KAPSIMANG KAPMA 1:4 - Kok Borok (Re-edited) Bible (BSI)

⁴ Siyonni lamarok swlwgwi kabo, tamni hwn ba ter khlaina bagwi khoroksa phano aro phai li ya gwja; aboni dugayungrok khibijak bái kha, bini ochairok kengai lai-o; bini bwrwi siklarok bwkha yokjago tei bwkha nangjagwi kap lai-o.

KAPSIMANG KAPMA 1:4 Iomraidhean Croise

JISAIA 3:26

Hakhe bini dugayungrok bebak kapsimang kap lainai tei bo sichi-lala wngwi ha-o achuk anw.

JIRIMIA 10:22

Khna di kóknathong! abo phai kha nai di! Judani kamiyungrokno sokomornani tei pheuangrokni hakhor khlaina bagwi abo salgra bwkhakni khorang kotor khe kutuksaui phai-o.

JIRIMIA 14:2

Judarok bwkha khamjak tei bórokni dugayungo lengpra laijak; bórok mogwi ha-o goirok lai-o tei Jerusalemno chiri-mokorok wng laima khna-o.

JIRIMIA 9:11

Ang Jerusalemno kwbai burung khlainai, siyalrokni tongthai khlainai, tei Judani kamiyungno aswk khe swbainai aro bororok tei tongwi man glak.

KAPSIMANG KAPMA 1:21

“Ang bahai khe kengai kha khna di; ano bwkha methepnai khoroksa phano kwrwi; ani kena arirok ani jwngjalni kókrokno khna kha; nwng khlaimano nugwi bórok tongthokjago. Nwng kók sakhlaima tẃi a salno sók phai rw si di, tei bórokbo ang manjak tẃi khe manjak thung.

KAPSIMANG KAPMA 5:13

Sikla chaslokrokno juraboli khe gom phere rwjak kha; tei chwrairokno khe bol motha tẃi rwui yapri bel rw kha.

KAPSIMANG KAPMA 5:14

Okra-chakrarok kamiyungni dugayungo achuk phai li ya, siklarokbo khnathok tammungrok tam li ya.

HOSEA 2:13

Bo Bal mwtairokno barogwi satrai sógwi tei sakno yasitem tei gwina-ganthirok kanwi naithok rwui ano pogwi bini hamjakma chwlarokni utung utung wngma bagwi ang bono sátoknai.

LEBI 26:22

tei ang norokni aro bolongni mal-matarokno rohornai abórok norokni bwsarokno bangkhárnai tei nini nokni mal-matarokno dera rwui sokomorwi abórokno báng tha ya khlai páinai, hakhe se nini lama lamtwngrogo borok kwrwi wngnai.

MIKA 3:12

Aboni bagwi Siyon haphar chuaijak tẃi khe chuaijaknai; Jerusalem khe swbaiwi rúngjak wngnai tei hathái sakani nok khe buphang bwlwng wngnai.