KAPSIMANG KAPMA 2:8 - Kok Borok (Re-edited) Bible (BSI)

⁸ Subraiyung Siyonni chokdeualrokno swbaina bagwi bwkha chap kha; bo mari boui pái kha; bo bini yak bai abono sokomor ya wng glak kha; bo nok kwrakno tei chok deualno muisubuk cha rwui kap rw kha; abórokni phan kwrwi kha.

KAPSIMANG KAPMA 2:8 Iomraidhean Croise

2 SAMUEL 8:2

Hakhe bo Moabrokno mechen khe, bórokno berem khlainai ha-o roko rwui sú kha, remnwino khe butharna bagwi tei remsa kájakno khe narwkna bagwi ton kha. Hakhe Moabsong Daudni selengrok wngwi bini bagwi hili tubu lai kha.

2 HABUGRA 21:13

Ang Samariano khlaimani hai Jerusalemno sátoknai, Israilni habugra Ahab tei bini bosongrokno khlaimani hai khlainai. Mairangno bolop mwthal khlaiwi hu tẃi khe ang Jerusalemno hu-ui khibinai.

JOBNI BIJAP 13:21

ani sakani nini yakno nor si di, tei ano kirimasingcha khe tei ta sikiri si di.

JISAIA 22:5

Omo tabuk phunukjakma harungo Subraiyung sengkrakrokni Kaitor bai tekto rwjakma, káduljakma tei buma man ya khlaijakma jora. Chini kamiyungni chokdeualrok tabuk swbaina bagwi tangjagwi tongo tei hatháirokno naharwi kabwi chirik laijak.

JISAIA 28:17

Ang bujsóino khe sujaknai tei khe kók srai-srai khe kók narwkmano khe rwtajaknai khlainai. Kothor klaimani abo norokni tatal nokhor hai tongma nokno sokomornai.”

JISAIA 3:26

Hakhe bini dugayungrok bebak kapsimang kap lainai tei bo sichi-lala wngwi ha-o achuk anw.

JISAIA 34:11

Tamo khe, toling tei masẃndwirok se aro tong anw tei tákhuk bai tokharok se aro tong anw. Tei bini aroni budukrok kwswngwi lama koró rwnai holongrok burung rúngjak wngnai.

JISAIA 5:5

Hakhe tabuk ang ani angur bwlwngno tamo khlainai nono saui man rwnai. Ang aroni ubi dúmjak tongmano norwi páinai tei abórokno sókchaui khibinai. Ang aroni deual swbaiwi páinai tei káduljaknai.

JIRIMIA 14:2

Judarok bwkha khamjak tei bórokni dugayungo lengpra laijak; bórok mogwi ha-o goirok lai-o tei Jerusalemno chiri-mokorok wng laima khna-o.

JIRIMIA 5:10

“Bórokni angur bwlwng tẃi tháng di tei phereui rwi di, phiya ba pái súgwi ta sokomor di. Bini bedekrokno tankhraiwi rwi di, tamni hwn khe o bororok Subraiyungni ya.

JIRIMIA 52:13

Bo Subraiyungni nokthar tei habugrani noyung bai Jerusalemni bebak kotor kuchuk nokrokno sógwi pái kha.

KAPSIMANG KAPMA 2:17

Subraiyung bini uansuk tẃi’-no khlai kha, bo ragdama sakhlai tẃi’-no khwbo khlai kha; sal kwbángma swkang sama tẃi’-no bo khairokma kwrwi khlaiwi sokomor kha; bo nini kena arirokno nono tẃi tongthok rw kha tei nini kena arirokni phan báng rw kha.

KAPSIMANG KAPMA 2:18

Subraiyungni thani chirigwi sa di, o Siyonni sajwkni chokdeual! Nini muktwi hor sal twi yor khlai tẃi yorkhlai si thung! Nwng hopung sapung kapma ta thák si di!

KAPSIMANG KAPMA 2:2

Kaitor Jakobni bebak tongthairokno khairok yaui sokomor bái kha; bo thamchi kajagwi Judani sajwkni nok kwrakrokno swbai bái kha bo bini thamchi bai bini hano tei habugrarokni bóromno ha-o khiklaiwi rw kha.

KAPSIMANG KAPMA 2:5

Subraiyung kena ari hai wng kha; bo Israilno sokomor kha. Bo bini bebak noyungrokno sokomor kha, bini nok kwrakrokno báikhrup rw kha, tei Judani sajwk muisubuk chaui ma kapmano teibo báng rw kha.

ESEKIEL 20:22

Tamo khe ang bórokno Ijipni phiyógwi tubumano nuk bainai dopharokni bwskango ani mung hamya wng anw hwnwi se ani yakno tisa li ya.