KAPSIMANG KAPMA 2:9 - Kok Borok (Re-edited) Bible (BSI)

⁹ Bini dugayungrok baiwi ha-o kwlwk kha; bo bini thonglarokno swbaiwi khibi kha; bini habugra tei bwsarok buini dophani bisingo khaui tlangjak kha; kerongrokbo kwrwi kha, bini diyarirok Subraiyung bai imang-mukthangbo phunukjak li ya.

KAPSIMANG KAPMA 2:9 Iomraidhean Croise

2 HABUGRA 25:7

Bórok Jedekiani bwslasongno bini mokol bwskangno buthar kha tei Jedekiani mokolrokno ekhregwi bórok bono sorni buduk bai khaui Babilono tlang kha.

2 BOSONG 15:3

Nokha bisi kwbángma Israilrok kubui Kaitorno karwi, bórokno phrwngnai ochai kwrwi khe raidarok kwrwi khe tong bai kha.

NEHEMIA 1:3

Bórok ano hai hwnwi sa kha, “Yógwi tong rwknairok tabuk belai tekto tei lachima manẃi tong bai ja-o, Jerusalemni chokdeualrok swbaiwi khibijak kha tei aboni duglamrok hór bai sógwi sokomorjak kha.”

LOBMUNG 74:9

Chwng chini bumul marirokno nuk li ya; aro tei diyarirok kwrwi kha tei chini bisingo khoroksa phano omo hai bwswk tongnai saui mannai kwrwi.

JISAIA 24:12

Kamiyung báijak tei bini duglam kotorrokbo báiwi klaijak.

JIRIMIA 14:14

Subraiyung ano ahai hwnwi sa kha: Kók diyari sanairok ani mungwi tatal khe thinangni kókrok sa-o; ang bórokno robo rohor ya tei sa di hwnwibo dagi ya. Bórok norokno tatal khe imang-mukthangni kók se sa-o, nang ya-sók ya phunukjakmani kókrok se sa-o, bórok uansuk tẃi kókrok tagwi saui bandimung kókrok sa-o.

JIRIMIA 23:16

Sengkrakrokni Subraiyung hai hwnwi sa-o; “Norokni thani kók diyari sanairokni kókno norok khunju ta kan di, bórok norokno tatal khe khatung rw-o. Bórok bórokni bwkhani nukma mwrangrokno se sa-o, Subraiyungni khukni khnaui samani ya.”

JIRIMIA 39:2

Jedekia habugra chámani nokha bisichisani nokha talbrwini salchukuni salo a kamiyung swbai rwjak kha.

JIRIMIA 39:8

Kolodiasong habugrani noyung bai borok kosongrokni nokrokno hór phnangwi rw kha tei Jerusalemni chokdeualrokno bo swbaiwi rw kha.

JIRIMIA 51:30

Babilonni choba nang lainai Sengkrakrok choba mwthak kha, bórok bórokni nok kwrago’-no tong lai kha; bórokni phan bai kha, bórok bwrwirok bai baksa wng bai kha; bórokni tongthairok bebak sókjak máng tei duglam berepmarok bo swbaijak kha.

JIRIMIA 52:14

Hakhe mwrwknai sengkrak bokhorok bai tongnai Kolodiani bebak sengkrakrok Jerusalemno kitingwi khopjak bebak chokdeualrokno swbai bai kha.

KAPSIMANG KAPMA 1:3

Judabo buini ha-o khaui sátok-pitok khe seleng snamjakna bagwi tlangjak kha; bo tabuk buini dopharokni bisingo ma tongwi kha, tei bini lenglathai se kwrwi kha; bono riphriknairok bini birmanni jora-o bono choprogwi sekpro kha.

KAPSIMANG KAPMA 4:15

Bororok bórokno, “Hakchal wng di, kwthar yarok! chal di! chal di! Chwngno ta tang di!” hwnwi chirigo. Hakhe bórok orondi chaui berainai wng kha; Dopharok bórokno “Bórok oro tei tongwi man glak” hwnwi sa lai-o.

KAPSIMANG KAPMA 4:20

Subraiyungni chongthar chongjak, chini rangma bo se bórokni uarai hakhoro klai kha, yang chwng le bono se, “Chwng bini saklomo khe dopharokni bisingo tongnai” hwnwi sa laimani.

ESEKIEL 12:13

Ang bini saka-o chei swngwi khẃi-o kwcha rwnai tei ang bono ani khẃi-o romwi tlangnai; ang bono Kolodiasarokni ha Babilono tubunai, hai phano bo abono nuk glak; tei bo aro’-no thwinai.

ESEKIEL 17:20

Ang mui kwrwngrokni chei swngwi bono romnai. Ang bono Babilono tlangwi thángnai tei aro tlangwi sátogwinai tamni hwn ba, bo ani kók narwk li ya.

ESEKIEL 7:26

Hamyani saka-o teibo hamya sók phainai; tatal kókrok bacha rw lainai Diyarirokni thani-o bórok kók sẃng lai anw, hwn ba ochairokni thani-o mungsa phrwngjaknai tei okra chakrarokni thani mungsa kók sajaknai tong glak.

HOSEA 11:6

Bórokni kamiyungrok sengrok bai tantharjak bainai tei abo bai bórokni duglamrokni thongla swbaiwi bórokni nok kwrakrokno swbainai, tamni hwn ba bórok hamya chapmungrok chap lai kha.

HOSEA 3:4

Abo hai khe Israilsarok sal kwbángma habugrarok eba naikolphangrok kwrwi khlaiwi, barokmungrok eba mwtaini thongla, eba ephod kwrwi khe ma tongnai, ratharwi barokmung eba holong thong kwtharrok kwrwi khlaiwi, tei sema naina bagwi mwtai-mang kwrwi khe ma tong anw.”

AMOS 1:5

Ang Damaskosni kamiyung duglam berepjaknaino swbainai, tei Abenni harungo tong bainai bororokno tei Siriyani habugrani suar tẃi tongnaino norwi khibinai; Aramni bororok ha Kiro khaui tlangjaknai,” hwnwi Subraiyung sa-o.

UÁINWINI SA PHIMA 28:36

“Subraiyung norokno tei habugrano buini ha-o tlangwi tháng anw, a ha-o norokbo tei norokni chuchusongrokbo ma tongwi ya kho; norok aro buphangni tei holongni takjak mwtairokno ma monwi anw.

UÁINWINI SA PHIMA 28:63

Tei Subraiyung norokno hamcha rwna bagwi bwkha tongthokma haino Subraiyung norokno báikhrup rwui tei sokomorwi bo bwkha tongthokjago; tei norok hapna nai tongma a hani norokno phuichaui khibinai.

1 SAMUEL 28:6

Hakhe bo Subraiyungno tamo khlaima cha hwnwi sẃng kha, tamo khe Subraiyung mungsa sa li ya; imang tẃi buya, Urim bai buya eba diyarirokni khúk tẃi buya.