KAPSIMANG KAPMA 1:5 - Kok Borok (Re-edited) Bible (BSI)

⁵ Bini kena arirok bini bugra wng kha, bono kebengnai arirok hamcha-o chasa-o, tamni hwn ba Subraiyung bono bini sumsok kwbángmani bagwi digi-sigi-o khiklai kha; bini bwsarokno bini kena arirok romwi tlangjak bái kha.

KAPSIMANG KAPMA 1:5 Iomraidhean Croise

2 HABUGRA 21:15

Tamoni hwn ba bórok ani mokolo sumsok khlai bai kha tei bórokni chuchusong ha Ijipni yógwi phai phuruni simi tini jora ano belai khe joli rw bai kha.”

LOBMUNG 80:6

Nwng chwngno chini arini dopharokni thani sak nang ya khlai kha; chini kebengnai arirok bórok kiching bórok mwnwi lai-o.

LOBMUNG 89:42

Nwng bini kebengnai arirokni yagra yakno tisa kha; bini bebak kebengnai arirokno tongthok rw kha.

JISAIA 22:5

Omo tabuk phunukjakma harungo Subraiyung sengkrakrokni Kaitor bai tekto rwjakma, káduljakma tei buma man ya khlaijakma jora. Chini kamiyungni chokdeualrok tabuk swbaina bagwi tangjagwi tongo tei hatháirokno naharwi kabwi chirik laijak.

JISAIA 63:18

Nini kwthar bororok kwthar háyáno manmani jora kisa si kho; chini arirok nini háyáno yakung bai kádul bai kha.

JIRIMIA 10:20

Ani ríni nok chila-phila wng kha tei ani joto buduk choui tháng bai kha; ani chwrairok ani aroni thángwi pái kha, bórok tei kwrwi kha; khoroksa phano ani ríni nokno tei uáisa swngnai tei ani rí swngmano jai khlainai kwrwi kha.

JIRIMIA 12:7

Ang ani nok-núkhung yakar kha, ani hukumu-mukumurokno khibi kha; ang ani hamjakma kháchúksano bini kebengnai arirokni yago yapharwi rw kha.

JIRIMIA 23:14

“Phiya Jerusalemni diyarirokni bisingo, ang teibo selengmasingcha samung hamya khlaima nuk kha: Bórok chwla-bwrwi uaijanai wngo tei tatal sa lai-o; khoroksa phano samung hamyani kiphilwi phai man ya tẃi khe samung hamya khlainairokno bórok phan rw-o; bórok bebakno ani thani Sodom hai tei aro tong bainairok khe Gomora hai wng bai kha.”

JIRIMIA 39:9

Hakhe mwrwknai sengkrak okra Nebujaradan kamiyungo tong rwk bainai bororokno bono khibiui thángnai bororokno tei kubun tong rwk bainai bororokno Babilono khaui tlang bai kha.

JIRIMIA 5:29

Omo hairokni bagwi ang bórokno majra rw glak diba? Tei ang omo hairokni bagwi o dopharokno yagul su glak diba? hwnwi Subraiyung sa-o.

KAPSIMANG KAPMA 1:16

“Omorokni bagwi ang kabo; mokolni muktwi kochok kha; ano bwkha bacha rwui bwkha methepnai ang bai chal kha; ani bwsarokbo khibijak bái kha tamni hwn ba kena arirok se kwplai wng kha ba.”

KAPSIMANG KAPMA 1:18

“Subraiyung bujsói khlainaisa, ang bini kókno kebengjak kha; o bororok khna di, ani tektono nai di; ani chwla siklarok tei bwrwi siklarok buini ha-o khaui tlangjak bái kha.

KAPSIMANG KAPMA 1:8

Jerusalem belai sumsok kotor khlai kha aboni bagwi bo buini mwnwimung se wng si-o; bono bórom khlainairok bono khibi kha, tamni hwn ba bórok bono sak srwng srwng bukcha khe nuk kha; bo baithangbo kengai-o, tei mwkhang hui kha.

KAPSIMANG KAPMA 2:17

Subraiyung bini uansuk tẃi’-no khlai kha, bo ragdama sakhlai tẃi’-no khwbo khlai kha; sal kwbángma swkang sama tẃi’-no bo khairokma kwrwi khlaiwi sokomor kha; bo nini kena arirokno nono tẃi tongthok rw kha tei nini kena arirokni phan báng rw kha.

KAPSIMANG KAPMA 3:46

“Chini bebak kena arirok chwngno naisigwi mwnwi lai kha;

ESEKIEL 9:10

Tei angbo bórokno nai li ya tei khábo khairok glak, phiya bórokni samungno bórokni bokhokrok saka-o klai rwnai.”

ESEKIEL 9:9

Hakhe bo ano hai hwnwi sa kha, “Israilrok bai Judani bororokni sumsok belai khe báng kha, borok buthar laimani bai ha kupulung wngjak tei kamiyungo samung sitra bai se kupulung. Bórok sa lai-o, ‘Subraiyung hano yakar kha tei naisigwi nai li ya.’

UÁINWINI SA PHIMA 31:29

Tamni hwn khe ang saui mano, ang thwimani yagulo norok uáisa bai’-no tong sitra wng bainai tei ani dagimani phérwi lama koró bai anw tei abo tẃi jora phaiwi sók phai anw, norokni hamya máng wng anw, tamni hwn khe norokni yak baithangni samungrokno Subraiyungno joli rw anw.”