KAPSIMANG KAPMA 2:16 - Kok Borok (Re-edited) Bible (BSI)

¹⁶ Nini bebak kena arirok nono kebengwi kók sa lai-o; bórok thesra kari lai-o bua hul laiwi hai hwnwi chirigwi sa-o, “Chwng bono monogwi pái kha! Chwng o salno’-no naisingwi tongmani; tabuk khe chwng o salno man laha!”

KAPSIMANG KAPMA 2:16 Iomraidhean Croise

LOBMUNG 109:2

Tamoni hwn ba borok hamyarok tei bandiui tatal sanairok ano kebengwi hamya sana bagwi khua kha, ano tatal khe bórok kebengwi sa lai-o.

LOBMUNG 112:10

Borok hamya abono nugwi jolijak kha; bo bini ua hul kha tei geleui tháng kha; borok hamyarokni muchungma chúk ya wng kha.

LOBMUNG 124:3

hakhe bórok chwngno khencheneui jolijak phuru kwthangwi’-no monogwi pái kha mun;

LOBMUNG 22:13

bórok ano naisigwi khua lai-o, uátharnai singho hai khe sokrom lai-o.

LOBMUNG 35:16

bórok katswi búkhúk sitra kariui ano thesra kari lai kha, ano naisigwi bórok ua hul lai kha.

LOBMUNG 35:21

Bórok ano naisigwi búkhúk kuar khe khua lai-o; “Ei, chwng abono chini mokol bai nuk kha” hwnwi bórok sa lai-o.

LOBMUNG 35:25

Bórokno, “Hok, chwng omo tẃi’-no naimani” hwnwi ta sa rw si di. Bórokno, “Chwng nono monok kha” hwnwi ta sa rw di.

LOBMUNG 37:12

Borok hamyarok, borok kahamrokni bagwi hamya chap lai-o, tei bono naisigwi ua hul lai-o;

LOBMUNG 41:8

“Bo bemuk hamya manjak kha; bo tei hamwi bachaui man glak kha” hwnwi sa lai-o.

LOBMUNG 56:2

sapung ano kebengnai arirok ano riphrik lai-o, kwbángma’-no ang bai choba khlai-o.

LOBMUNG 57:3

Bo ano kuchukni chubamung rohorwi mwthangnai, ano káphrumnairokno bo lachimasingcha khlainai. Sela Kaitor bini kók narwkmung tei pái phlai ya hamjakma rohornai.

JISAIA 49:19

“Sói’-no, nini ha sokomorjak tei khibijakrok kwkham wngwi klai tongo, phiya ba omo hai jora phainai, aphuru nwng nini bororokno nini bisingo tongthai rwui man glak, tei norokno salsa monoknairok hakchal wngwi ma thángnai.

JIRIMIA 26:6

hakhe ang o nokno Silo hai khlainai tei hani bebak dopharokni khugo o kamiyungno swraimung khlainai.’ ”

JIRIMIA 29:18

Ang choba, asari tei kirimasingcha bokrokno rwkthar rw anw tei hayungni bebak harokno bórokno kirimung khlai anw tei bórokno rwkhlai rohorma ha-o bui bai swraijaknai, uanajaknai, naislerjaknai tei mwnwijaknai khlai anw.

JIRIMIA 50:17

Israil khe singho bai riphrikjak piring-poroi mera. Swkango khe Asiriyani habugra bono monok kha tei tabuk páithago Babilonni habugra Nebukadrejar bini bekrengrok uákhrup bai kha.

JIRIMIA 50:7

Bórokno mannairok bórokno monok bai kha tei bórokni a arirok hai hwnwi sa kha, ‘Chini mungsa cha ya kwrwi, tamo khe bórok se bórokni chuchusongni khatungma Subraiyungno kubui khe bwkha bera thai Subraiyungno kebengwi sumsok khlai-o.’

JIRIMIA 51:34

Babilonni habugra Nebukadrejar ano monok kha, ano sukhrup kha; bo ano twk bukcha hai khlai kha, bo ano chibuk kotor monok tẃi khe monok kha; bo ani chá kothok chámung bai sakni bohok supung kha; tei bo ano sebwi khibi kha.

KAPSIMANG KAPMA 1:21

“Ang bahai khe kengai kha khna di; ano bwkha methepnai khoroksa phano kwrwi; ani kena arirok ani jwngjalni kókrokno khna kha; nwng khlaimano nugwi bórok tongthokjago. Nwng kók sakhlaima tẃi a salno sók phai rw si di, tei bórokbo ang manjak tẃi khe manjak thung.

KAPSIMANG KAPMA 3:46

“Chini bebak kena arirok chwngno naisigwi mwnwi lai kha;

ESEKIEL 23:32

Subraiyung Kaitor hai hwnwi sa-o, “Nwng nibini khurino ma nungnai, abo kobo kotor tei kubo kuthuk; nwng bórok bai mwnwijaknai tei kara thwngjaknai tamni hwn ba a khuri wng kha kupulung.

ESEKIEL 25:15

Subraiyung Kaitor hai hwnwi sa-o, “Philistiarok bwkha sitra bai khe khairokma kwrwi khe yagul su kha. Bórok belai khe naislermani bagwi Judano komor rwnani nai kha.

ESEKIEL 25:3

Ammonsarokno sa di, phan gwnang Subraiyung Kaitorni kókno khna di. Kwplaisa Subraiyung Kaitor hai hwnwi sa-o: Norok ani nokthar deramani nugwi, Israil ha bukcha wngmani tei Judairok buini ha-o khaui tlangjakmano nugwi ‘Cha kha cha kha’ hwnwi hwn lai-o.

ESEKIEL 25:6

Subraiyung Kaitor hai hwnwi sa-o, ‘Norok yapha khorop lai kha tei bársa kha, tongthok lai kha tei Israil hano hamya sa laiwi mwnwi lai kha.

ESEKIEL 36:3

Abo bai Subraiyung Kaitor hai sa-o hwnwi kók diyari sa di, buini dopharok phaiwi tanthar-sútharwi borok bukcha khlai kha tei Israilno kók hamya sa lai kha.

ESEKIEL 5:15

Ang nono joliui buj thummano nugwi nono kitingwi tong bainai dopharok belai khe ma kiri bainai, nwng bórok bai kara thwngjaknai. Ang Subraiyung o kókno sa-o.

HOSEA 8:8

Israil monokjak bai kha; tabuk khe kubun bosongrokni bisingo samung chúk ya twk hai wng kha.

MIKA 4:11

Tabuk dopha kwbángma nono kebengwi swprakna bagwi kuthum lai kha, bórok hai hwnwi sa lai-o, “Bono kwthar ya khlainai tei chwng Siyonno naisigwi tong lainai.”

SAMUNG 7:54

Stipanni kók khnaui Kaunsil hoku cha súk kha, hakhe jolijagwi ua hul lai kha.