KAPSIMANG KAPMA 2:19 - Kok Borok (Re-edited) Bible (BSI)

¹⁹ Bacha di, horo, hor loksak kap di! Nini bwkhano Subraiyungni bwskango lukhlaiwi rw di! Lama bángmasing ok khuiwi lengwi klai tongnai nini bwsarokni langma mwthangna bagwi nini yak surcha si di.

KAPSIMANG KAPMA 2:19 Iomraidhean Croise

JOBNI BIJAP 3:24

Lengprama se ani chámung hai wng si-o, ani swlwgwi kapmani twi hai se yor si-o.

LOBMUNG 119:55

O Subraiyung, horo ang nini mungo muitu khlai-o, tei nini kerongno rákhok kha.

LOBMUNG 134:2

Tongthai Kwthar bwkhak yak tisaui norokni yakno phologwi Subraiyungno lob di.

LOBMUNG 141:2

Ani surima nini thani satrai motom hai wng thung, tei ani yak pholokma nini thani sarik jorani barokmung hai wng thung.

LOBMUNG 142:2

Ang bono ani kók sana tongmarokno khupro-ui sa-o; ani birmanni kókrokno bono sa-o.

LOBMUNG 142:3

Ani bwkha báiwi lengwi tong phuru nwng ani lamano saui mano. ang himmani lama-o bórok ani bagwi uarai chak lai kha.

LOBMUNG 28:2

Ani koiwi sanmani khorangno khna ja di, ang kabwi nini thani chubamung sano, ang ani yakrokno nini háyá kwthar bwkhak suhorwi tisa ja-o.

LOBMUNG 42:3

Ani muktwirok se hor sal ani chámung wng si-o, lukurok khe ano “Nini Kaitor buro?” hwnwi sẃng lai máng se tong lai si-o.

LOBMUNG 42:4

Ang omorokno muitu manẃi ani bwkha báiwi tongo: ang borok kwbángmarok bai thángmani, tei ang bórokno tẃiwi Kaitorni nogo thángmani, tongthok khorang bai hambai rwui rwchabwi borok kwbángma’-no terrok khlai lai-o.

LOBMUNG 42:8

Subraiyung salo khe bini pái phlai ya hamjakmano lukhlaiwi rw-o, tei horo khe bini rwchapmungno rw-o, ano langma rwnaisano surimungrok ani thani tongo.

LOBMUNG 62:8

O bororok, sal brúm brúmno bono poito khlai tong di; nini bwkhano bini thani khukhlawi rw di; Kaitor se chini katijaknai nok kwrak. Sela

LOBMUNG 63:4

Hakhe kwthang tong sak ang nono lobnai, ang ani yak tisaui ang nini mungno ringnai.

JISAIA 26:9

Horo khe ang nono khátango ani bwkha-o kuthuk khe nono naitugo. Ha-o buj thum phuru khe bórok bujsói tamono hwn srwngo.

JISAIA 51:20

Khẃi-o nangjak mwswi hai khe nini nwsarok lengpraui lampra bokhorokni mathe klaiwi tong bai kha, bórok Subraiyungni jolijakma bai kupulung. Kaitorni swraimung nangjak.

JIRIMIA 14:18

Ang hapharo tháng phuru khe seng bai tantharjaknairokno nugo! Kamiyungo hap phuru khe asari nangwi ma chá yaui ramprajakrokno nugo! Ha gwnangwi diyarirok tei ochairok bórokni khlaithai samung khlaiwi tong lai-o, tamo khe bórok tamo khlaiwi tong abo bórok si se si ya.

JIRIMIA 9:20

O bwrwimasong Subraiyung samani kók tei bini búkhúkni kók nini khunju bai khe khna di; nini sajwksongno kapsimang kapna phrwng di, tei nok arini bwrwirokno bahai khe kapnai phrwng di.

ESEKIEL 5:10

Aboni bagwi’-no norokni bisingo Jerusalemni buma bupharok bwsarokno ma chá anw tei bwsarok buma bupharokno ma chá anw, ang norokno buj thumnai tei kwthang tongnairokno piring-poroi khlainai.

ESEKIEL 5:16

Ang nini thani-o chakhla kok tẃi khe asari rohorwi sátoknai aboni bagwi nwng komornai tei nini chámungrokbo mwthakjaknai,

MIKA 1:16

Norok norokni hamjakma bwsarokni bagwi bokhorok silwi pái di; norok sikruk hai thunta wng lai pái di, tamni hwn ba bórok buini ha-o khaui tlangjagwi páinai.

NAHUM 3:10

Hai phano bini bororok buini ha-o khaui tlangjak bái kha, bórokni absa kwlwirokno bebak lamprarogo búpháiwi butharjak kha; bórokni borok kotorrok pat karwi naijak bái kha tei bórokni phan gwnang bororok khe sorduk bai khajak bái kha.

MATHAI 14:25

Phungni kaitham bai kaidokni kwcharo Jisu twi saka tẃi himwi bórokni thani phai kha.

MARK 1:35

Teini phungo belai aisirisiri sal pa ya sini Jisu bachaui nokni ongkhorwi tháng kha; bo taunni ongkhorwi siring siring kwrẃngsa-o thángwi suri sanwi kha.

MARK 13:35

Hakhe norok sichaui tong di, tamni hwn khe nokphang bu phuru phaino norok saui man ya; sanja jora, eba hor diboro, eba aichugo, eba sal kasaui phano phaina tongo.

LUK SWIMANI KOTHOMA KAHAM 6:12

Aphuru suri sanna hwnwi Jisu hathái-o kasaui tháng kha; hopung Kaitorni thani suri san kha.

1 TIMOTHI 2:8

Joto jaga’-ono chwlarok suri san thung ang hwno, joli yaui, uálai yaui, yak kwtharno tisaui suri san thung.

BUJ THUMNAIROK 7:19

Hakhe Gideon bai tei khorok sara borok hor diborni mwrwknai slái drobo batham gana-o sók phai khe totro subwi bórokni yakni golano sukhrup kha.

1 SAMUEL 1:15

Phiya ba Hanna hai hwnwi sa kha, “I’nhi, bubagra ang arak kephek ya, ang belai’-no tekto nangjak bwrwija se; ang suri twtwi Subraiyungni thani bwkhani kók se saui tongo.

1 SAMUEL 7:6

Hakhe bórok Mijpa-o kuthum lai kha, bórok twi khók laiwi Subraiyungni bwskango lukhlai rw lai kha, bórok a salo sapung ok bukcha tong lai kha. Tei bórok hai hwnwi sa kha, “Chwng Subraiyungni thani sumsok khlai kha.” Samuel Mijpa-o Israil bororokno buj thum kha.