KAPSIMANG KAPMA 1:3 - Kok Borok (Re-edited) Bible (BSI)

³ Judabo buini ha-o khaui sátok-pitok khe seleng snamjakna bagwi tlangjak kha; bo tabuk buini dopharokni bisingo ma tongwi kha, tei bini lenglathai se kwrwi kha; bono riphriknairok bini birmanni jora-o bono choprogwi sekpro kha.

KAPSIMANG KAPMA 1:3 Iomraidhean Croise

2 HABUGRA 25:11

Tei Nebujaradan sengkrak bokhorokno mwrwknai bebak kamiyungo yógwi tong rwk bainai bororokno, samung tang kwrwngrokno romwi Babilono tlang bai kha.

2 HABUGRA 25:21

Hamatni amchoi-o aro habugra bórokno bu baiwi aro’-no buthar bai kha. Hakhe Judani bororok bórokni hani khaui buini ha-o tlangjak bai kha.

2 HABUGRA 25:4

Hakhe kamiyungni chokdeual swbai lai kha, habugra bini sengkrakrokno tẃiwi horni bisingo’-no bini khumulwng ganani kwnwi kwchar tẃi khe Babilonsarok kitingwi kasu-ui tongmani bising tẃi khárwi tháng lai kha, bórok bebak Araba harung tẃi khe khár lai kha.

2 HABUGRA 25:5

Babilonni sengkrakrok Jedekiano riphrik lai kha tei bono Jeriko-o rom lai kha, bebak Babilonni sengkrakrok bono khibiui khár bai kha.

JIRIMIA 13:19

Negebni kamiyungrok muthupjak, khoroksa phano aboni duglam phiyóknai kwrwi kha; joto Judarok buini ha-o khaui tlangjak bai kha, jotono khaui tlangjak bai kha.

JIRIMIA 16:16

Ang tabuk kwbángma a romnairokno rohor anw tei bórok bórokno romwi anw hwnwi Subraiyung sa-o; aboni yagulo khe kwbángma poluanrokno hatháirokni tei holongdap beserrokni bórokno romwi tubu-ui phai anw.

JIRIMIA 24:9

Ang bórokno ha gwnangwini bwskango kirimasingcha, lachimasingcha khlainai tei ang riphrigwi rohorma ha-o bórokno selengmasingcha mwnwi kothok tei swraimung nangjaknai khlainai.

JIRIMIA 39:9

Hakhe mwrwknai sengkrak okra Nebujaradan kamiyungo tong rwk bainai bororokno bono khibiui thángnai bororokno tei kubun tong rwk bainai bororokno Babilono khaui tlang bai kha.

JIRIMIA 52:15

Hakhe mwrwknai sengkrak okra Nebujaradan karwi klangjak bigra kuk bororokno tei kamiyungrogo khibiui klangjakrokno Babilonni habugrani thani klangjakrokno tei samung kwrwngrokno khaui tlang bai kha.

JIRIMIA 52:8

Phiya ba Kolodiani sengkrakrok habugrani utung-utung khabrumwi thángwi Jerikoni harungo thángwi Jedekiano rom kha, aboni bagwi bini bebak sengkrakrok bini ganani piring-poroi wngwi tháng bai kha.

KAPSIMANG KAPMA 2:9

Bini dugayungrok baiwi ha-o kwlwk kha; bo bini thonglarokno swbaiwi khibi kha; bini habugra tei bwsarok buini dophani bisingo khaui tlangjak kha; kerongrokbo kwrwi kha, bini diyarirok Subraiyung bai imang-mukthangbo phunukjak li ya.

KAPSIMANG KAPMA 4:15

Bororok bórokno, “Hakchal wng di, kwthar yarok! chal di! chal di! Chwngno ta tang di!” hwnwi chirigo. Hakhe bórok orondi chaui berainai wng kha; Dopharok bórokno “Bórok oro tei tongwi man glak” hwnwi sa lai-o.

KAPSIMANG KAPMA 5:5

Chini bangora-o horbak boksajak khe chwng him rwjak kha; chwng hángchaui leng kha, lengla rwjak li ya.

ESEKIEL 5:12

Thupthamni thupsa bororok hamya klaiwi ma thwi bainai tei ma chá ya ma nung ya khe ma thwi bainai; tei thupsa khe chokdeualni phataro seng bai tantharjak bainai tei thupsa khe nokbar bai khe oroi-poroi khlaijak bainai tei seng bórokno rwktharnai.

UÁINWINI SA PHIMA 28:48

Phiya Subraiyung norokno kebengwi norokni arirokno rohor anw, norok bórokno ma monnai. Norok ok khuinai, twi kangnai tei rí kwrwi wngnai, bebakni’-no biyal ma wngnai. Tei bórok norokno sokomor súk ya sakno norokni gwdna-o sorni horbak bal rwui tonnai.