KAPSIMANG KAPMA 2:21 - Kok Borok (Re-edited) Bible (BSI)

²¹ Chwrai tei chakrarok lamarogo se klai tong bái si-o; ani chwla sikla tei bwrwi siklarok seng bai tantharwi butharjak bái kha; nwng jolimani salo khairokma kwrwi khe bórokno buthar bái kha.

KAPSIMANG KAPMA 2:21 Iomraidhean Croise

2 BOSONG 36:17

Abo bai’-no Subraiyung Babilonni habugrano bórok bai nang lai rwna tubu kha, habugra bórokni noktharono bórokni siklarok jotonono buthar bai kha. Bo khoroksano phano sikla, chakra, chwla tei bwrwino suda khairok li ya. Bórok jotono bini yago yaphar kha.

ESTER 3:13

Kóktunrokno bugrani bebak angkoro kóktun tunnairokni yak tẃi khe rohorjak kha, bebak Judairokno chwrai okra bwrwirokno, kwlwirokno bebaknono sokomornani, ratharnani tei butharna bagwi sajak kha, Adar talni talchinwi talni salchitham salo omo tẃi khlaina bagwi omo tẃi khe dagijak kha.

JISAIA 27:11

Buphang ransa bai kha bedekrokbo bái pái kha; bwrwirok phaiwi abórokno bol se snam si-o. Tamni hwn khe o bororokni uansukma kwrwi gwja. Abo bai’-no snamnaisa bórokno khairok glak tei bórokno mwkhang naisik glak.

JIRIMIA 11:22

Hakhe Phankrak Subraiyung omo hai hwnwi sa-o: Ang bórokno majra rwnai; chwla siklarok khe seng bai tanwi butharjak bainai; bórokni bwsa chwla tei bwrwirok asari nangwi thwi bainai.

JIRIMIA 13:14

Ang bórokno khoroksa tei khoroksa bai nang lai rwnai, bupha bai bwsano nang lai rwnai, hwnwi Subraiyung sa-o. Ang bórokno sokomor phuru yakarwibo klang glak tei khabo khairok glak.”

JIRIMIA 18:21

Aboni bagwi nwng bórokni bwsarokno chacharara-o khiklaiwi rw di; bórokno seng tẃinairokni thani yapharwi rw di, bórokni hiksongrokno bwsa kwrwi tei randi wng rw di. Bórokni bororok bok nangwi ma thwi thung tei siklarok khe choba-o seng bai butharjak bai thung.

JIRIMIA 21:7

Aboni yagulo khe, Subraiyung hai hwnwi sa-o, abo ulo ang Judani habugra Jedekia tei bini selengrok tei bok kotorni yóknairok seng (choba) tei chachararani yóknai o kamiyungni joto lukurokno. Babilonni bugra Nebukadrejarni yago, bórokni kena arirokni yago tei bórokno butharna nainairokni yago yapharwi rwnai. Bugra Nebukadrejar bórokno seng kubuk bai butharwi khibinai. Bo kisa phano bórokno khairok glak, nakar glak tei mayabo chá glak.

JIRIMIA 4:31

Ang sak kengna phuru bwrwi khoroksa kap ma hai khna-o, swkang bwsa okra achaina phuru bini ok saui kengaima hai khna-o. Siyonni bwrwima rangma kolok khe kapma hai tei bini yak phologwi kap tẃi khe khna-o, “Ang kwrwi súk kha! Ang butharnairokni bwskango lengwi thángo.”

JIRIMIA 51:22

nono tẃiwi se ang chwlano tei bwrwino swbainai; nini tẃi khe ang chakrarokno tei siklarokno swbainai; nini tẃi khe chwla siklarokno tei bwrwi siklarokno swbainai.

JIRIMIA 6:11

Phiya ba ang le belaino Subraiyungni jolimani bai kupulung; ang jolima holiui man ya. Omono laharo lukhlai chwrairok tong thani tei siklarok kuthumlaithani lukhlai rwui di. Bihik tei bwsai khoroknwino’-no tlangjaknai. Chakra bororok tei belai umor gwnangrokbo yók glak.

JIRIMIA 9:20

O bwrwimasong Subraiyung samani kók tei bini búkhúkni kók nini khunju bai khe khna di; nini sajwksongno kapsimang kapna phrwng di, tei nok arini bwrwirokno bahai khe kapnai phrwng di.

JIRIMIA 9:21

“Chwrairokno lama-o butharnani tei chwla siklarokno lamprarogo butharna bagwi butharnai chini tailam jora phai sók phai kha, abo chini noyungrogo hap phai kha.”

KAPSIMANG KAPMA 1:15

“Subraiyung ani bebak phan gwnang sengkrakrokno ani bwskango khibiui rw kha; bo ani sikla sengkrakrokno kádulna bagwi jora kaisa chong kha; Subraiyung Judani bwrwi siklano angur káchrep tẃi khe káchrep kha.

