KAPSIMANG KAPMA 1:22 - Kok Borok (Re-edited) Bible (BSI)

²² “Nwng bórokni bebak cha yarokno nuk si thung; hakhe ano ani sumsokrokni bagwi ano khlai tẃi khe bóroknobo khlai si thung; tamni hwn ba ani kengaima báng laha tei ani bwkhabo lengpro súk kha.”

KAPSIMANG KAPMA 1:22 Iomraidhean Croise

LOBMUNG 143:7

O Subraiyung ani sanmano dakti khna ja di; ani bwkha bái laha. Nini mwkhangno ani oroni ta hui ja di, wng ya khe ang hakhoro thángnairok hai wngnai se.

LOBMUNG 79:10

Dopharok tamoni “Buko bórokni Kaitor?” hwnwi sẃngnai, nini selengrokni thwi yormani yagul nwng su-o, chini bwskango’-no bórokno abono saui man thung.

JISAIA 13:7

Aboni bagwi bebakni yakrok kebel wng bainai tei bebak bororokni bwkha twi chanai.

JIRIMIA 10:25

Nono sini ya dopharok tei nini mungwi ring ya dopharokni saka-o nini jolimano lukhlaiwi rw di; tamni hwn ba bórok Jakobno monok kha; tei pái khibi kha, bini tongthairokno bukcha khe khibijak khlai kha.

JIRIMIA 18:23

Hai phano o Subraiyung nwng le bórok ano butharna hwnwi bebak uarai chakmarokno saui mano. Bórokni cha yarokno ta nakar di, bórokni sumsokrokno nini bwskangni hu-ui ta khibi ja di. Nini mokol bwskango’-no bórokno gaija rw di; nwng jolima jora-o bórokno abo hai khlai di.

JIRIMIA 30:16

Aboni bagwi nono monoknairok monokjak bainai, bebak nini arirok, khoroksa kwrwi tẃi khaui tlangjak bai anw, nono dera rwnairok bórok bo dera rwjak anw, nono romnairokno ang romnai.

JIRIMIA 51:35

Ano tei ani jaiti-masarokno sátokmarok haino, “Babilonni saka-o klai thung.” Siyono tongnairok hai hwnwi sa thung, “Kolodiani saka-o ani thẃini bati klai thung, hwnwi Jerusalem sa thung!”

JIRIMIA 8:18

Ani tongthokma kwrwi kha. Ani bwkha khamjak se.

KAPSIMANG KAPMA 1:13

“Bo kuchuk sakani hór khiklai kha; abo ani bekreng bisingo suda thángwi sógwi kha; bo ani lama-o chei swngwi rw kha; bo ano uphil rw kha ano sapung mwlang cha rwui lengsa rw kha.

KAPSIMANG KAPMA 5:17

Omoni bagwi chini bwkhabo thwi kha, chini mokolbo nuktha li ya,

LUK SWIMANI KOTHOMA KAHAM 23:31

Buphang kwthangno se ahai khlai khe kwthwino bahaiba khlaino?”

EPIS 3:13

Ang norokni bagwi sátokjagwi tongma bai norok bwkha ta bái di hwnwi ang koi ja-o; omo bebak norokni kahamni bagwi se.

PHUNUKJAKMANI 6:10

Bórok sotonwi hai hwnwi chirikhók lai kha, “O Kwplaisa Subrai, nwng kwthar, nwng kubui! Swngcharni bororokno nwng buj thumnani bwswk lerno kho? Chini thẃini yagul sunani bwswk lerno kho?”