmajak bai kha!”