KAPSIMANG KAPMA 1:21 - Kok Borok (Re-edited) Bible (BSI)

²¹ “Ang bahai khe kengai kha khna di; ano bwkha methepnai khoroksa phano kwrwi; ani kena arirok ani jwngjalni kókrokno khna kha; nwng khlaimano nugwi bórok tongthokjago. Nwng kók sakhlaima tẃi a salno sók phai rw si di, tei bórokbo ang manjak tẃi khe manjak thung.

KAPSIMANG KAPMA 1:21 Iomraidhean Croise

LOBMUNG 35:15

Tamo khe bórok ang yapri kásle phuru khe mw se mwnwi lai si-o, bórok ano kebengwi kwrẃngsa khe kuthum lai kha; sini ya nuk ya dagaitrok ano sachik-sapro khe sek phai kha;

LOBMUNG 37:13

tamo khe Subraiyung borok hamyarokno naisigwi mwnwi anw, tamni hwn ba bo bini bwskango phaiwi tongmani salrokno nugo.

LOBMUNG 38:16

Ang hai hwnwi ma koija-o, “Ang yapri kásleui klai phuru nwng bórokno ano nugwi ta tongthok rw di, kók kotor sa lainairokno.”

JISAIA 14:5

Subraiyung borok hamyarokni lathano swbai kha, ha naikolphangrokni raidangno swbai pái kha.

JISAIA 14:6

Bo thamchi bai bororokno thak yaui yamusung rw-o, bo dopharokno jolima bai khe, khá sitra bai sátogo.

JIRIMIA 30:16

Aboni bagwi nono monoknairok monokjak bainai, bebak nini arirok, khoroksa kwrwi tẃi khaui tlangjak bai anw, nono dera rwnairok bórok bo dera rwjak anw, nono romnairokno ang romnai.

JIRIMIA 48:27

Israil nini mwnwijakmung tongnai diba? Bo sikhokrokni bisingo khopjak ya diba? Norok bono tẃiwi kók sa lai brúmno khorok jangriui tong lai-o hai ya da?

JIRIMIA 50:11

“O ani bebak manwino seknairok, norok tongthogwi tei tongthok súgwi kung chuk lai-o, bwthái bwchlwi nakna phuru musuk chaslok phor-phor khe bársanai hai tei korai chwla hai khorang mecher khe chirik laijak.

JIRIMIA 50:15

Bono kitingwi chobani khorang khna rw di, bo sakno bedok kha; bini katimung thong báiwi klai bai kha tei bini chokdeualrok báikhrup bai kha. Tamni hwn khe omo wng kha, Subraiyungni yagul sumani: norokbo bono aboni yagul su di, bo khlaima tẃi’-no bono bo khlai di.

JIRIMIA 50:29

“Norok badukhung koknairokno tei badukhung thonnairokno Babilonno kebeng di, bono gerep di; khoroksano phano ta phiyók di. Bini samung khlaima tẃi’-no bono su-ui rw di, bo khlaima tẃi’-no bonobo khlai di, tamni hwn ba bo Israilni kwthar Subraiyung Kaitorno sak nang ya wngwi kebeng kha.

JIRIMIA 50:31

“O kung chuknai, nai di, ang nono kebengo hwnwi sengkrakrokni Subraiyung Kaitor sa-o; tamni hwn khe nini a sal phaiwi sók phai kha, o jora’-ono nono ang yagul sunai.

JIRIMIA 51:24

“Borok Siyono hamya khlaimani bagwi ang Babilon tei Kolodiani bororokno yagul sumano norok mokol baithang nuk anw,” hwnwi Subraiyung sa-o,

JIRIMIA 51:49

Israilno butharnairokni bagwi Babilon ma se ma khlainai, bebak hano Babilon butharma bagwi bo ma se ma khlaithai.

KAPSIMANG KAPMA 1:16

“Omorokni bagwi ang kabo; mokolni muktwi kochok kha; ano bwkha bacha rwui bwkha methepnai ang bai chal kha; ani bwsarokbo khibijak bái kha tamni hwn ba kena arirok se kwplai wng kha ba.”

KAPSIMANG KAPMA 1:2

Bo hopung muisubuk chaui kabwi bini khangaro twi yor tẃi muktwi klai-o; bono hamjaknairokni bere khoroksa phano bono bwkha methepnai kwrwi kha; bumarijwksongbo bono bandi kha, bórok bebakno bini kebengnai ari wng kha.

KAPSIMANG KAPMA 1:22

“Nwng bórokni bebak cha yarokno nuk si thung; hakhe ano ani sumsokrokni bagwi ano khlai tẃi khe bóroknobo khlai si thung; tamni hwn ba ani kengaima báng laha tei ani bwkhabo lengpro súk kha.”

KAPSIMANG KAPMA 1:4

Siyonni lamarok swlwgwi kabo, tamni hwn ba ter khlaina bagwi khoroksa phano aro phai li ya gwja; aboni dugayungrok khibijak bái kha, bini ochairok kengai lai-o; bini bwrwi siklarok bwkha yokjago tei bwkha nangjagwi kap lai-o.

KAPSIMANG KAPMA 1:8

Jerusalem belai sumsok kotor khlai kha aboni bagwi bo buini mwnwimung se wng si-o; bono bórom khlainairok bono khibi kha, tamni hwn ba bórok bono sak srwng srwng bukcha khe nuk kha; bo baithangbo kengai-o, tei mwkhang hui kha.

KAPSIMANG KAPMA 2:15

Lama tẃi láinairok bebakno nono naisigwi yapha tam lai-o; bórok Jerusalemni sajwkno nugwi thesra kariui mwnwi lai-o tei bokhorok jangriui sa lai-o, “Omo de a katswi naithok tei hayungni tongthok kuk kamiyung hwnwi hwnjaknai?”

KAPSIMANG KAPMA 2:16

Nini bebak kena arirok nono kebengwi kók sa lai-o; bórok thesra kari lai-o bua hul laiwi hai hwnwi chirigwi sa-o, “Chwng bono monogwi pái kha! Chwng o salno’-no naisingwi tongmani; tabuk khe chwng o salno man laha!”

ESEKIEL 26:2

Borokni sajla, Turni bororok Jerusalemno tẃiwi hai hwnwi sa kha, “O! báiwi pái kha, bororokni bagwi duglam tongmani swbaijak kha. Abo ani se wng si-o, tabuk omo haino bukcha wngjak, ang se hamcha sinai.”

JOEL 3:14

Chongma harungo kwbángma kwbángma! Tamni hwn ba Subraiyung a sátokna harungo phaina sal sampha kha.

PHUNUKJAKMANI 18:6

Bo norokno khlaima tẃi’-no norokbo bono khlai di; bini samung khlaima tẃi’-no bono dobol khe su phi di; Bo norokni bagwi chuak khlaima tẃi’-no norok aboni slái teibo kwprap khe bini khuri supungwi rw di.