KAPSIMANG KAPMA 1:17 - Kok Borok (Re-edited) Bible (BSI)

¹⁷ Siyon bini yak pholoksa-o, tamo khe khoroksa phano bono bwkha methepnai kwrwi; Jakobni arini bororok Jakobno kebengwi bachaui bini kena ari wng thung hwnwi Subraiyung dagiui rw kha; Jerusalem bórokni thani kaisa kwthar ya manwi hai wng kha.

KAPSIMANG KAPMA 1:17 Iomraidhean Croise

1 HABUGRA 8:22

Hakhe lukurokni bwskangono Solomon háyáni bwskango thángwi bacha kha, bo bini yak kongnwi tisaui

1 HABUGRA 8:38

bórokni surimarokno khna ja di. Israilni bororokni bisingo khoroksa swk khá-o nangjagwi, o nokthar bwkhak bórokni yak phologwi suri khe,

2 HABUGRA 25:1

Nebukadnejar habugra chámani nokha bisi chukuni tal chini, salchi-o bebak bini sengkrakrokno tẃiwi Jerusalemo phai kha, hakhe abono kitingwi gerepsa phai kha.

PHRWNGNAINI 4:1

O ha saka-o bebak sátok-pitok wngmaroknobo ang nuk kha, kusupjaknairokni muktwino naisik di, bórokno bwkha kwchang rwnai khoroksa phano kwrwi! Bórokno sátoknairokni phan kwbángma tongo.

JISAIA 1:15

“Norok yak pholoksa khe ang norokni aroni mwkhang huiwi tonnai; norok ani thani kwbángma suri phano ang khna glak; norokni yak thẃi bai kupulung.

JISAIA 54:11

“O dukhu manjak, bangkundri bai swprakjak, tei khakchangma kwrwi wngwi tongnai; nai di, ang nini kamiyungno naithok bumulni holong bai khe tisa phinai, tei saphir holongthai bai nini thongla káinai.

JIRIMIA 12:9

Ani man-bantarok ani thani mereng-marang choproknai tok hai ya diba? tei kubun choproknai tokrok bai bo gerebwi kitingjak ya diba? Tháng di bolongni yabrwirokno bono uár rwnani bagwi kuthum rw di.

JIRIMIA 15:5

O Jerusalem, nono sabo khairoknai? Eba sabo nini bagwi swlwgwi kapnai? nini kaham-hamya sẃngnani sabo se phainai?

JIRIMIA 16:6

O hani bebak borok kotor tei kotoirok thwi bai anw; bórokno khoroksa phano phobnai tong glak tei bórokni bagwi kapnairokbo tong glak; bórokni bagwi khoroksa phano sakbo kwsa cha rwnai tei bokhorok siljaknaibo tong glak.

JIRIMIA 34:22

Nai di ang dagiui rwnai hwnwi Subraiyung sa-o tei ang bórokno o kamiyungo kiphilwi tubunai; hakhe bórok o kamiyung bai nang laiwi omono yago naui hór bai sógwi rwnai. Ang Judani bebak kamiyungno swbaiwi khibijak bororok tong ya khlainai.

JIRIMIA 4:31

Ang sak kengna phuru bwrwi khoroksa kap ma hai khna-o, swkang bwsa okra achaina phuru bini ok saui kengaima hai khna-o. Siyonni bwrwima rangma kolok khe kapma hai tei bini yak phologwi kap tẃi khe khna-o, “Ang kwrwi súk kha! Ang butharnairokni bwskango lengwi thángo.”

JIRIMIA 6:3

Mera mwrwknairok bórokni mera bodolno tubu-ui aro phainai bórok bono kitingwi bórokni ríni nok swngnai: Bórok sak sakni sula-o merarokno mwrwknai,

JIRIMIA 8:18

Ani tongthokma kwrwi kha. Ani bwkha khamjak se.

KAPSIMANG KAPMA 1:16

“Omorokni bagwi ang kabo; mokolni muktwi kochok kha; ano bwkha bacha rwui bwkha methepnai ang bai chal kha; ani bwsarokbo khibijak bái kha tamni hwn ba kena arirok se kwplai wng kha ba.”

KAPSIMANG KAPMA 1:19

“Ani hamjakmarokno ang ring kha tamo khe bórok ano bandi kha; kamiyungo ani ochairok tei tẃiphang okrarok phan khanani bagwi chámung rutuk lai phuru komor bái kha.

KAPSIMANG KAPMA 1:2

Bo hopung muisubuk chaui kabwi bini khangaro twi yor tẃi muktwi klai-o; bono hamjaknairokni bere khoroksa phano bono bwkha methepnai kwrwi kha; bumarijwksongbo bono bandi kha, bórok bebakno bini kebengnai ari wng kha.

KAPSIMANG KAPMA 1:21

“Ang bahai khe kengai kha khna di; ano bwkha methepnai khoroksa phano kwrwi; ani kena arirok ani jwngjalni kókrokno khna kha; nwng khlaimano nugwi bórok tongthokjago. Nwng kók sakhlaima tẃi a salno sók phai rw si di, tei bórokbo ang manjak tẃi khe manjak thung.

KAPSIMANG KAPMA 1:8

Jerusalem belai sumsok kotor khlai kha aboni bagwi bo buini mwnwimung se wng si-o; bono bórom khlainairok bono khibi kha, tamni hwn ba bórok bono sak srwng srwng bukcha khe nuk kha; bo baithangbo kengai-o, tei mwkhang hui kha.

KAPSIMANG KAPMA 1:9

Ulo tamo wngno abono bo uansuk yaui uaijaui tongmung sitra tongwi bini rígnaino tena khlai kha; bo klaima le belai kirimasingcha, Bono bwkha kwchang rwnai kwrwi kha; bono khoroksabo khakchang rwnai kwrwi. “O Subraiyung, ani digi-sigino naikhlai nai si di, tamni hwn ba kebengnai arirok kwplai wng kha!”

KAPSIMANG KAPMA 4:15

Bororok bórokno, “Hakchal wng di, kwthar yarok! chal di! chal di! Chwngno ta tang di!” hwnwi chirigo. Hakhe bórok orondi chaui berainai wng kha; Dopharok bórokno “Bórok oro tei tongwi man glak” hwnwi sa lai-o.

ESEKIEL 36:17

Borokni bwsa, Israilrok bórokni ha-o tong phuru-o, bórokni tongmani chámani bai abono dera rw-o, bórokni tongmung le khoroksa bwrwi rí súmani jora-o sak kusum wngmani hai se.

HOSEA 8:8

Israil monokjak bai kha; tabuk khe kubun bosongrokni bisingo samung chúk ya twk hai wng kha.