KAPSIMANG KAPMA 1:9 - Kok Borok (Re-edited) Bible (BSI)

⁹ Ulo tamo wngno abono bo uansuk yaui uaijaui tongmung sitra tongwi bini rígnaino tena khlai kha; bo klaima le belai kirimasingcha, Bono bwkha kwchang rwnai kwrwi kha; bono khoroksabo khakchang rwnai kwrwi. “O Subraiyung, ani digi-sigino naikhlai nai si di, tamni hwn ba kebengnai arirok kwplai wng kha!”

KAPSIMANG KAPMA 1:9 Iomraidhean Croise

2 SAMUEL 16:12

Subraiyung ani o tektono nugwi phano mano tei tini ang swraimung man phano yagulo khe ani kaham khlainai.”

2 HABUGRA 14:26

Tamni hwn ba Subraiyung Israilrokno belai tekto manẃi tongmano nuk kha, aro khoroksa phano bórokno chubanai kwrwi kha.

NEHEMIA 9:32

“O chini Kaitor, nwng bwswk se Kotor, kwmamsingcha tei phan gwnang, nwng nini swmai tangmano kók narwgo, Asiriyani habugra chwngno sátok phuruni simi, tini jora chwng bwswk se sátokma man kha; chini habugrarok, tẃiphangrok, ochairok, tei diyarirok, chini chuchusong, tei bebak bororok, bwswk se sátokma man bai kha.

LOBMUNG 119:153

Ani dukhuno nai di tei ano mwthang ja di, tamni hwn ba ang nini kerongno pok ya.

LOBMUNG 140:8

O Subraiyung, borok hamyarokni muchungmano ta wng rw ja di; bórokni uansukma hamyano ta cha rw di. Sela

LOBMUNG 25:18

Ani dukhu bai ani samano naikhlai ja si di, tei ani bebak sumsokrokno nakar ja si di.

LOBMUNG 69:21

Bórok ano chámung rw thani thwijaknai manwi rw kha, ang twi kang phuru khe ano kwkhwi-mecher nungna rw kha.

LAM RWMA 3:17

tei ang kók rw kha, ‘Ang norokno Ijiprokni aro sátokjakmani yakni phiyógwi Kanansarokni, Hitisarokni, Amorsarokni, Peressarokni, Hibisarokni tei Jebussarokni ha-o tlangwi thángnai, a ha dut tei piya bwtwi bai kupulung.’ ”

LAM RWMA 3:7

Hakhe Subraiyung hai hwnwi sa kha, “Ang ha Ijibo tongnai ani bororok sátokjakmano nuk kha, bórokni samung tang rwnairok bai sátokjagwi kap laimano khna kha. Ang bórokni tektono si-o.

LAM RWMA 4:31

Hakhe bororok poito khlai lai kha tei Israilrokno Subraiyung naikhlai phi kha tei sátokjakmarok nuk lang kha hwnwi khna kheno bórok khorok bomson lai khulum lai kha.

PHRWNGNAINI 4:1

O ha saka-o bebak sátok-pitok wngmaroknobo ang nuk kha, kusupjaknairokni muktwino naisik di, bórokno bwkha kwchang rwnai khoroksa phano kwrwi! Bórokno sátoknairokni phan kwbángma tongo.

JISAIA 3:8

Bórokni khúk bai tei samung bai khe Subraiyungno bini chẃngsachani bwskangno kebeng kha, aboni bagwi Jerusalem thutaiwi klai kha tei Juda khe klaiwi tháng kha,

JISAIA 37:17

O Subraiyung, khunju kaichomwi khna ja di; O Subraiyung mokol phiyógwi naisik ja di; kwthang Kaitorno lachi rwna bagwi Senacherib kók sa hormarokno khnaui nai di.

JISAIA 37:23

nwng sabono lachi rwui tong? Sabono kebengwi tong? Sabono kebengwi khorang chirigwi tong? Tei kung chugui saka-o naisaui tong? Israilni kwthar kukno se kebengo hai ya da!

JISAIA 37:29

Tamni hwn khe nwng ano kebengma tei ano jolimani kók ani khunju-o klai kha, aboni bagwi ang nini bukungo bosoi biching bai khe kwcha rwnai tei nini búkhúgo jing thepanai tei nwng phaimani a lama tẃi’-no nono kiphil rwnai.”

JISAIA 37:4

Asiriyani bugra kwthang Kaitorno lachi rwna bagwi rohorjaknai Rabsakeni kók samarokno Subraiyung nini Kaitor khna khwna tei Subraiyung nini Kaitor khnama hai kheno bo’-bo kulnai; aboni bagwi tabuk jora a tong rwknairokni bagwi nwng suri san di.”

JISAIA 40:2

Jerusalemni lukurokno kwchang kwchang khe kók sa di tei bórokni thani kókno sakhlai di, bórokni chobani jora pái súk kha, tei bórokni cha yarok nakarjak kha, sumsokrokbo nakarjak súk kha.

JISAIA 47:7

Nwng hai hwnwi sa kha, “Ang mol brúmni bagwi bubagrajwk wngnai,” aboni bagwi’-no nwng omorokno bwkha-o chu-ui ton li ya, eba bórokni páithago tamo wngno uansuk li ya.

JISAIA 51:19

O mungnwi nini sago nang phai kha. nwng bai baksa sabo khá khamnai tong? Bukcha khlaijakma tei swbaijakma, asari tei seng; sabo nono khá kwchang rwnai?

