KAPSIMANG KAPMA 2:22 - Kok Borok (Re-edited) Bible (BSI)

²² Nwng ani kena arirokno tero kobok tẃi khe bebakno ringwi tubu kha; tei Subraiyungni jolimani salo khoroksa phano yógwi tháng li ya; ang bammani tei naikini khlaiwi tubumano ano kebengnai arirok sokomor bái kha.

KAPSIMANG KAPMA 2:22 Iomraidhean Croise

2 BOSONG 36:17

Abo bai’-no Subraiyung Babilonni habugrano bórok bai nang lai rwna tubu kha, habugra bórokni noktharono bórokni siklarok jotonono buthar bai kha. Bo khoroksano phano sikla, chakra, chwla tei bwrwino suda khairok li ya. Bórok jotono bini yago yaphar kha.

LOBMUNG 31:13

Ano kitingwi kirimasingcha kókrok hunu-hanai sa laimano ang khna-o! Bórok kuthum laiwi ani bagwi hamya chap lai kha, ano butharna hwnwi bórok chap lai kha.

JISAIA 28:19

Abo phai brúmno nono tlangwi thángnai; phung ai brúmno abo nini saka tẃi lái sinai, hor bai sal bai’-no wngnai. Abono sinani nai phano mungsa si glak bukcha se wngnai.

JIRIMIA 11:11

Aboni bagwi Subraiyung sa-o, nai di kubu-kubui’-no ang bórokni thani omo swk digi-sigi tubu anw bórok aroni yógwi man glak; bórok yókna bagwi ani thani kabwi san phano ang bórok sanmano khna glak.

JIRIMIA 14:19

Nwng Judano yakarwi da rw súk lang? Nwng Siyonno bwkha bai khe da naisler si? Nwng tamni bagwi ba chwngno ham phlai ya tẃi kheba swprak lang? Chwng tong kwchangno khatungwi tongmani, hai phano chini hamkrai se wng li ya; hamnani khatungmani abo se sundrumung se man si-o.

JIRIMIA 20:3

Teini phungo Pasur Jirimiano phiyógwi tubu khe Jirimia bono hai hwnwi sa kha, Subraiyung nini mung Pasur hwnwi phar ya, “Magur Misabid,” hwnwi se pharo (abo khe babaibrwi-o kirimasingcha hwnma se.)

JIRIMIA 21:7

Aboni yagulo khe, Subraiyung hai hwnwi sa-o, abo ulo ang Judani habugra Jedekia tei bini selengrok tei bok kotorni yóknairok seng (choba) tei chachararani yóknai o kamiyungni joto lukurokno. Babilonni bugra Nebukadrejarni yago, bórokni kena arirokni yago tei bórokno butharna nainairokni yago yapharwi rwnai. Bugra Nebukadrejar bórokno seng kubuk bai butharwi khibinai. Bo kisa phano bórokno khairok glak, nakar glak tei mayabo chá glak.

JIRIMIA 44:7

Tabuk sengkrakrokni Subraiyung Israilni Kaitor hai hwnwi sa-o; norok tamni bagwi sak sakno kebengwi aswk cha ya samung khlaiwi tong, abo bai norokni chwlarok, bwrwirok, chwrairok tei abuktwi chánai kwlwi bwsarokno Judani sokomor bai anw, norokni bisingo khoroksano phano phiyógwi klang glak.

JIRIMIA 46:5

Ang tamo omono nuk lang? Bórok kirima cháui uklok uslu kha. Bórokni choba kwrwngrok mechenjak bai kha; doui khár bai kha; Bórok uphilwi nahar lang li ya, ayang uyang bebakno kirimasingcha! hwnwi Subraiyung sa-o.

JIRIMIA 6:25

Hapharo ta tháng di eba lama-o ta him di: Arirok seng tẃijak, bebak bwkhakno kirimasingcha máng.”

UÁINWINI SA PHIMA 28:18

Norokni okni bwthái, norokni habani bwthái tei norokni musukrokni bwsa tei nini pun merarokni bwsarok swraimung nangjak wngnai;