KAPSIMANG KAPMA 2:4 - Kok Borok (Re-edited) Bible (BSI)

⁴ Bo kena ari hai khe bini badukhung thonsa kha, kebengwi bachanai hai khe bini yagra yak bai abono romwi chak kha; bo, chwng kung chugui tongmani Siyonni bwsajwkni nokni bebak bororokno buthar kha; bo bini thamchino hór hai khe lukhlai kha.

KAPSIMANG KAPMA 2:4 Iomraidhean Croise

2 BOSONG 34:21

“Tháng di, ani bagwi tei Israil bai Judani yakarwi klangjak bainai bororokni bagwi tei bijap manjakmani kókno tẃiwi Subraiyungno sẃngwi nai bai di, Subraiyungni jolima chini saka-o klai kha, tamni hwn ba chini chuchusong Subraiyungni kókno khna ya khe kerong bijabo swijak tongmani hai khlai li ya.”

2 BOSONG 34:25

Tamni hwn ba bórok ano yakarwi kubun mwtairokni thani satrai sógwi bórokni yak bai takjak mwtairok bai khe ano joli rw bai kha, abo baino ang o ha-o ani jolima lukhlaiwi rwnai, abo tei ham glak.

JOBNI BIJAP 19:11

Bo thamchi kaui ano jolijak kha, tei ano bini ari hwnwi chong kha.

JOBNI BIJAP 6:4

Kwplaisani chakhlarok ani oro pajak, ani bwsago aboni bis kopro kha; Kaitorni sikirimarok ano kebengsa kha.

LOBMUNG 37:14

Tongmung kaham tongnairokno butharna bagwi borok hamyarok seng sotrosa kha tei badukhungrok thon kha;

LOBMUNG 7:13

bo bini butharjaknai manwirokno tiyar khlai kha, hór gwnang chakhlarok snamwi ton kha.

JISAIA 42:25

Aboni bagwi bo bórokni saka-o bini thamchi tungmano tei chobani phanno lukhlaiwi rw kha; aboni bagwi bono kitingwi hór phnangwi rw kha, hai phano bo khá si li ya; hórjlai bono khampro rw kha, hai phano bo bini bwkha-o yachak li ya.

JISAIA 63:10

Phiya ba bórok kebeng lai kha tei bini phola kwtharno khá nang rw kha; nwng aboni bagwi bo uphilwi bórokni ari wng kha tei bo sakphang bórokno kebengwi choba khlai kha.

JISAIA 63:6

Ang jolima bai bororokno kádul kha, ani jolima bai ang bórokno phek rw kha tei ang bórokni thẃi kwthang ha-o lukhlai kha.”

JIRIMIA 10:20

Ani ríni nok chila-phila wng kha tei ani joto buduk choui tháng bai kha; ani chwrairok ani aroni thángwi pái kha, bórok tei kwrwi kha; khoroksa phano ani ríni nokno tei uáisa swngnai tei ani rí swngmano jai khlainai kwrwi kha.

JIRIMIA 21:12

O Daudni bosong! Subraiyung hai hwnwi sa-o: Phung ai brúmno norok bujsói khe thum di, kusupjaknai tei segwi najaknairokno phiyók di, wng ya khe norokni samung hamyani bagwi ani thamchi hór hai chẃngwi kham anw, khoroksabo abono butharwi man glak.

JIRIMIA 21:5

Ang sakphang ani phankrak yak bai kosonwi belai khe thamchi kaui joliui nono kebengwi choba khlai anw.

JIRIMIA 30:14

Nono hamjaknairok bebakno nono pogwi tháng bai kha: Bórok nini bagwi mungsa nangjak li ya: Kena arino swprakma hai khe nono swprak kha, khá sitra ari hai khe nono sátok kha tamni hwn khe nini sumsok kwbángma, lekha bai man ya.

JIRIMIA 36:7

Bórokni koiwi surima Subraiyungni thani sógwi phano mano tei bórok bórokni lama hamyani kiphilwi bo phaiwi mano, tamni hwn khe Subraiyung o bororokno belai khe joliui kók sakhlai kha.”

JIRIMIA 4:4

Subraiyungni thani norokni sak sakni bwkhano sap-sutra khlai di, wng ya khe norokni bebak sumsokrokni bagwi ani jolima butharwi man ya hór hai khe khampronai.

JIRIMIA 42:18

“Tamni hwn khe, sengkrakrokni Subraiyung, Israilni Kaitor hai hwnwi sa-o; Jerusalemo tongnairokni saka-o ani jolima thamchi lukhlaimani hai norok Ijip ha-o tháng khe abo hai kheno ani thamchi norokni saka-o lukhlaijak anw. Norok naislerjak, bati nangjak tei buini mwnwimung borok wng bai anw. O hano nwng tei nuk glak.

