KAPSIMANG KAPMA 2:17 - Kok Borok (Re-edited) Bible (BSI)

¹⁷ Subraiyung bini uansuk tẃi’-no khlai kha, bo ragdama sakhlai tẃi’-no khwbo khlai kha; sal kwbángma swkang sama tẃi’-no bo khairokma kwrwi khlaiwi sokomor kha; bo nini kena arirokno nono tẃi tongthok rw kha tei nini kena arirokni phan báng rw kha.

KAPSIMANG KAPMA 2:17 Iomraidhean Croise

1 HABUGRA 9:7

hakhe ang ani borok Israilrokno ang bórokno rwma hani nornai. Ang surijakna bagwi tangjakma tei ang kwthar khlaima-o noktharnobo ang yakarnai. Ha gwnangwini bororok Israilno mwnwi lainai tei muchung tẃi’-no thwng bainai.

LOBMUNG 35:24

O Subraiyung ani Kaitor, nini buj kaham bai ano kaham hwnwi sakhlai si di tei ani digi-sigi nugwi bórokno ta mwnwi rw si di.

LOBMUNG 35:26

Ani digi-sigino nugwi tongthoknairokno lachi rw di tei bwkha bái rw di; ani kebengwi kung chuknairokno lachimung man rwui bórom kwrwi khlai di.

LOBMUNG 38:16

Ang hai hwnwi ma koija-o, “Ang yapri kásleui klai phuru nwng bórokno ano nugwi ta tongthok rw di, kók kotor sa lainairokno.”

LOBMUNG 89:42

Nwng bini kebengnai arirokni yagra yakno tisa kha; bini bebak kebengnai arirokno tongthok rw kha.

LOBMUNG 89:43

Nwng bini sengni buano philwi rw kha, tei choba-o nwng bono chuba li ya.

JISAIA 14:29

O Philistiasasong, norokno swprakmani a raidang bái kha hwnwi ta tongthok di; tamni hwn khe a chibukni yaphangni chibuk masa ongkhornai tei bini aroni khe bis gwnang birnai chibuk ongkhornai.

JIRIMIA 18:11

Aboni bagwino tabuk Judani bororok tei Jerusalemo tong bainairokno sa di: Subraiyung hai hwnwi sa-o: Nai di ang khe khoroksa twk taknai hai, norokni bagwi hamya khlaina naiwi tongo tei norokni bagwi hamya chabwi tongo. Tabuk norok jotono sak-sakni lam hamyani kiphil phai di tei sak-sakni lama tei samungrok kaham khlai di.

JIRIMIA 4:28

Aboni bagwi o hayung swlwgwi kapnai tei nokha bo somchanai tamni hwn ba ang o kók sa-o, ani uansukmung tongo, ani bwkha klai wng li ya tei khábo kiphil li ya.

JIRIMIA 40:3

tei tabuk Subraiyung abono phnang kha, bo samani haino khlai kha. Tamni hwn khe, norok Subraiyungno kebengwi sumsok khlai kha tei bini kókno khna li ya, aboni bagwino norokni thani omo hairok wngo.

KAPSIMANG KAPMA 1:5

Bini kena arirok bini bugra wng kha, bono kebengnai arirok hamcha-o chasa-o, tamni hwn ba Subraiyung bono bini sumsok kwbángmani bagwi digi-sigi-o khiklai kha; bini bwsarokno bini kena arirok romwi tlangjak bái kha.

KAPSIMANG KAPMA 2:8

Subraiyung Siyonni chokdeualrokno swbaina bagwi bwkha chap kha; bo mari boui pái kha; bo bini yak bai abono sokomor ya wng glak kha; bo nok kwrakno tei chok deualno muisubuk cha rwui kap rw kha; abórokni phan kwrwi kha.

KAPSIMANG KAPMA 3:43

“Nwng jolima kupulung khe chwngno riphrik kha, tei kisicha phano khairokma kwrwi khlaiwi buthar kha;

KAPSIMANG KAPMA 4:11

Subraiyung bini thamchi tungjakmano tikhlai baisuk kha; bini joliui tungphlamano lukhlai kha, bo Siyono hór phnang kha tei aboni yaphangno sógwi pái bai kha.

ESEKIEL 5:11

Aboni bagwi ang kwthang tong sak, Subraiyung Kaitor hai hwnwi sa-o, “Takjak mwtairok bai tei bebak tongmung hamya bai ani háyárokno dera rwmani bagwi ang nono khairokma kwrwi khe tanwi páinai, nono narwk glak.

ESEKIEL 8:18

Aboni bagwi ang bórokno joliui yagul sunai, ang bórokno phiyók glak tei khábo khairok glak, bórok khorang kotor khe ani thani-o chirigwi kap lai phano ang khna glak.”

ESEKIEL 9:10

Tei angbo bórokno nai li ya tei khábo khairok glak, phiya bórokni samungno bórokni bokhokrok saka-o klai rwnai.”

DANIEL 9:12

Nwng samani haino chini saka tei tẃiphangrokni saka-o tei kubun harokni slái teibo kirimasingcha khe klai kha. O ha saka-o Jerusalemno sátokmani hai tei kaisabo khlaijak ya kho.

MIKA 2:3

Aboni bagwi Subraiyung sa-o: Ang norokni núkhungni banta hamya chabwi tong kha, aroni nwng nini gwdnano sokogwi man glak; nwng kung chugui ta him di, tamni hwn ba omo jora hamya wngnai.

JAPHANIA 1:2

“Ang o ha sakani bebakno’-no kirimasingcha khe sokomor súgwi páinai” hwnwi Subraiyung sa-o.

SAKARIA 1:6

Ang ani selengrok tei diyarirokno dagiui norokni chuchusongno khorai kha, tamo khe bórok bwkha de kiphil si? Aboni bagwi bórok ma manjak kha tei yagulo khe bwkha kiphilwi “Kwplaisa Subraiyung, bini chong tẃi’-no chini samungni manthaino rw kha.”