JISAIA 54:11

“O dukhu manjak, bangkundri bai swprakjak, tei khakchangma kwrwi wngwi tongnai; nai di, ang nini kamiyungno naithok bumulni holong bai khe tisa phinai, tei saphir holongthai bai nini thongla káinai.

JIRIMIA 13:27

Ang nini selengmasingcha samungno nuk kha, nini uaijamano tei sak motókjakmano, lachima kwrwi khe hatháirogo kamirogo sak phalmano nuk kha. O Jerusalem nwng bwswk se hamya sitrano! Nwng tei bwswk kwthar ya khlaiwi tong sinai?

JIRIMIA 16:7

A thwiwi thángnairokni bagwi kapnairokno khakchang rwnani bagwi khoroksa phano chámung hadinairok tong glak; bórokni buma-buphano bwkha-o khanmung khan rwui bwkha methepnai khoroksa phano tong glak.

JIRIMIA 2:34

Nini rírogobo bigra kosongrokni thẃi nangjak; bórokno sikhok hap phaima bo nuk ya. Omo hairokni bisingo bo

JIRIMIA 48:26

Norok bono chuak phek rw di, tamni hwn khe bo Subraiyungno kebengwi sakno kotor khlai-o, aboni bagwi Moab bini kwbatwi-o goirok anw tei bo’-bo buini mwnwimung wng anw.

JIRIMIA 5:31

Diyarirok tatal khe kók diyari sa-o tei ochairok diyarirok dagima haino tẃithero, phiya ani bororokbo omo haino’-no hamjago. Phiya ba páithago norok tamo khlainai?

JIRIMIA 50:29

“Norok badukhung koknairokno tei badukhung thonnairokno Babilonno kebeng di, bono gerep di; khoroksano phano ta phiyók di. Bini samung khlaima tẃi’-no bono su-ui rw di, bo khlaima tẃi’-no bonobo khlai di, tamni hwn ba bo Israilni kwthar Subraiyung Kaitorno sak nang ya wngwi kebeng kha.

KAPSIMANG KAPMA 1:17

Siyon bini yak pholoksa-o, tamo khe khoroksa phano bono bwkha methepnai kwrwi; Jakobni arini bororok Jakobno kebengwi bachaui bini kena ari wng thung hwnwi Subraiyung dagiui rw kha; Jerusalem bórokni thani kaisa kwthar ya manwi hai wng kha.

KAPSIMANG KAPMA 1:21

“Ang bahai khe kengai kha khna di; ano bwkha methepnai khoroksa phano kwrwi; ani kena arirok ani jwngjalni kókrokno khna kha; nwng khlaimano nugwi bórok tongthokjago. Nwng kók sakhlaima tẃi a salno sók phai rw si di, tei bórokbo ang manjak tẃi khe manjak thung.

KAPSIMANG KAPMA 2:13

O Jerusalemni sajwk, ang nini bagwi tamo sanai, tamo bai nono su-ui mannai? O Siyonni bwrwi siklajwk, ang nono bubo hai khe saui bwkha kwchang rw sinai? Nini kwsa le twijlang swk tor laha sabo nono ham rwui man sinai?

KAPSIMANG KAPMA 4:1

Rangchak bahai khe chwna ya wngwi tháng, aswk kwchẃng rangchak kaham bahai bálai tháng! Kwthar holongrok bebak lamarogo se saharjagwi tong si-o.

KAPSIMANG KAPMA 5:1

O Subraiyung, chini saka-o bwswk tamo klai kha naiwi nai si di; chini lachimasingcharokno naiwi nai si di!

HOSEA 2:14

Aboni bagwino, tabuk ang bono phemlogwi hasinglwngo tubu anw tei kók kwchang sa anw.

JAPHANIA 2:10

Bórok kung chukmani bagwi o manthaino mannai, tamni hwn ba bórok Phankrak Subraiyungni bororokno thesra kari lai kha tei bórokno kebengwi sakno kotor khlai lai kha.

JOHON 11:19

hakhe Judairok kwbángma Mariam bai Marthano bórokni takhuk thwimani bagwi khá kwchang rwna phai kha.

UÁINWINI SA PHIMA 26:7

Hakhe chwng Subraiyung chini chuchusongni Kaitorni thani kap lai kha tei Subraiyung chini khorangno khna kha, chini sátokjakmano, chwng panjalwi ma tangmano kusupjakmarokno nuk kha.

UÁINWINI SA PHIMA 32:27

Phiya ba, ang kirima khe arirokni thamchino se, bórokno kebengnai bororok da kók kotor sa langno; ulo bórok hai hwnwi sa lainai, “Chini yak bai se chwng kwplai wngo, o samungrok Subraiyung khlaimani wng ya.” ’

UÁINWINI SA PHIMA 32:29

Bórok sinai wng khe se romwi man kha mun, bórokni páithago tamo wngno saui man kha mun;

1 PITOR 4:17

Buj thumnani jora sók phai kha, phiya Kaitorni bororok’-no swkang buj thumjaknai. Chwng suda buj thumjak khe Kaitorni aroni Kothoma Kahamno poito khlai yarokni tamo wngno?

1 SAMUEL 1:11

Hakhe bo swmai tangwi hai hwnwi sa kha, “Sengkrakrokni Subraiyung!Nini selengjwk, ano naikhlai ja di, ani tektono naiwi ano muitu khlai ja di, ano ta pok ja di! Nwng ano bwsa chwla khoroksa rw khe, ang swmai tangwi sa-o, ang bono kwthang tong sak Subraiyungni thani yapharnai teibo bwkhnai bo rajak glak.”