JIRIMIA 7:20

Aboni bagwi Subraiyung Kaitor hai hwnwi sa-o: Ani thamchi tei ani jolima oro lukhlaijaknai, bororokni saka-o, yabrwirokni saka-o, hapharni buphang tei ha sakani bwtháirogo klai sinai: Omo khamnai tei thwi phlai glak.

KAPSIMANG KAPMA 1:13

“Bo kuchuk sakani hór khiklai kha; abo ani bekreng bisingo suda thángwi sógwi kha; bo ani lama-o chei swngwi rw kha; bo ano uphil rw kha ano sapung mwlang cha rwui lengsa rw kha.

KAPSIMANG KAPMA 2:5

Subraiyung kena ari hai wng kha; bo Israilno sokomor kha. Bo bini bebak noyungrokno sokomor kha, bini nok kwrakrokno báikhrup rw kha, tei Judani sajwk muisubuk chaui ma kapmano teibo báng rw kha.

KAPSIMANG KAPMA 3:3

ano sal sapung uái re uái bini yak koson kha.

KAPSIMANG KAPMA 4:1

Rangchak bahai khe chwna ya wngwi tháng, aswk kwchẃng rangchak kaham bahai bálai tháng! Kwthar holongrok bebak lamarogo se saharjagwi tong si-o.

KAPSIMANG KAPMA 4:11

Subraiyung bini thamchi tungjakmano tikhlai baisuk kha; bini joliui tungphlamano lukhlai kha, bo Siyono hór phnang kha tei aboni yaphangno sógwi pái bai kha.

ESEKIEL 13:13

Abo bai’-no Subraiyung Kaitor hai hwnwi sa-o, “Ang joliui nokbar kotor rohornai tei uatwi kwbángma phai rwnai, kothor kotormarok klaiwi chokdeualno swbainai.

ESEKIEL 20:34

Ang norokno piring-poroi khe tongwimani hani joliui ani phan kwrakma phan bai khe thumwi tubunai.

ESEKIEL 22:22

Rukphai hórkango gelema hai khe noroknobo aboni kwcharo gele rwnai; hakhe bórok ang Subraiyung se bórokni saka-o jolima lukhlai rw kha hwnwi saui mannai.

ESEKIEL 24:25

“O thwiblang borok, ang bórokni aroni bórokni kung chukjaknai nokthar kwrak, bórok naithokjakmani tei thángna hamjakmani abono rosaui páinai. Ang bórokni sajwk-sajlasongno tlangwi páinai.

ESEKIEL 36:18

Hakhe bórok ha-o borok butharmani bagwi tei mwtairok bai bórok deramani bagwi ani jolima bórokni saka-o rohor kha.

ESEKIEL 5:13

“Abo hai khe ani jolima mwthaknai tei ani jolima bórokni saka-o klai rwui ang bwkha ham sinai. Hakhe ang Subraiyung bórokno abo hai samano saui man bainai, tamni hwn ba ang belai khe bórokno joli kha.

ESEKIEL 6:12

Hakchalo tongnai bemuk hamya bai manjagwi thwinai, samo tongnai seng bai ma thwinai, kwthang tong rwknairok khe asari bai ma thwinai. Abo hai khe ani jolima bórokni saka-o klai rwnai.

ESEKIEL 7:14

Bórok totro kotor subui joto tiyar wng lai kha, tamni hwn ba khoroksa phano choba-o tháng li ya, tamni hwn ba ani jolima jotoni saka-o khlai kha.

LEBI 26:17

Ani mwkhangno norokni aroni uphilwi tubunai, hakhe norok norokno kebengnai arirok bai swpragwi leng rwjaknai, norokno naislernairok norokni bugra wngnai, norokno khoroksa swk riphrik ya phano norok ma khárnai.

NAHUM 1:2

Subraiyung wng kha risi gwnang, yagul sunai Kaitor, Subraiyung wng kha yagul sunai tei thamchi gwnang; Subraiyung bini kena arirokno yagul su-o tei bini kebengnai arirokni banta thamchirok khatiui tono.

NAHUM 1:6

Bo joli khe sabo tongwi mannai? Bini jolima kutungno sabo soiwi mannai? Bini jolima hór hai khe lukhlaijago, tei abo bai holongrok báiwi ma kukhrubo.

UÁINWINI SA PHIMA 32:22

Tamni hwn ba ani thamchi bai hór chẃng kha; bo bai kuthuk morke jora khampranai, omo ha tei aro tongma manwirokno monogo; tei bebak hachuk yaphango hór phnango.

1 SAMUEL 28:16

Samuel hai hwnwi sa kha, “Subraiyung se nono yakarwi nini kena ari wng kha hwn khe nwng ano tamni ring hor?