KAPSIMANG KAPMA 2:14 - Kok Borok (Re-edited) Bible (BSI)

¹⁴ Nini diyarirok nini banta tatal tei bandinai imang-mukthangrok nuk kha; bórok nono phiyók phina bagwi nini cha yarokno phunugui rw ya, tamo khe bórok nini bagwi nugwi kók diyari samarok tatal tei lama koró rwnai máng se.

KAPSIMANG KAPMA 2:14 Iomraidhean Croise

JISAIA 58:1

“Chirikhógwi sakhlai di, khorang ta kosor rw di! Totro pungma hai khe khorang kotor khlai di; ani bororokno bórokni tongmung cha yani kók, Jakobni bosongno bórokni sumsokrokno sakhlai di.

JIRIMIA 2:8

Ochairok bo sẃng li ya, “Subraiyung buro?” Kerong tẃinairokbo ano sini li ya, tẃiphangrok ano kebeng lai kha. diyarirok Bal mwtai bai khe kók diyari sa kha, mungsa chúk ya takjak mwtairokno, rwkthar lai kha.

JIRIMIA 20:6

Hakhe o Pasur nini nogo tongnairok tei bebakno Babilono romwi tlangjaknai; aro nwng tei nini bebak kichingsongrok, nwng tatal kók diyari samani bororok thwi anw tei phobjak anw.

JIRIMIA 23:22

Tumungno bórok ani kókbiti-o bacha phai khe, hakhe ani bororokno ani kókrokno pír kha mun, bórok bórokni lam hamyani kiphil kha mun tei samung hamyarok tangmani kiphil kha mun.

JIRIMIA 23:36

Phiya ba ‘Subraiyungni rujujaknai’ o kókno norok tei ta khursa si di, tamni hwn khe bororokni baithangni kók se bórokni rujumung, tei norok Kaitorni kwthang kókrokno dera rw-o, hwnwi sengkrakrokni Subraiyung chini Kaitor sa-o.

JIRIMIA 28:15

Hakhe Jirimia diyari Hanania diyarino hai hwnwi sa kha, “O Hanania khna di, Subraiyung nono rohor ya, phiya nwng o bororokno kók tatalno poito chá rw kha.”

JIRIMIA 29:21

Ani mungwi tatal kók diyari sanai Kolaiani bwsajla Ahab tei Maseiani bwsajla Jedekiano sa di; sengkrakrokni Subraiyung Israilni Kaitor hai hwnwi sa-o: Nai di, ang bórokno Babilonni habugra Nebukadrejarni yago yapharwi rwnai, bo norokni mokol bwskango’-no bórokno buthar anw.

JIRIMIA 37:19

‘Babilonni habugra norokni thani tei norokni ha-o phai glak’ hwnwi norokno kók diyari sanai norokni a diyarirok tabuk biyang?

JIRIMIA 5:31

Diyarirok tatal khe kók diyari sa-o tei ochairok diyarirok dagima haino tẃithero, phiya ani bororokbo omo haino’-no hamjago. Phiya ba páithago norok tamo khlainai?

KAPSIMANG KAPMA 4:13

Omo bini diyarirokni sumsokni bagwi tei ochairok cha ya khlaima bagwi se wngo, tamni hwn ba bórok aro borok kahamrokni thẃi kochok rw kha.

ESEKIEL 13:22

Borok kahamrokno nwng tatal kók bai bwkha swbai kha, ang bórokno bwkha swbai ya tei borok hamyarokno khe phan rw chru kha aboni bagwi borok hamyarok mwthangjakna bagwi lama hamyani kiphilwi phai li ya,

ESEKIEL 22:25

Bórok singho hai khe muirok uátharwi butharnani naima hai khe hamya khlaina bagwi chap lai-o. Bórok borokrokno monok kha; bórok rang-rírok, manwi kahamrok na kha; tei kwbángmano randijwk snam kha.

ESEKIEL 22:28

Bororok chwndwi kuphur bai nok lepe rwui nok kholopmani hai khe diyariroknibo bórokni sumsokrokno kholop lai-o. Bórok tatal nukmung nugwi tatalno Subraiyung Kaitor hai hwnwi sa-o hwnwi sa lai-o, ayang le Subraiyung bórokno samani se kwrwi.

ESEKIEL 23:36

Subraiyung ano hai hwnwi bo sa kha, “Borokni sajla, nwng Ohola bai Oholibano buj thumnai da? Hakhe bórok selengmasingcha samung hamya khlaimano sakhlai di.

HOSEA 9:7

Sátokjaknani sal phai kha, yagul sujakna sal phai kha; Israilsarok ahai hwnwi chirik anw, diyari khe butua, Phola bai tẃijak borok khe kobor! Bórokni belai cha yani bagwi nini yagul sujakma belai tor kha.

MIKA 2:11

Tumung khoroksa swk tatal tei bandinaisa phaiwi “Ang sa-o, norokni kwbángma angur bwtwi tei chuak wngnai” hwnwi sa phai khe a borok se bórokni diyari wngnai!

MIKA 3:8

Tamo khe ang, Jakobno bini cha yano tei Israilno bini sumsokni kókno sanani bagwi Subraiyung rwmani phan tei suar kupulung wng kha.

JAPHANIA 3:4

Bini diyarirok sak nang ya tei poito kwrwi gwja; bini ochairok kwtharno dera rw-o tei kerongno swbai-o.