KAPSIMANG KAPMA 2:15 - Kok Borok (Re-edited) Bible (BSI)

¹⁵ Lama tẃi láinairok bebakno nono naisigwi yapha tam lai-o; bórok Jerusalemni sajwkno nugwi thesra kariui mwnwi lai-o tei bokhorok jangriui sa lai-o, “Omo de a katswi naithok tei hayungni tongthok kuk kamiyung hwnwi hwnjaknai?”

KAPSIMANG KAPMA 2:15 Iomraidhean Croise

2 HABUGRA 19:21

Omo se Subraiyung bini bagwi kók samani; bo nono nor kha, bwrwi sikla Jerusalem nono hamya hwnwi hwn kha,

2 BOSONG 7:21

“Bororok gana tẃi lái phuru nokno nugwi lobsanairok, ‘Tamo wngwi Subraiyung ba o hano tei nokno abo hai ma khlai lang?’ hwnwi mwlang chaui ma sa anw.

LOBMUNG 109:25

Ano mwnwinairokni thani ang mwnwijaknai se wng si-o; ano nuk kheno bokhorok jangri lai-o.

LOBMUNG 22:7

Ano nuknairok ano mwnwi lai-o, bórok bwkhwchwi phehelwi bokhorok jangriui hai hwnwi sa lai-o;

LOBMUNG 48:2

naithok ha swngchar gwnangwi bororokni tongthokmung salsibai-o Siyon hathái bugra kotorni kamiyung.

LOBMUNG 48:3

Kaitor sakphang se aroni nok kuchuk katijaknai nok kwrak.

LOBMUNG 50:2

Siyono tongwi, sói sói kubui naithogo tongwi Kaitor kwchẃng wngwi chẃngsa-o.

LOBMUNG 64:8

Bórokni bwslaini bagwi bo bórokno komor rw anw; bono nugwi jotono kiriui kwlwibra anw.

JISAIA 28:21

Bini uanamasingcha samung sijakna bagwi bo khlaina muchungma haino khlai nai, Subraiyung Perajim hathái-o bachama haino bachanai tei Gibeon hathái-o khlai tẃi’-no khlainai.

JISAIA 37:22

Subraiyung bini kókno tẃiwi o kók sa kha; ‘Siyonni bwrwi sikla kwthar nono sak nang ya wng kha, bo nono hamya sa kha; o Jerusalemni sajwk bo nini uklogo khorok jangri kha;’

JISAIA 64:11

Chini chuchusong nono lobmani tei chini a kwthar tei naithok nok bebak hór bai kham bai kha tei chini tongthotok bebak harok bái klaijak máng.

JIRIMIA 18:16

bórokni hano kirimasingcha khlai lai kha, tei mol brúm brúm buini mwnwimung khlai kha. Aboni gana tẃi thángnai joto bororok kiriui bokhorok ninang rwui thángo.

JIRIMIA 19:8

Ang o kamiyungno kirimasingcha khlainai tei mwnwi mung khlai anw; aboni gana tẃi thángnai joto bororokno bini kirimasingcha khe báimano nugwi sundru anw.

JIRIMIA 25:18

Jerusalem tei Judani kamiyungrok bini bugrarok tei habugrani tẃiphangrokno bórok bukcha khlainani swbainani, bui bai mwnwijaknai tei swraimung nangjak khlaina bagwi ang tabuk jora bórokno khlai kha.

JIRIMIA 25:9

nai di ang salsibaini bebak dopharokno tei ani seleng Babilonni habugra Nebukadrejarno tubunai, hwnwi Subraiyung sa-o. O ha tei oro tong bainairokni bagwi tei bórokno kitingjak bebak dopharokno kebengwi bórokno tubunai. Ang bórokno sokomor súgwi khibinai tei kirimasingcha, mwnwimung tei mung hamya sajagwi máng tong phlainai.

JIRIMIA 26:6

hakhe ang o nokno Silo hai khlainai tei hani bebak dopharokni khugo o kamiyungno swraimung khlainai.’ ”

JIRIMIA 29:18

Ang choba, asari tei kirimasingcha bokrokno rwkthar rw anw tei hayungni bebak harokno bórokno kirimung khlai anw tei bórokno rwkhlai rohorma ha-o bui bai swraijaknai, uanajaknai, naislerjaknai tei mwnwijaknai khlai anw.

JIRIMIA 48:27

Israil nini mwnwijakmung tongnai diba? Bo sikhokrokni bisingo khopjak ya diba? Norok bono tẃiwi kók sa lai brúmno khorok jangriui tong lai-o hai ya da?

