KAPSIMANG KAPMA 2:13 - Kok Borok (Re-edited) Bible (BSI)

¹³ O Jerusalemni sajwk, ang nini bagwi tamo sanai, tamo bai nono su-ui mannai? O Siyonni bwrwi siklajwk, ang nono bubo hai khe saui bwkha kwchang rw sinai? Nini kwsa le twijlang swk tor laha sabo nono ham rwui man sinai?

KAPSIMANG KAPMA 2:13 Iomraidhean Croise

2 SAMUEL 5:20

Hakhe Daud Bal Perajimo thángwi bórokno aro mechenwi hai hwnwi sa kha, “Subraiyung ani arirokno twi kotor swbai tẃi khe mechen kha.” Aboni bagwi abono Bal Perajim hwnjago.

2 HABUGRA 19:21

Omo se Subraiyung bini bagwi kók samani; bo nono nor kha, bwrwi sikla Jerusalem nono hamya hwnwi hwn kha,

LOBMUNG 60:2

Nwng o hano jangri kha; tei kekhok kha; o kekhokmarokno muthup si di tamni hwn ba o ha pái súgwi thángnai kha.

JISAIA 37:22

Subraiyung bini kókno tẃiwi o kók sa kha; ‘Siyonni bwrwi sikla kwthar nono sak nang ya wng kha, bo nono hamya sa kha; o Jerusalemni sajwk bo nini uklogo khorok jangri kha;’

JIRIMIA 14:17

Nwng o kókno bórokno sa di: Ani mokolni muktwi hor-sal chorom phlaiwi tong thung, ta thak phlai thung, tamni hwn ba ani dophani bwrwi siklarok belai khe dukhu man rwui bujak kha tei kwsa kotorma khe rwjak kha.

JIRIMIA 14:19

Nwng Judano yakarwi da rw súk lang? Nwng Siyonno bwkha bai khe da naisler si? Nwng tamni bagwi ba chwngno ham phlai ya tẃi kheba swprak lang? Chwng tong kwchangno khatungwi tongmani, hai phano chini hamkrai se wng li ya; hamnani khatungmani abo se sundrumung se man si-o.

JIRIMIA 8:22

Giliado ba tamo bithi kwrwi da? Aro ba sak nainai kwrwi kha da? Hakhe tamni bagwi ani bororokni sak ham phi li ya wng lang?

JIRIMIA 9:18

Bórok dakti phaiwi chini bagwi kapsimang kapmung cheng thung hakhe chini mokolni muktwi thop-thop khe klainai, tei chini muktwi kupulung khe yornai.

KAPSIMANG KAPMA 1:12

“Ani gana tẃi lái phainai norokni thani le omo mungsa phano ya de? Naiwi nai di, Subraiyung belai khe jolimani salo ang sátokma swk khe tei sátokjaknai da tong?

ESEKIEL 32:31

Ijipni habugra Pharao tei bini sengkrakrok choba-o butharjaknairokno nuk khe bini butharjak bainai a bororok bai sengkrakrokni bwkha kwchangjaknai, hwnwi Subraiyung Kaitor sa-o.

DANIEL 9:12

Nwng samani haino chini saka tei tẃiphangrokni saka-o tei kubun harokni slái teibo kirimasingcha khe klai kha. O ha saka-o Jerusalemno sátokmani hai tei kaisabo khlaijak ya kho.