KAPSIMANG KAPMA 2:7 - Kok Borok (Re-edited) Bible (BSI)

⁷ Subraiyung bini baithangni háyáno khibi kha tei noktharno yakar kha; bo kebengnai arirokni yago bini nok kwrakrokni chokdeualrokno yapharwi rw kha; Subraiyungni nogo terni salo khorang kotor khnama hai khe khna kha.

KAPSIMANG KAPMA 2:7 Iomraidhean Croise

2 HABUGRA 25:9

Bo nokthar, noyung tei Jerusalemni bebak bororokni nokrokno hór bai sók kha; bebak nok kotor kotorno sók bai kha.

2 BOSONG 36:19

Tei bórok Kaitorni nokno hór bai sókchaui, Jerusalemni chokdeualno swbaiwi, bebak noyungrokno bo hór bai sókchaui tei bebak manwi kahamrokno sokomor bai kha.

LOBMUNG 89:39

Nwng nini seleng bai swmai tangmano khibi kha; nwng bini motokno hadlwi-o khiklaiwi sitra rw kha.

JISAIA 64:9

O Subraiyung belai ta joli ja di; tei mol brúm brúm cha ya-chúk yarokno muitu ta khlai ja di. Naisigwi nai di, uansuk phi di, chwng bebakno nini bororok máng se.

JIRIMIA 21:4

Norok Jedekiano hai hwnwi sa di: Israilni Kaitor ahai hwnwi sa-o: Babilonni habugra tei Babilonsarokni yakni nwng sakno katina bagwi nini yago chobani aitalrok tong phano tei bórok nono kitingwi chokdeualni phataro tong phano bórok norokno mechen phainai. Hakhe ang bórokno daktino norokni kamiyung kwcharno bórokni yapha-o rwnai.

JIRIMIA 26:18

Kwplaisa Subraiyung bai sajagwi Judani habugra Hejekiani molo Moresetni diyari Mika Judani bororokno kók diyari sa kha. Siyon haphar haino chuaijaknai, Jerusalem sokomorjagwi burung khe klai tongnai tei noktharni hathái bolong khanai.

JIRIMIA 26:6

hakhe ang o nokno Silo hai khlainai tei hani bebak dopharokni khugo o kamiyungno swraimung khlainai.’ ”

JIRIMIA 32:29

O kamiyung bai choba nang lai tongnai Kolodiasong phaiwi o kamiyungno hór phnang phainai tei sógwi rw bainai. Ano thamchi ka rwnai, Bal mwtaino satrai motom sókma nok tei kubun mwtaino chuak lukhlai barokma norokno sógwi páinai.

JIRIMIA 39:8

Kolodiasong habugrani noyung bai borok kosongrokni nokrokno hór phnangwi rw kha tei Jerusalemni chokdeualrokno bo swbaiwi rw kha.

JIRIMIA 4:26

Ang naikhlai nuk kha, nai di bwthái kupulung haphar tabuk hasinglwng wng kha, tei kamiyungrok Subraiyungni bwskango bini kirimasingcha jolima bwskango báiwi klaijak máng.

JIRIMIA 4:27

Aboni bagwi Subraiyung sa-o, aswk ha kotorma khibijak wngnai: Hai phano ang oro pái rw glak.

JIRIMIA 50:28

Khna di! Subraiyung chini Kaitor yagul sumani bini noktharni bagwi yagul sumani kókno Siyono sakhlaina bagwi bórok Babilon hani khárwi yók bai kha.

JIRIMIA 52:13

Bo Subraiyungni nokthar tei habugrani noyung bai Jerusalemni bebak kotor kuchuk nokrokno sógwi pái kha.

KAPSIMANG KAPMA 1:4

Siyonni lamarok swlwgwi kabo, tamni hwn ba ter khlaina bagwi khoroksa phano aro phai li ya gwja; aboni dugayungrok khibijak bái kha, bini ochairok kengai lai-o; bini bwrwi siklarok bwkha yokjago tei bwkha nangjagwi kap lai-o.

KAPSIMANG KAPMA 2:1

Kaitor bahai khe jolijagwi Siyonni sajwkno chumui bai kobolwi ton kha! Bo Israilni chẃngsachano nokha sakani ha saka-o khiklai rohor kha; bo jolijakmani salo bini yakung boksa thaino muitu khlai li ya.

KAPSIMANG KAPMA 2:5

Subraiyung kena ari hai wng kha; bo Israilno sokomor kha. Bo bini bebak noyungrokno sokomor kha, bini nok kwrakrokno báikhrup rw kha, tei Judani sajwk muisubuk chaui ma kapmano teibo báng rw kha.

ESEKIEL 24:21

Subraiyung Kaitor hai hwnwi sa-o, ‘Nai di, ang nini phanni yaphangno, mokol bai naina muchungmano; ani háyáno kwthar ya khlainai; tei nwng klangwi thángmani sajwk-sajlasong khe butharjak bainai.

ESEKIEL 7:24

Ang jotoni slái dopha hamyarokno tubu-ui bórokni ha-o achuk rwnai. Ang bórokni kung chukmanirokno rwnai tei bórokni kwthar háyárokno dera rwnai.

LEBI 26:31

Ang norokni hapharrokno swbainai tei nini háyárokno dera rwnai, hakhe norok báhai motom rwmani abono ang yachak glak.

LEBI 26:44

Hai phano bórok, bórokni kebengnai arini ha-o tongnai aphuru ang bórokno pái rw súgwi sokomornani eba ani swmai narwk ya wngmani bagwino sak nang ya wng glak tei sebo seleng glak; tamni hwn ba ang bórokni Subraiyung Kaitor.

AMOS 2:5

Aboni bagwi ang Judani saka-o hór rohornai tei abo Jerusalemni nok kwrakrokno kham rw bainai.”

MIKA 3:12

Aboni bagwi Siyon haphar chuaijak tẃi khe chuaijaknai; Jerusalem khe swbaiwi rúngjak wngnai tei hathái sakani nok khe buphang bwlwng wngnai.

MATHAI 24:2

Bo hai hwnwi sa kha, “Au, norok omorokno nukma da! Ang norokno o kók sa-o, oro holong saka holong dulsa phano tong glak; joto swbai khibijak anw.”