KAPSIMANG KAPMA 1:18

“Subraiyung bujsói khlainaisa, ang bini kókno kebengjak kha; o bororok khna di, ani tektono nai di; ani chwla siklarok tei bwrwi siklarok buini ha-o khaui tlangjak bái kha.

KAPSIMANG KAPMA 1:4

Siyonni lamarok swlwgwi kabo, tamni hwn ba ter khlaina bagwi khoroksa phano aro phai li ya gwja; aboni dugayungrok khibijak bái kha, bini ochairok kengai lai-o; bini bwrwi siklarok bwkha yokjago tei bwkha nangjagwi kap lai-o.

KAPSIMANG KAPMA 2:17

Subraiyung bini uansuk tẃi’-no khlai kha, bo ragdama sakhlai tẃi’-no khwbo khlai kha; sal kwbángma swkang sama tẃi’-no bo khairokma kwrwi khlaiwi sokomor kha; bo nini kena arirokno nono tẃi tongthok rw kha tei nini kena arirokni phan báng rw kha.

KAPSIMANG KAPMA 2:2

Kaitor Jakobni bebak tongthairokno khairok yaui sokomor bái kha; bo thamchi kajagwi Judani sajwkni nok kwrakrokno swbai bái kha bo bini thamchi bai bini hano tei habugrarokni bóromno ha-o khiklaiwi rw kha.

KAPSIMANG KAPMA 3:43

“Nwng jolima kupulung khe chwngno riphrik kha, tei kisicha phano khairokma kwrwi khlaiwi buthar kha;

ESEKIEL 24:21

Subraiyung Kaitor hai hwnwi sa-o, ‘Nai di, ang nini phanni yaphangno, mokol bai naina muchungmano; ani háyáno kwthar ya khlainai; tei nwng klangwi thángmani sajwk-sajlasong khe butharjak bainai.

ESEKIEL 5:11

Aboni bagwi ang kwthang tong sak, Subraiyung Kaitor hai hwnwi sa-o, “Takjak mwtairok bai tei bebak tongmung hamya bai ani háyárokno dera rwmani bagwi ang nono khairokma kwrwi khe tanwi páinai, nono narwk glak.

ESEKIEL 7:4

Tei ang nono yakar glak tei khábo khairok glak, phiya ba nwng samung sitra khlaimani bagwi ang nono sátoknai, hakhe ang se Subraiyung hwnwi nwng saui mannai.

ESEKIEL 7:9

Ang nono khairok glak tei khabo khásuk glak, nwng samung hamya tangmani tẃi’-no ang nono sátoknai. Hakhe Subraiyung sátogo hwnwi norok saui mannai.

ESEKIEL 8:18

Aboni bagwi ang bórokno joliui yagul sunai, ang bórokno phiyók glak tei khábo khairok glak, bórok khorang kotor khe ani thani-o chirigwi kap lai phano ang khna glak.”

ESEKIEL 9:10

Tei angbo bórokno nai li ya tei khábo khairok glak, phiya bórokni samungno bórokni bokhokrok saka-o klai rwnai.”

AMOS 4:10

“Ang ha Ijibo khlaima hai norokni thani bok nang rw kha; ang norokni siklarokno seng bai buthar kha; norokni korairokno segwi na bai kha; norokni sengkrak bathamni mwnamno norokni bukungo sógwi rw kha; hai phano norok ani thani kiphil li ya,” hwnwi Subraiyung sa-o.

AMOS 8:13

“A salo naithok-naithok bwrwi sikla chwla sikla kangjagwi lengnai.

SAKARIA 11:6

Ang o ha-o tongnairokno tei khairok glak, hwnwi Subraiyung sa-o. Ang bórokno bórokni nok ari tei ganani bubagrarokni yago yapharnai; hakhe bórok hano sukhrupnai tei ang khoroksano phano bórokni yakni phiyók glak.”

UÁINWINI SA PHIMA 28:50

A dopha belai bwkha sitra mwkhang kwrak, bo chakrarokno sak nang ya tei chwrairoknobo khairok ya.

UÁINWINI SA PHIMA 32:25

Lama-o seng bai butharwi bórokno bwsa kwrwi khlainai; noksingo kirima bai koboljak anw; chwla sikla, bwrwi siklarok komor bainai, abuktwi chánai chwrai bai bwkhnai kuphur burarokno butharjaknai.

JOSUA 6:21

Hakhe bórok bebak kamiyungo tongmarokno sokomorwi pái lai kha, aroni chwlarok, bwrwirok, okra tei chwrai, musukrok, merarok, korai chirkarokno seng bai khe buthar laiwi pái kha.

1 SAMUEL 15:3

Tabuk thángwi Amaleksarokno swpragwi bórokno tong kwrwi bebak sokomor súk di, bórokno kwthang ta narwk di; chwla, bwrwi, chwrairok, absarok, musukrok, merarok, mangingang tei koraichirkarok bebakno buthar bai di.”