KAPSIMANG KAPMA 1:8 - Kok Borok (Re-edited) Bible (BSI)

⁸ Jerusalem belai sumsok kotor khlai kha aboni bagwi bo buini mwnwimung se wng si-o; bono bórom khlainairok bono khibi kha, tamni hwn ba bórok bono sak srwng srwng bukcha khe nuk kha; bo baithangbo kengai-o, tei mwkhang hui kha.

KAPSIMANG KAPMA 1:8 Iomraidhean Croise

YAPHANG 3:7

Aphuru khe khoroknwini mokol’-no kiyok kha, hakhe bórok sak lánga hwnwi saui man lai kha; hakhe bórok khwichang bwláirokno subui sakno ból lai kha.

1 HABUGRA 9:6

“Phiya nwng eba nini bosongrok ano rwktharma thak khe tei nwng ang rwmani kerongrokno tei dagimarokno khna ya hwn khe tei kubun mwtairokno khulum khe,

1 HABUGRA 9:7

hakhe ang ani borok Israilrokno ang bórokno rwma hani nornai. Ang surijakna bagwi tangjakma tei ang kwthar khlaima-o noktharnobo ang yakarnai. Ha gwnangwini bororok Israilno mwnwi lainai tei muchung tẃi’-no thwng bainai.

1 HABUGRA 9:9

Bororok hai hwnwi sa anw, ‘bórokni Subraiyung Kaitor bórokni chuchusongno Ijipni tikhlaiwi tubunaino yakarma bai se abo hai wngo. Bórok bórokni bokhorok tei kubun mwtairokni thani khá bera kha, aboni bagwino Subraiyung bórokno omo hai digi-sigi manjak rw-o.’ ”

JISAIA 47:3

nini sago rí kwrwi nukjaknai tei nini lachimung phunukjaknai, ang yagul sunai, tei khoroksano phano phiyók glak.

JIRIMIA 13:22

Tumungno nwng nini bwkha bisingo; “Ani ba tamo omo tẃirok wng lang?” hwnwi hwn khe, omo khe nwng belai khe cha ya khlaima bagwi se, nini rírok chikhagwi rwjago tei romphre-sophre khlaijago.

JIRIMIA 13:26

Ang sakphang se nini kanma ríno mwkhang jora khukchaui rwnai tei nini lachimasingchano phunuknai.

JIRIMIA 15:4

Ang bórokno haktorni joto dophani thani kirimasingcha khlainai tamni hwn khe, Judani habugra Hejekiani bwsajla Manase Jerusalemo hamya samung khlai kha.

JIRIMIA 24:9

Ang bórokno ha gwnangwini bwskango kirimasingcha, lachimasingcha khlainai tei ang riphrigwi rohorma ha-o bórokno selengmasingcha mwnwi kothok tei swraimung nangjaknai khlainai.

JIRIMIA 32:23

tei bórok o ha-o habwi abono yago na kha. Phiya ba bórok nini kókno khna li ya tei nini kerongno tẃi li ya; nwng khlai di hwnwi dagimarokno bórok mungsa phano khlai li ya. Aboni bagwi nwng bórokni saka-o o hamyarokno tubu kha.

JIRIMIA 34:17

Aboni bagwi Subraiyung hai hwnwi sa-o: Norok ani kók khna li ya gwja; norok norokni takhuk tei nok arirokno yókjak hwnwi sakhlaimano kók narwk li ya. Hakhe ang tabuk norokno choba-o, bemuk hamya-o tei asari-o phiyógwi rw kha, hwnwi Subraiyung sa-o. Ang norokno hayungni bebak bororokni thani kirimasingcha khlai anw.

JIRIMIA 4:31

Ang sak kengna phuru bwrwi khoroksa kap ma hai khna-o, swkang bwsa okra achaina phuru bini ok saui kengaima hai khna-o. Siyonni bwrwima rangma kolok khe kapma hai tei bini yak phologwi kap tẃi khe khna-o, “Ang kwrwi súk kha! Ang butharnairokni bwskango lengwi thángo.”

JIRIMIA 6:28

Bórok bwkha kwrak, kebengnairok, kók khna ya, bórok pitol tei sor kwrak hai. Bórok bebakno samung hamya tango.

KAPSIMANG KAPMA 1:11

Bini joto bwsarok kengaiwi chámung naituk lai-o; bórok chámung cháui phan khanani bagwi bórokni manwi kahamrokno phal lai-o. O Subraiyung nai di, ang bwswk se chúk ya wng kha.

KAPSIMANG KAPMA 1:17

Siyon bini yak pholoksa-o, tamo khe khoroksa phano bono bwkha methepnai kwrwi; Jakobni arini bororok Jakobno kebengwi bachaui bini kena ari wng thung hwnwi Subraiyung dagiui rw kha; Jerusalem bórokni thani kaisa kwthar ya manwi hai wng kha.

KAPSIMANG KAPMA 2:10

Siyonni sajwkni okra chakrarok ha-o siring siring khe achuk kha; bórok khorogo hadlwi phulwi solani rí kano; Jerusalemni bwrwi siklarok bórokni bokhorok ha-o súkpáiwi tong lai-o.

KAPSIMANG KAPMA 4:21

Ha Ujo tongnai o Idomni sajwk, khápang srangwi tongthok di; tamo khe nonobo a khuri rwjaknai; nwng pheknai tei kanmung-chummung kwrwi srwng-srwng ma wngnai.

ESEKIEL 23:29

Bórok nono belai naislerma bai khe samung tangmani tei nwng baithang tangwi ajimarokno segwi na bainai. Tei nono sago rí kwrwi khe bukcha khe klangwi thángnai. Nwng sak phalmani dak-dak khe nukjaknai tei sak lánga khe sijaknai, nini samung hamya tei sak phalma-o mungnwnwi’-no nukjaknai.

ESEKIEL 23:46

Tamni hwn khe Subraiyung Kaitor hai hwnwi sa-o, “Bórokno sátokna bagwi tei butharna bagwi lukurokno ringwi tubu di.

ESEKIEL 39:23

Israilrok ani thani-o sumsok khlaimani bagwi buini ha-o khaui tlangjak bai kha hwnwi dopharok saui mannai. Hakhe ani mwkhang uphilwi bórokni arirokni yago bórokno yaphar kha tei bórok choba-o butharjak bai kha.

HOSEA 2:10

Tabuk ang bono bini hamjakma chwlarokni bwskango kharak-kharak khe lachimung rwnai, khoroksa phano bono ani yaphani phiyógwi man glak.

HOSEA 2:3

Ang bini rí khengwi bo achai phuruni hai khe sak lánga khlainai, bono hasinglwngo tonma hai khe twi kwrwi khe tonwi twi kang rwui butharnai.

PHUNUKJAKMANI 3:18

Aboni bagwi ang nono hai hwnwi sa-o, gwnang wngna bagwi ani thani sói rangchak pai di. Kanna bagwi ani thani rí kuphurbo pai di, hakhe nini lachimasingcha bwsak kholop di. Nini mokolo rwna bagwi mokol nukna tẃi khe ani thani bithibo pai di.

1 SAMUEL 2:30

Abo bai’-no Subraiyung Israilni Kaitor hai hwnwi sa-o, ‘Nini núkhung, nini bosong se mol brúmni bagwi ani ochai wngnai,’ hwnwi swmai tangmani, phiya ba tabuk ang Subraiyung sakhlai-o; ‘Ang bai hakchalo tong thung! tamni hwn ba ano bórom khlainaino se angbo bórom khlai-o, ano sak nang yarokno angbo sak nang glak.