KAPSIMANG KAPMA 2:10 - Kok Borok (Re-edited) Bible (BSI)

¹⁰ Siyonni sajwkni okra chakrarok ha-o siring siring khe achuk kha; bórok khorogo hadlwi phulwi solani rí kano; Jerusalemni bwrwi siklarok bórokni bokhorok ha-o súkpáiwi tong lai-o.

KAPSIMANG KAPMA 2:10 Iomraidhean Croise

2 SAMUEL 13:19

Tamar bini bokhorogo thapla phul kha, bini kanma ríno sichigwi yak bai mwkhang kholobwi kabwi nongkhorwi tháng kha.

JISAIA 15:3

Bororok rí soroi kanwi lamarogo tong laijak; kamiyungni lamprarogo tei núkhúngo kasaui kap laijak tei mokolni muktwi yor laijak máng.

JISAIA 3:24

Hakhe thok motom wng thani mwnam se wngnai, changni rí kha thani dwkhwi se khanai, naithok khnai kháljak wng thani khorok thunta se wngnai; naithok rí morok tẃi thani rí soroi se wngnai; tei naithok tongmani se lachimung se wngnai.

JISAIA 3:26

Hakhe bini dugayungrok bebak kapsimang kap lainai tei bo sichi-lala wngwi ha-o achuk anw.

JISAIA 36:22

Ulo Hilkiani bwsla bugrani nokni tangkra Eliakim, Sebna swinaisa bai Asapni bwsla láibuma swinai Joa sak sakni rí sichigwi Hejekiani gana-o phaiwi Rabsakeni kókrokno bono sa kha.

JISAIA 47:1

O kwthar siklajwk, Babilonni sajwk, ongkhorwi phaiwi hadlwi-o achuk phai di, o Kolodiani sajwk, achukthayung kwrwi, ha’-ono achuk di; tamni hwn khe bororok nono tei naithok, tei tẃilwlwk hwnwi ring glak.

JISAIA 47:5

O Kolodiani bwsajwk, siring siring khe achuk di, tei mwnakma-o thángwi tongwi di; tamni hwn khe nwng tei hani bubagrajwk hwnwi ringjak glak.

JIRIMIA 8:14

Tamo wngwi chwng oro haino achugwi tong lai? Thansa khe thumjak di! Phai di chwng babek’-no a kamiyung kwrago thángwi thwiwi pái lai anw! Subraiyung chini Kaitor chwngno thwi bai thung hwnwi hwn kha tei chwngno bis nung thung hwnwi rw kha. Tamni hwn ba chwng bini thani sumsok khlai kha.

KAPSIMANG KAPMA 1:1

Salsa kamiyung borok bai kupulung tongmani tini bwswk se siring sorok! Bo salsa dopharokni bisingo kotor wngwi tongma se bo tabuk bwswk khe randijwkma hai ma wng kha! Bo salsa angkorrokni bere habugrani sajwk hai tongmani tabuk khe seleng hai wng kha.

KAPSIMANG KAPMA 1:4

Siyonni lamarok swlwgwi kabo, tamni hwn ba ter khlaina bagwi khoroksa phano aro phai li ya gwja; aboni dugayungrok khibijak bái kha, bini ochairok kengai lai-o; bini bwrwi siklarok bwkha yokjago tei bwkha nangjagwi kap lai-o.

KAPSIMANG KAPMA 3:28

Subraiyung se bono abo rw-o, aboni bagwi bo siring siring khe achugwi tongthai,

KAPSIMANG KAPMA 4:16

Subraiyung baithang se bórokno piring-poroi khlai-o, bo bórokno tei naikhlai glak kha; ochairok bórom phunukjak ya okra-chakrarokbo sak nangjak ya.

KAPSIMANG KAPMA 4:5

Salsa chámung kaham chánai-nungnairok se tabuk lama jangalrogo se hángchaui tong si-o; rí morok chaksru-sru kannai-chumnairok se tabuk burung khe botok-botok thapla-o se klai tong si-o.

KAPSIMANG KAPMA 5:12

Habugrani tangphang okrarok yak khaui tonjak bái kha; okra-chakrarokbo bórom rwjak bai li ya.

KAPSIMANG KAPMA 5:14

Okra-chakrarok kamiyungni dugayungo achuk phai li ya, siklarokbo khnathok tammungrok tam li ya.

ESEKIEL 27:30

Bórok nini bagwi chirigwi kap lai kha; bórokni bokhorogo hadlwi phul lai kha tei thapla saka-o goirok lai kha.

ESEKIEL 27:31

Bórok nini bagwi bokhorok siljaknai tei rí soroi kan lainai; bórok bwkha nangwi nini bagwi kap lainai.

ESEKIEL 7:18

Bórok rí soroi ma kan bainai tei kirima hapjak bainai, bórok joto ma lachi bainai tei bórokni bokhorok siljak bainai.

JOEL 1:8

Bwrwi sikla káijakna hwnwi tongma chwla thwijagwi, rí kichik kanwi kap tẃi khe kap di.

AMOS 5:13

Aboni bagwi siyan kwrwng borok khe abo hai jora-o siring siring tongo; tamni hwn ba jora le hamya ba.

AMOS 8:13

“A salo naithok-naithok bwrwi sikla chwla sikla kangjagwi lengnai.

AMOS 8:3

A salo noktharni rwchap laimarok kap laima se wng anw,” hwnwi Subraiyung Kaitor sa-o; “Mang kwthwirok kwbángma wngnai; aro-uro bórok siringcha khlaijaknai.”

JONA 3:6

Ninobini habugra a kók khna khe bo bini achukthayungni bachaui bini kanmung-chummung khuk kha tei, rí kichik kanwi thapla phul kha.

JOSUA 7:6

Hakhe Josua bini rí sichigwi Subraiyungni swmai bokhokni bwskango ha-o sanja jora-o pwtapsa khe klai tong kha, bo bai baksa Israilni tẃiphangrokbo hai kheno tong lai kha tei bórokni bokhorogo hadlwi phul lai kha.

PHUNUKJAKMANI 18:19

Bórok bokhorogo hadlwi sar lai kha, bórok muisubuk chaui kap laiwi hai hwnwi sa lai kha, “Omai-o! Omai-o! A taun kotor bwswk kirimasingcha! Bo wng kha a taun bini rang-mairok bai’-no rungtor tẃi bepar thwngnairok gwnang wngmani, srapsani bisingo’-no bini bebak’-no kwmajak bai kha!”