KAPSIMANG KAPMA 1:16 - Kok Borok (Re-edited) Bible (BSI)

¹⁶ “Omorokni bagwi ang kabo; mokolni muktwi kochok kha; ano bwkha bacha rwui bwkha methepnai ang bai chal kha; ani bwsarokbo khibijak bái kha tamni hwn ba kena arirok se kwplai wng kha ba.”

KAPSIMANG KAPMA 1:16 Iomraidhean Croise

LOBMUNG 106:42

Bini kebengnai arirok bórokno sátok kha, tei bórok bórokni yapha-o klai kha.

LOBMUNG 119:136

Nini kerongrok rákhokjak yani bagwi ani mokolni muktwi twima botẃi khe yorkhlai kha.

LOBMUNG 69:20

Lachimung manẃi ani bwkha bái kha, hakhe ang bwkha thwi kha. Ang khairokma de manno nai kha, tamo khe khoroksa phano khairoknai kwrwi; ano bwkha kwchang rwnaibo khoroksa phano kwrwi kha.

PHRWNGNAINI 4:1

O ha saka-o bebak sátok-pitok wngmaroknobo ang nuk kha, kusupjaknairokni muktwino naisik di, bórokno bwkha kwchang rwnai khoroksa phano kwrwi! Bórokno sátoknairokni phan kwbángma tongo.

JISAIA 54:11

“O dukhu manjak, bangkundri bai swprakjak, tei khakchangma kwrwi wngwi tongnai; nai di, ang nini kamiyungno naithok bumulni holong bai khe tisa phinai, tei saphir holongthai bai nini thongla káinai.

JIRIMIA 13:17

Tumung nwng kók khna ya hwn khe nwng kung chukma bagwi ang huijagwi bwkhani muktwi khiklai anw; belai khe kabwi mokolni muktwi yorkhlai rwui kapnai, tamni hwn ba Subraiyungni bororok khajagwi tlangjak anw.

JIRIMIA 14:17

Nwng o kókno bórokno sa di: Ani mokolni muktwi hor-sal chorom phlaiwi tong thung, ta thak phlai thung, tamni hwn ba ani dophani bwrwi siklarok belai khe dukhu man rwui bujak kha tei kwsa kotorma khe rwjak kha.

JIRIMIA 15:5

O Jerusalem, nono sabo khairoknai? Eba sabo nini bagwi swlwgwi kapnai? nini kaham-hamya sẃngnani sabo se phainai?

JIRIMIA 8:18

Ani tongthokma kwrwi kha. Ani bwkha khamjak se.

JIRIMIA 9:1

Ani bokhorok twikhereng wngma te tei ani mokol twimuk wng khe! Ani bororok butharjakma bagwi hopung sapung kap kha mun.

JIRIMIA 9:10

Hachukrokni bagwi swlwgwi kap lai di, haino khlai tongjak sularokni bagwi khá kham di, khoroksa phano o lama tẃi him lai li ya tei musuk-tokrokni khorang khna li ya; toksa-toktẃirok khárwi tháng bai kha, mal-matarok nongkhorwi tháng bai kha.

JIRIMIA 9:21

“Chwrairokno lama-o butharnani tei chwla siklarokno lamprarogo butharna bagwi butharnai chini tailam jora phai sók phai kha, abo chini noyungrogo hap phai kha.”

KAPSIMANG KAPMA 1:2

Bo hopung muisubuk chaui kabwi bini khangaro twi yor tẃi muktwi klai-o; bono hamjaknairokni bere khoroksa phano bono bwkha methepnai kwrwi kha; bumarijwksongbo bono bandi kha, bórok bebakno bini kebengnai ari wng kha.

KAPSIMANG KAPMA 1:9

Ulo tamo wngno abono bo uansuk yaui uaijaui tongmung sitra tongwi bini rígnaino tena khlai kha; bo klaima le belai kirimasingcha, Bono bwkha kwchang rwnai kwrwi kha; bono khoroksabo khakchang rwnai kwrwi. “O Subraiyung, ani digi-sigino naikhlai nai si di, tamni hwn ba kebengnai arirok kwplai wng kha!”

KAPSIMANG KAPMA 2:11

Ani mokolrok bai kabwi simi se ma tong si-o; ani bisingobo ayuk-muyuk khe tekto nang kha; ani bororok komorma bagwi tei absa kwlwirok kamiyungni lamarogo klaiwi lengwi tongma bagwi ani bwkha se ha-o klai thángma hai wng si-o.

KAPSIMANG KAPMA 2:18

Subraiyungni thani chirigwi sa di, o Siyonni sajwkni chokdeual! Nini muktwi hor sal twi yor khlai tẃi yorkhlai si thung! Nwng hopung sapung kapma ta thák si di!

HOSEA 9:12

Bórok chwrai bwsarokno naikini khlaiwi tong phano khoroksa kwrwi tẃi khe ang tlangnai. Bórokno Ang yakarwi tháng khe abo bwswk se kirimasingcha wngno!