KAPSIMANG KAPMA 2:2 - Kok Borok (Re-edited) Bible (BSI)

² Kaitor Jakobni bebak tongthairokno khairok yaui sokomor bái kha; bo thamchi kajagwi Judani sajwkni nok kwrakrokno swbai bái kha bo bini thamchi bai bini hano tei habugrarokni bóromno ha-o khiklaiwi rw kha.

KAPSIMANG KAPMA 2:2 Iomraidhean Croise

JOBNI BIJAP 2:3

Subraiyung Soitanno hai hwnwi sẃng kha, “Nwng ani seleng Jobno nuda nuk kha? O ha saka-o khoroksa phano bo hai borok sói tei borok kaham kwrwi. Bo ano suriui tongo tei mungsa phano samung hamya khlai ya. Bo mungsa phano cha ya khlaima kwrwi twtwi nwng nai tẃi khe ang nono bini hamya khlaina rw kha, tamo khe bo kaham khe bachaui tong kha.”

LOBMUNG 21:9

Nwng nukjak phuru bórokno thapani hokhi hai khlainai. Subraiyung bórokno jolima bai kham rwui páinai, hór bórokno mwlagwi pái anw.

LOBMUNG 74:7

Bórok nini háyáno hór bai sók kha; nini mungni tongthaino kwthar ya khlai kha, abono ha-o khiklai kha.

JISAIA 22:5

Omo tabuk phunukjakma harungo Subraiyung sengkrakrokni Kaitor bai tekto rwjakma, káduljakma tei buma man ya khlaijakma jora. Chini kamiyungni chokdeualrok tabuk swbaina bagwi tangjagwi tongo tei hatháirokno naharwi kabwi chirik laijak.

JISAIA 23:9

Sengkrakrokni Subraiyung omono chong kha, chẃngsachani bagwi kung chukmarokno dera rwnai tei ha sakani bebak bórom khlaijagwi tongnairokno lachimasingcha khlainai.

JISAIA 25:12

Bini kuchuk kuchuk chokdeualrok swbai khiklai rwjaknai tei ha-o burungsa khe rwjaknai, hadlwi cha rwui rwnai.

JISAIA 26:5

Kuchugo tongnairokno bo hache-o tikhlai kha, kung chuknai kamiyungrokno hache-o tikhlai te tikhlai te, hadlwi-o se khiklai rw-o.

JISAIA 27:11

Buphang ransa bai kha bedekrokbo bái pái kha; bwrwirok phaiwi abórokno bol se snam si-o. Tamni hwn khe o bororokni uansukma kwrwi gwja. Abo bai’-no snamnaisa bórokno khairok glak tei bórokno mwkhang naisik glak.

JISAIA 43:28

Aboni bagwi ang nini ochairokno kwthar háyáni samung tang rw ya, tei Jakobno sokomornani bagwi tei Israilno lachimasingcha khlaina bagwi yaphar kha.

JISAIA 47:6

Ang ani bororokno joli kha, ani bumungno sitra rw kha; tei bórokno nini yago yaphar kha, nwng bórokno khairok li ya, nini horbakno belai hilik khlaiwi bórok chakrarokni saka rw kha.

JIRIMIA 13:14

Ang bórokno khoroksa tei khoroksa bai nang lai rwnai, bupha bai bwsano nang lai rwnai, hwnwi Subraiyung sa-o. Ang bórokno sokomor phuru yakarwibo klang glak tei khabo khairok glak.”

JIRIMIA 19:15

Israilni Kaitor Kwplaisa Subraiyung hai hwnwi sa-o: Nai di ang o kamiyungrogo tei bini ganani kamirogo sokomormungrok tubuna hwnwi sakhlaimani, abórokno bórokni saka-o khlaijaknai tamni hwnma le bórok gwdna kwrak gwja tei ani kók khna li ya.

JIRIMIA 21:7

Aboni yagulo khe, Subraiyung hai hwnwi sa-o, abo ulo ang Judani habugra Jedekia tei bini selengrok tei bok kotorni yóknairok seng (choba) tei chachararani yóknai o kamiyungni joto lukurokno. Babilonni bugra Nebukadrejarni yago, bórokni kena arirokni yago tei bórokno butharna nainairokni yago yapharwi rwnai. Bugra Nebukadrejar bórokno seng kubuk bai butharwi khibinai. Bo kisa phano bórokno khairok glak, nakar glak tei mayabo chá glak.

