KAPSIMANG KAPMA 2:3 - Kok Borok (Re-edited) Bible (BSI)

³ Bo belai khe jolijagwi Israilni bebak phanno sukhrubwi swbai kha; bo bini yagra yakno bórokni kena arirok phai phuru rosaui na kha; bebak tẃi jlai-jlai khe khamnai hórjlai hai khe Jakobni bisingni bo khamwi bachasa kha.

KAPSIMANG KAPMA 2:3 Iomraidhean Croise

2 BOSONG 34:25

Tamni hwn ba bórok ano yakarwi kubun mwtairokni thani satrai sógwi bórokni yak bai takjak mwtairok bai khe ano joli rw bai kha, abo baino ang o ha-o ani jolima lukhlaiwi rwnai, abo tei ham glak.

JOBNI BIJAP 16:15

Ang sago rí soroino se chum si-o, tei hadlwi-o ani bokhorok súkpái kha.

LOBMUNG 132:17

Ang aro Daudni bagwi bokorong kongsa achai rw anw; ang ani chongthar chongjakni bagwi chati tháisa khlai kha.

LOBMUNG 74:11

Nwng ba tamo yak kwbagwi tong lang; tamoni nini khaklabo yak kwbagwi tongmani aroni yak tikhlai ya wng?

LOBMUNG 75:10

Ang borok hamyarokni bokorongno tansu-ui páinai, tamo khe sutrangrok khe tisajaknai. Rwchapmung twithernai bokhorokni bagwi buduk gwnang tamjaknai bai rwchapjaknai; Asapni rwchapmung

LOBMUNG 75:5

nini bokorongno ta tisasa di, tei gwdna rak rwui kók ta sa di.”

LOBMUNG 79:5

O Subraiyung tei bwswk? Nwngba joli máng de tong sinai? Nwng risi nangwi thamchi tungma tei bwswk hór hai khe chẃng sinai?

LOBMUNG 89:24

Ani kók narwkma bai pái phlai ya hamjakma bo bai tongnai; tei ani mung bai bini phanni bokorong chuksanai.

LOBMUNG 89:46

O Subraiyung tei bwswk? nwngba huijak phlai da tong sinai? Nini jolima tei bwswk hór hai khe chẃng sinai?

JISAIA 1:31

Hopreng rwcharwi chwkap kham tẃi khe phan gwnangrok bórokni samung hamyarok bai sokomorjaknai, hakhe khoroksa phano a komormano mwthagwi man glak.

JISAIA 42:25

Aboni bagwi bo bórokni saka-o bini thamchi tungmano tei chobani phanno lukhlaiwi rw kha; aboni bagwi bono kitingwi hór phnangwi rw kha, hai phano bo khá si li ya; hórjlai bono khampro rw kha, hai phano bo bini bwkha-o yachak li ya.

JIRIMIA 21:14

Ang nini samung tangmani tẃi’-no nono majra rwnai, hwnwi Subraiyung sa-o, ang nini bolongrok hór phnangwi rw anw tei nini babaibrwini bebak manwino kham rwui páinai.

JIRIMIA 4:4

Subraiyungni thani norokni sak sakni bwkhano sap-sutra khlai di, wng ya khe norokni bebak sumsokrokni bagwi ani jolima butharwi man ya hór hai khe khampronai.

JIRIMIA 48:25

Moabni bokorong tansujak kha tei bini yaktwk báijak, hwnwi Subraiyung sa-o.”

JIRIMIA 7:20

Aboni bagwi Subraiyung Kaitor hai hwnwi sa-o: Ani thamchi tei ani jolima oro lukhlaijaknai, bororokni saka-o, yabrwirokni saka-o, hapharni buphang tei ha sakani bwtháirogo klai sinai: Omo khamnai tei thwi phlai glak.

KAPSIMANG KAPMA 1:13

“Bo kuchuk sakani hór khiklai kha; abo ani bekreng bisingo suda thángwi sógwi kha; bo ani lama-o chei swngwi rw kha; bo ano uphil rw kha ano sapung mwlang cha rwui lengsa rw kha.

KAPSIMANG KAPMA 4:11

Subraiyung bini thamchi tungjakmano tikhlai baisuk kha; bini joliui tungphlamano lukhlai kha, bo Siyono hór phnang kha tei aboni yaphangno sógwi pái bai kha.

ESEKIEL 13:13

Abo bai’-no Subraiyung Kaitor hai hwnwi sa-o, “Ang joliui nokbar kotor rohornai tei uatwi kwbángma phai rwnai, kothor kotormarok klaiwi chokdeualno swbainai.

ESEKIEL 7:14

Bórok totro kotor subui joto tiyar wng lai kha, tamni hwn ba khoroksa phano choba-o tháng li ya, tamni hwn ba ani jolima jotoni saka-o khlai kha.

NAHUM 1:6

Bo joli khe sabo tongwi mannai? Bini jolima kutungno sabo soiwi mannai? Bini jolima hór hai khe lukhlaijago, tei abo bai holongrok báiwi ma kukhrubo.

MALAKI 4:1

“Nai di, a sal thapa chẃngjak hai khe phaiwi tongo, a salo bebak kung chuknairok tei samung hamya tangnairok chwkap kham tẃi khe khamwi páinai; a salo bebakno kham rwui páijak báinai hwnwi Phankrak Subraiyung sa-o, hakhe abo bórokni bedeknobo karwi klang glak yarwngnobo karwi klang glak.

LUK SWIMANI KOTHOMA KAHAM 1:69

Bini seleng Daudni bosongo bo chini bagwi mwthangnaisa kwplai khoroksa bacha rw kha,

LUK SWIMANI KOTHOMA KAHAM 3:17

Khamparni bebak gomno chogwi gula-o thumwi da baina bagwi baling bini yago’-no tongo; gundakno khe thwi phlai ya hóro sógwi khibi bainai.”

UÁINWINI SA PHIMA 32:22

Tamni hwn ba ani thamchi bai hór chẃng kha; bo bai kuthuk morke jora khampranai, omo ha tei aro tongma manwirokno monogo; tei bebak hachuk yaphango hór phnango.