KAPSIMANG KAPMA 2:20 - Kok Borok (Re-edited) Bible (BSI)

²⁰ O Subraiyung, naisik di, uansugwi nai si di! Nwng ba omo sabono khlai kha? Buma ba tamo bórokni ogo achainai chwraino da chá sinai? Diyari tei ochai ba tamo nok kwtharo da butharjaksinani?

KAPSIMANG KAPMA 2:20 Iomraidhean Croise

2 BOSONG 36:17

Abo bai’-no Subraiyung Babilonni habugrano bórok bai nang lai rwna tubu kha, habugra bórokni noktharono bórokni siklarok jotonono buthar bai kha. Bo khoroksano phano sikla, chakra, chwla tei bwrwino suda khairok li ya. Bórok jotono bini yago yaphar kha.

LOBMUNG 78:64

Ochairok seng bai tantharjak bai kha, tei bórokni bihiksong kap lai li ya.

LAM RWMA 32:11

Hai phano Musi bini Kaitor, Subraiyungno koiwi hai hwnwi sa kha, “Kaitor aswk nini bororokno phankrak bai tei phankrak yak bai ha Ijipni tikhlai tubuma nini bororokno tamo aswk thamchi kaui joli lang?

JISAIA 22:2

Norokni kamiyung hohom-dodom tei tongthothok. Nini aroni butharjaknairok seng bai tanjagwi butharjak ya.

JIRIMIA 19:9

Bórokni arirok eba khe bórokno butharna nainairok bai bórok chopjagwi sátokjak anw, aphuru ang bórokno bórokni sajwk sajlani bahanno bórokno chá rw anw tei jotono bórokni noksa-nok arini borokni bahanno chá lai anw.

JIRIMIA 21:7

Aboni yagulo khe, Subraiyung hai hwnwi sa-o, abo ulo ang Judani habugra Jedekia tei bini selengrok tei bok kotorni yóknairok seng (choba) tei chachararani yóknai o kamiyungni joto lukurokno. Babilonni bugra Nebukadrejarni yago, bórokni kena arirokni yago tei bórokno butharna nainairokni yago yapharwi rwnai. Bugra Nebukadrejar bórokno seng kubuk bai butharwi khibinai. Bo kisa phano bórokno khairok glak, nakar glak tei mayabo chá glak.

JIRIMIA 5:31

Diyarirok tatal khe kók diyari sa-o tei ochairok diyarirok dagima haino tẃithero, phiya ani bororokbo omo haino’-no hamjago. Phiya ba páithago norok tamo khlainai?

KAPSIMANG KAPMA 1:19

“Ani hamjakmarokno ang ring kha tamo khe bórok ano bandi kha; kamiyungo ani ochairok tei tẃiphang okrarok phan khanani bagwi chámung rutuk lai phuru komor bái kha.

KAPSIMANG KAPMA 4:10

Khairokma gwnang bumarokni yak se tabuk sakni bwsarokno se sóngwi chá lai si-o; ani bororok bórokni komorma jora-o bórokni bwsano se chámung khlai si-o.

KAPSIMANG KAPMA 4:13

Omo bini diyarirokni sumsokni bagwi tei ochairok cha ya khlaima bagwi se wngo, tamni hwn ba bórok aro borok kahamrokni thẃi kochok rw kha.

KAPSIMANG KAPMA 4:16

Subraiyung baithang se bórokno piring-poroi khlai-o, bo bórokno tei naikhlai glak kha; ochairok bórom phunukjak ya okra-chakrarokbo sak nangjak ya.

ESEKIEL 5:10

Aboni bagwi’-no norokni bisingo Jerusalemni buma bupharok bwsarokno ma chá anw tei bwsarok buma bupharokno ma chá anw, ang norokno buj thumnai tei kwthang tongnairokno piring-poroi khlainai.

ESEKIEL 9:7

Hakhe bo bórokno hai hwnwi sa kha, “Noktharno hamya khlai di tei kwthwi bai nokhla supung di. Swkangwi tháng di.” Hakhe bórok ongkhorwi thángwi kamiyungni bororokno buthar lai kha.

LEBI 26:29

Nwng nini sajlarokni bahan ma chánainai tei nwng nwsajwksongni bahan ma chánai.

UÁINWINI SA PHIMA 9:26

Hakhe Subraiyungni thani ang omo hai khe suri sano, ‘O Subraiyung, nwng nini bororokno nini phankrak bai tei suar bai khe ha Ijipni phiyók kha, nwng bórokno ta sokomor ja si di.