JIRIMIA 5:10

“Bórokni angur bwlwng tẃi tháng di tei phereui rwi di, phiya ba pái súgwi ta sokomor di. Bini bedekrokno tankhraiwi rwi di, tamni hwn khe o bororok Subraiyungni ya.

KAPSIMANG KAPMA 2:17

Subraiyung bini uansuk tẃi’-no khlai kha, bo ragdama sakhlai tẃi’-no khwbo khlai kha; sal kwbángma swkang sama tẃi’-no bo khairokma kwrwi khlaiwi sokomor kha; bo nini kena arirokno nono tẃi tongthok rw kha tei nini kena arirokni phan báng rw kha.

KAPSIMANG KAPMA 2:21

Chwrai tei chakrarok lamarogo se klai tong bái si-o; ani chwla sikla tei bwrwi siklarok seng bai tantharwi butharjak bái kha; nwng jolimani salo khairokma kwrwi khe bórokno buthar bái kha.

KAPSIMANG KAPMA 2:5

Subraiyung kena ari hai wng kha; bo Israilno sokomor kha. Bo bini bebak noyungrokno sokomor kha, bini nok kwrakrokno báikhrup rw kha, tei Judani sajwk muisubuk chaui ma kapmano teibo báng rw kha.

KAPSIMANG KAPMA 3:43

“Nwng jolima kupulung khe chwngno riphrik kha, tei kisicha phano khairokma kwrwi khlaiwi buthar kha;

ESEKIEL 5:11

Aboni bagwi ang kwthang tong sak, Subraiyung Kaitor hai hwnwi sa-o, “Takjak mwtairok bai tei bebak tongmung hamya bai ani háyárokno dera rwmani bagwi ang nono khairokma kwrwi khe tanwi páinai, nono narwk glak.

ESEKIEL 7:4

Tei ang nono yakar glak tei khábo khairok glak, phiya ba nwng samung sitra khlaimani bagwi ang nono sátoknai, hakhe ang se Subraiyung hwnwi nwng saui mannai.

ESEKIEL 7:9

Ang nono khairok glak tei khabo khásuk glak, nwng samung hamya tangmani tẃi’-no ang nono sátoknai. Hakhe Subraiyung sátogo hwnwi norok saui mannai.

ESEKIEL 8:18

Aboni bagwi ang bórokno joliui yagul sunai, ang bórokno phiyók glak tei khábo khairok glak, bórok khorang kotor khe ani thani-o chirigwi kap lai phano ang khna glak.”

ESEKIEL 9:10

Tei angbo bórokno nai li ya tei khábo khairok glak, phiya bórokni samungno bórokni bokhokrok saka-o klai rwnai.”

MIKA 5:14

tei ang nini bisingni Aserano phuichaui páinai tei nini kamiyungrokno sokomornai.

MALAKI 1:4

Tumungno Idomsong, “Chini kami kotorrok swbaijak phano chwng abono songcha phinai” hwnwi sa khe, Phankrak Subraiyung hai hwnwi sa phinai, “Bórokni ha borok hamyarokni ha hwnjak ya sak tei Subraiyung bai mol brúm brúm jolijagwi tongjaknai ha hwnwi hwnjak ya sak bórok songcha phano ang ahaino ahai swbai phinai.”

MATHAI 18:33

Ang nono khairokma hai’-no nwngbo a selengno khairokthai klaimani.’

2 KORINTH 10:4

Chwng choba khlai thani o swngcharni da-seng tẃi ya, chini da-seng wng kha bera kwrak swbaina bagwi Kaitorni phankrak da-seng se. Chwng nang ya kókrokno swkwmaui rw-o,

UÁINWINI SA PHIMA 28:52

Tei norokni bebak ha-o bebak kamiyungrokno tei norok bwkha beramani a kuchuk chokdeual báiwi klai yasak’-no gerebwi tonnai. Subraiyung norokni Kaitor norokno rwmani bebak kamiyungrokno bórok gerebwi tonnai.

UÁINWINI SA PHIMA 32:22

Tamni hwn ba ani thamchi bai hór chẃng kha; bo bai kuthuk morke jora khampranai, omo ha tei aro tongma manwirokno monogo; tei bebak hachuk yaphango hór phnango.