KAPSIMANG KAPMA 2:1 - Kok Borok (Re-edited) Bible (BSI)

¹ Kaitor bahai khe jolijagwi Siyonni sajwkno chumui bai kobolwi ton kha! Bo Israilni chẃngsachano nokha sakani ha saka-o khiklai rohor kha; bo jolijakmani salo bini yakung boksa thaino muitu khlai li ya.

KAPSIMANG KAPMA 2:1 Iomraidhean Croise

2 SAMUEL 1:19

Israilni chẃngsacha nini hathái saka-o butharjak kha! Chini bwkha kotor sengkrakrok thwi bai kha!

1 BOSONG 28:2

Hakhe habugra Daud bachaui bórokno hai hwnwi sa kha, “Ani takhukrok tei ani bororok, ani kókno khna di, ang Subraiyungni swmai bokhokni bagwi nok khungsa tei chini Kaitorni yakung berajaknai tangnani muchungo, ang nok tangnani bagwi tiyar khlai bai kha.

LOBMUNG 132:7

“Phai di chwng bo tongmani nogo tháng lai anw; bini yakungo khulum lai anw.”

LOBMUNG 89:45

Nwng bini siklani salno bara rw kha; nwng bono lachimung bai kholop kha. Sela

LOBMUNG 99:5

Subraiyung Kaitorno kuchuk lobsa di; bini yakungo khulum di. Bo wng kha kwthar!

JISAIA 64:11

Chini chuchusong nono lobmani tei chini a kwthar tei naithok nok bebak hór bai kham bai kha tei chini tongthotok bebak harok bái klaijak máng.

JIRIMIA 30:14

Nono hamjaknairok bebakno nono pogwi tháng bai kha: Bórok nini bagwi mungsa nangjak li ya: Kena arino swprakma hai khe nono swprak kha, khá sitra ari hai khe nono sátok kha tamni hwn khe nini sumsok kwbángma, lekha bai man ya.

KAPSIMANG KAPMA 1:1

Salsa kamiyung borok bai kupulung tongmani tini bwswk se siring sorok! Bo salsa dopharokni bisingo kotor wngwi tongma se bo tabuk bwswk khe randijwkma hai ma wng kha! Bo salsa angkorrokni bere habugrani sajwk hai tongmani tabuk khe seleng hai wng kha.

KAPSIMANG KAPMA 1:12

“Ani gana tẃi lái phainai norokni thani le omo mungsa phano ya de? Naiwi nai di, Subraiyung belai khe jolimani salo ang sátokma swk khe tei sátokjaknai da tong?

KAPSIMANG KAPMA 2:17

Subraiyung bini uansuk tẃi’-no khlai kha, bo ragdama sakhlai tẃi’-no khwbo khlai kha; sal kwbángma swkang sama tẃi’-no bo khairokma kwrwi khlaiwi sokomor kha; bo nini kena arirokno nono tẃi tongthok rw kha tei nini kena arirokni phan báng rw kha.

KAPSIMANG KAPMA 4:1

Rangchak bahai khe chwna ya wngwi tháng, aswk kwchẃng rangchak kaham bahai bálai tháng! Kwthar holongrok bebak lamarogo se saharjagwi tong si-o.

KAPSIMANG KAPMA 4:11

Subraiyung bini thamchi tungjakmano tikhlai baisuk kha; bini joliui tungphlamano lukhlai kha, bo Siyono hór phnang kha tei aboni yaphangno sógwi pái bai kha.

ESEKIEL 13:13

Abo bai’-no Subraiyung Kaitor hai hwnwi sa-o, “Ang joliui nokbar kotor rohornai tei uatwi kwbángma phai rwnai, kothor kotormarok klaiwi chokdeualno swbainai.

ESEKIEL 19:12

Hai phano abo joliui phuichajak kha, tei ha-o khiklai rwjak kha. Salkani nokbar bai bini bwthái ranwi tháng kha. bini bedek kwrakrok báiwi thwi bai kha, tei hór bono kham rwui pái kha.

ESEKIEL 24:21

Subraiyung Kaitor hai hwnwi sa-o, ‘Nai di, ang nini phanni yaphangno, mokol bai naina muchungmano; ani háyáno kwthar ya khlainai; tei nwng klangwi thángmani sajwk-sajlasong khe butharjak bainai.

ESEKIEL 30:18

Ang aro Ijipni phanno swbai khe Tapanheso mwnakma wngnai tei bini phanni bagwi kung chukmabo páinai. Bo chumui bai kholopjaknai tei bebak bwsajwksong khaui tlangjak bainai.

JOEL 2:2

a sal wng kha mwnak tei mokjak kosom! Hathái-o mwnakma chumui kobol tẃi khe phan gwnang sengkrakrok phai-o: abórok hai swkango kwrwi kho tei phai tongma molobo abo hai bo wng phi glak.

MATHAI 11:23

Nwng la Kapharnaum! Nwng da chuknoha swk chukna naimani! Nwng morke-o khiklaijak anw! Nini aro ha-o nuk ya samungrok khlaijakma hai Sodomo khlaijakma te tabukbo abo tong kha mun.

LUK SWIMANI KOTHOMA KAHAM 10:15

Nwng la Kapharnaum! Nwng da chuknoha swk chukna naimani! Nwng morke-o khiklaijak anw!”

LUK SWIMANI KOTHOMA KAHAM 10:18

Jisu hai hwnwi sa kha, “Ang Soitanno nokha philikma hai khe nokha sakani klaima nuk kha.

1 SAMUEL 4:21

Tei a bwrwi o chwraino “Ikhabod” hwnwi mung pharwi hai hwnwi sa kha, “Kaitorni chẃngsacha Israilno yakar kha,” tamni hwn ba Kaitorni swmai bokhok tlangjak kha tei bini bwkra bai bwsaibo thwi kha.

1 SAMUEL 4:22

Bo hai hwnwi sa kha, “Kaitorni chẃngsacha Israilno yakar kha, tamni hwn ba Kaitorni swmai bokhok segwi najak kha.”