KAPSIMANG KAPMA 1:2 - Kok Borok (Re-edited) Bible (BSI)

² Bo hopung muisubuk chaui kabwi bini khangaro twi yor tẃi muktwi klai-o; bono hamjaknairokni bere khoroksa phano bono bwkha methepnai kwrwi kha; bumarijwksongbo bono bandi kha, bórok bebakno bini kebengnai ari wng kha.

KAPSIMANG KAPMA 1:2 Iomraidhean Croise

JOBNI BIJAP 6:15

Tamo khe ani kichingsong le twi tur gwnang twisa hai phemloknai gwja se, abo twi rukung lomsa rwui kochok khlai thángo,

JOBNI BIJAP 7:3

hakhe ang tal brúmno bukcha khe se tonjago, tei hor brúmno ani bwkha khamnani máng se.

LOBMUNG 126:5

Muktwi bai bwchlwi sarnairok tongthokma khorang khlaiwi ma ra thung

LOBMUNG 31:11

Ano kebengnai arirok bai ang hamya hwnjak kha, tei nok arirok tei sinijakrok bai kirijaknai se wng si-o, lamarogo ano nuknairok ani oroni khárwi se thángo.

LOBMUNG 6:6

Swlwkma bai ang belai leng kha; hor horo ani kobong muktwi bai siui kochogo; muktwi bai ani thuyam si-o.

LOBMUNG 69:21

Bórok ano chámung rw thani thwijaknai manwi rw kha, ang twi kang phuru khe ano kwkhwi-mecher nungna rw kha.

PHRWNGMUNG 19:7

Bigrasani takhukrok se bono naislerjak khe, bikichingsong bo bai bwswk se hakchalo thángno? Bórokno ring phano khoroksa khna glak.

JIRIMIA 13:17

Tumung nwng kók khna ya hwn khe nwng kung chukma bagwi ang huijagwi bwkhani muktwi khiklai anw; belai khe kabwi mokolni muktwi yorkhlai rwui kapnai, tamni hwn ba Subraiyungni bororok khajagwi tlangjak anw.

JIRIMIA 2:25

Nini yakungno ta leng rw si di tei nini totrano twi ta kang rw si di. Phiya nwng sa-o, omo mungsa chúk ya! Tamni hwn ba ang sini ya mwtairokno se hamjago tei ang bórokno se ma rwktharnai. Norokni Subraiyung Kaitorno yakarmani bwswk se hamya tei sitra. Norok ano kiri li ya hwnwi kwplaisa Subraiyung Kaitor sa-o.

JIRIMIA 3:1

“Tumungno khoroksa swk bini hikno kagwi rw khe a bwrwi bini aroni ongkhorwi thángwi tei kubun chwlani hik wngwi khe; kaknaisa tei uáisa a bwrwini aro kiphilwi da thángno? Omo hai khe a ha sumsok bai kupulung wng glak diba? Nwng kwbángma bwrwirok bai chásmai tong lai kha; nwng tei ani thani kiphilwi phainai da? hwnwi, Subraiyung sa-o.

JIRIMIA 30:14

Nono hamjaknairok bebakno nono pogwi tháng bai kha: Bórok nini bagwi mungsa nangjak li ya: Kena arino swprakma hai khe nono swprak kha, khá sitra ari hai khe nono sátok kha tamni hwn khe nini sumsok kwbángma, lekha bai man ya.

JIRIMIA 4:30

Hakhe nwng o bukcha, nwng tamo siui jilik jalak rí-chumrok kan si, nwng rangchak-ríchak bai khe sakno naithok rwui, nini mokolo tisumu silwi naithokna nai? Nwng sak sakno naithok khlaima mungsabo chúk li ya. Nini hamjakma bororok nono yakarwi tháng bai kha, tabuk nono butharna se nai-o.

JIRIMIA 9:1

Ani bokhorok twikhereng wngma te tei ani mokol twimuk wng khe! Ani bororok butharjakma bagwi hopung sapung kap kha mun.

KAPSIMANG KAPMA 1:19

“Ani hamjakmarokno ang ring kha tamo khe bórok ano bandi kha; kamiyungo ani ochairok tei tẃiphang okrarok phan khanani bagwi chámung rutuk lai phuru komor bái kha.

KAPSIMANG KAPMA 1:21

“Ang bahai khe kengai kha khna di; ano bwkha methepnai khoroksa phano kwrwi; ani kena arirok ani jwngjalni kókrokno khna kha; nwng khlaimano nugwi bórok tongthokjago. Nwng kók sakhlaima tẃi a salno sók phai rw si di, tei bórokbo ang manjak tẃi khe manjak thung.

KAPSIMANG KAPMA 1:9

Ulo tamo wngno abono bo uansuk yaui uaijaui tongmung sitra tongwi bini rígnaino tena khlai kha; bo klaima le belai kirimasingcha, Bono bwkha kwchang rwnai kwrwi kha; bono khoroksabo khakchang rwnai kwrwi. “O Subraiyung, ani digi-sigino naikhlai nai si di, tamni hwn ba kebengnai arirok kwplai wng kha!”

KAPSIMANG KAPMA 2:11

Ani mokolrok bai kabwi simi se ma tong si-o; ani bisingobo ayuk-muyuk khe tekto nang kha; ani bororok komorma bagwi tei absa kwlwirok kamiyungni lamarogo klaiwi lengwi tongma bagwi ani bwkha se ha-o klai thángma hai wng si-o.

ESEKIEL 16:37

Aboni bagwi’-no nai di, ang bebak nono hamjaknairok tei nwng tongthokjakma bororokno tei nono naislernairokno thumnai. Ang bórokno nini thani-o tubunai, ang nini rírokno khengnai hakhe bórok nini sak lángano nuknai.”

HOSEA 2:7

Bo bini hamjakma chwlarokno rwkthar anw, hai phano bórokno slap glak; tei bo bórokno naituk anw, hai phano malai glak. Aphuru bo hwnnai, Ang ani swkangni bwsaini thani kiphilnai, tamni hwn ba tabukni slái aphuruni se ham kugo.

MIKA 7:5

Nini nok arini borokno poito ta chá di, kichingnobo bwkha ta bera di; nini khája-o khe kwbagwi thumani nini hikno suda búkhúk bwklap gwnang khe kók sa di;

PHUNUKJAKMANI 17:13

A bugra khorokchirok khá baksa, bórok a yabrwini yago bórokni phan bai suar yapharnai.

PHUNUKJAKMANI 17:16

Nwng nukmani bokorong kongchi bai a yabrwi baliknaijwkno naisler anw; bórok bini tong kwrwi segwi na baiwi bono rí suda kwrwi khe klang anw; bórok bini bahan chá anw, phiya hór sógwi sokomor anw.