JIRIMIA 51:37

babilon báikhrupjak burung wngnai tei pheuangrokni tongthai wngnai tei kirimasingcha mwnwimung wngnai, aro bororok tong glak.

KAPSIMANG KAPMA 1:21

“Ang bahai khe kengai kha khna di; ano bwkha methepnai khoroksa phano kwrwi; ani kena arirok ani jwngjalni kókrokno khna kha; nwng khlaimano nugwi bórok tongthokjago. Nwng kók sakhlaima tẃi a salno sók phai rw si di, tei bórokbo ang manjak tẃi khe manjak thung.

KAPSIMANG KAPMA 1:8

Jerusalem belai sumsok kotor khlai kha aboni bagwi bo buini mwnwimung se wng si-o; bono bórom khlainairok bono khibi kha, tamni hwn ba bórok bono sak srwng srwng bukcha khe nuk kha; bo baithangbo kengai-o, tei mwkhang hui kha.

KAPSIMANG KAPMA 2:16

Nini bebak kena arirok nono kebengwi kók sa lai-o; bórok thesra kari lai-o bua hul laiwi hai hwnwi chirigwi sa-o, “Chwng bono monogwi pái kha! Chwng o salno’-no naisingwi tongmani; tabuk khe chwng o salno man laha!”

KAPSIMANG KAPMA 2:6

Bo bini kainokno tháiblwng swbai tẃi khe swbai kha, bo bini kuthum laima nokno swbai kha; Subraiyung Siyonni terno tei sabatno mwthagwi pái kha, habugra tei ochaino bo belai khe jolijak kha.

ESEKIEL 16:13

Abo hai khe nwng rangchak, rukphai kan rwui mwchang rwjak kha tei kaham lilonni rí bumul sarjak tei tosorni rí kano. Nwng auang kaham tei piya bwtwi tei thok chá-o. Nwng belai naithok wngwi Isiri hai wng kha,

ESEKIEL 16:14

Nini naithokma dopharokni bisingo belai khe mung tor kha, tamni hwn ba nwng kubui’-no naithok. Nini naithokma wng kha kubui ang se nono aswk naithok khe snam kha; hwnwi Subraiyung Kaitor sa-o.

ESEKIEL 23:32

Subraiyung Kaitor hai hwnwi sa-o, “Nwng nibini khurino ma nungnai, abo kobo kotor tei kubo kuthuk; nwng bórok bai mwnwijaknai tei kara thwngjaknai tamni hwn ba a khuri wng kha kupulung.

ESEKIEL 25:6

Subraiyung Kaitor hai hwnwi sa-o, ‘Norok yapha khorop lai kha tei bársa kha, tongthok lai kha tei Israil hano hamya sa laiwi mwnwi lai kha.

ESEKIEL 5:15

Ang nono joliui buj thummano nugwi nono kitingwi tong bainai dopharok belai khe ma kiri bainai, nwng bórok bai kara thwngjaknai. Ang Subraiyung o kókno sa-o.

DANIEL 9:16

O Subrai, nwng samung kaham khlaimani hai nini kamiyung Jerusalem kwthar hatháino tei ta joli si di, tamni hwn ba chwng tei chini chuchusong sumsok khlai bai kha, gana-o tong bainai bororok Jerusalem tei nini bororokno naislerjak bai-o.

MIKA 6:16

Nwng Omrini kerong-raida tẃi tong kha tei Ahabni bosongni bebak tongmungno loi wng kha, nwng bórokni kókbiti naui him kha. Aboni bagwino ang nono sokomornaini tei mwnwiwi thesra karijaknani yapha-o yapharwi rwnai; hakhe nwng ani borok hwnwi bumkhang man ya ma wngnai.”

NAHUM 3:19

Mungsa khe phano nini kwsano ham rwna lama kwrwi kha; nwng belai khe kwsa cha kha. Nini komorma kókno khnanairok bebakno yapha khorop lai kha. Tamni hwn ba nwng hamya khlaimani sabo se manjak ya tong kha?

JAPHANIA 2:15

Omo se a khom-khom khe tongmani a kamiyung, bo sak-sak hai hwnwi sa-o, “Ang simi se, ano karwi tei kwrwi kha” nai di omo bahai khe komorwi bolongni yabrwirokni tongthai wng kha! Aboni gana tẃi láinairok abono thesra kariui mwnwinai.

MATHAI 27:39

Abo tẃi himnairok bokhorok jangriui Jisuno hai hwnwi kul kha,

MARK 15:29

Abo tẃi himnairok bokhorok jangriui Jisuno hai hwnwi kul kha, “Aha, nokthar swbainaisa! Salthamni bisingo abono tisa phinaisa!