KAPSIMANG KAPMA 1:15 - Kok Borok (Re-edited) Bible (BSI)

¹⁵ “Subraiyung ani bebak phan gwnang sengkrakrokno ani bwskango khibiui rw kha; bo ani sikla sengkrakrokno kádulna bagwi jora kaisa chong kha; Subraiyung Judani bwrwi siklano angur káchrep tẃi khe káchrep kha.

KAPSIMANG KAPMA 1:15 Iomraidhean Croise

2 HABUGRA 9:33

tei Jehu bórokno hai hwnwi sa kha, “A bwrwino kokhlaiwi rohor di.” Hakhe bórok bono kokhlaiwi rohor lai kha, bini baksa thẃirok hatina-o tei korairogo siljak bai kha tei bórok bono yakung bai kádul lai kha.

LOBMUNG 119:118

Nini kerong-raidani phérwi thángnairokno nwng samung nang ya khlai kha.

JISAIA 28:18

Hakhe nwng butharnai bai kók kha laima thwimani yagulo se nangnai tei kwthwirokni ha bai kók wng laima nang glak; nini saka tẃi digi-sigi sók phai khe nwng abo bai swpragwi khiklaiwi rwjaknai.

JISAIA 41:2

Sabo salkabaini bebago’-no kwplai wngnai khoroksano phainani bagwi muchungma rw lang? Bo dopharokno bini yago yapharwi rw-o; hakhe bo bugrarokno yakung bai kádulo; bo bini seng bai bórokno hadlwi chá rw-o, tei badukhung bai khe chwkap hai khe kobon rwjaknai.

JISAIA 5:5

Hakhe tabuk ang ani angur bwlwngno tamo khlainai nono saui man rwnai. Ang aroni ubi dúmjak tongmano norwi páinai tei abórokno sókchaui khibinai. Ang aroni deual swbaiwi páinai tei káduljaknai.

JISAIA 63:3

“Ang saichung susukno angur pherejaknai-o angur phere kha tei lukurokni bere khoroksa phano ano chubanai kwrwi; ang joliui bórokno phere kha tei joli súgwi ang bórokno kádulwi phere kha tei bórokni thẃi chersamani ani rí-chumo nang phai kha, bebak ani kanma chummarogo gap nang bai kha.

JIRIMIA 13:24

Hasinglwngo nokbar phaiwi gundak kobon rw tẃi khe ang norokno pisa-piring khlainai.

JIRIMIA 14:17

Nwng o kókno bórokno sa di: Ani mokolni muktwi hor-sal chorom phlaiwi tong thung, ta thak phlai thung, tamni hwn ba ani dophani bwrwi siklarok belai khe dukhu man rwui bujak kha tei kwsa kotorma khe rwjak kha.

JIRIMIA 18:21

Aboni bagwi nwng bórokni bwsarokno chacharara-o khiklaiwi rw di; bórokno seng tẃinairokni thani yapharwi rw di, bórokni hiksongrokno bwsa kwrwi tei randi wng rw di. Bórokni bororok bok nangwi ma thwi thung tei siklarok khe choba-o seng bai butharjak bai thung.

JIRIMIA 37:10

Phiya norok bai choba nang lainai Kolodiasongni bebak sengkrakrokno norok mechen phano bórokni bisingni dukhu manẃi rínogo klaijak bororokno bachaui o kamiyungno sógwi rw anw.

JIRIMIA 50:26

Norok bebago’-no bono kebeng di; bini mayam nokrok swbai di; bono maino rúng tẃi rúng di tei sokomor súk di, bini mungsa phano ta narwk si di.

JIRIMIA 51:34

Babilonni habugra Nebukadrejar ano monok kha, ano sukhrup kha; bo ano twk bukcha hai khlai kha, bo ano chibuk kotor monok tẃi khe monok kha; bo ani chá kothok chámung bai sakni bohok supung kha; tei bo ano sebwi khibi kha.

JIRIMIA 6:11

Phiya ba ang le belaino Subraiyungni jolimani bai kupulung; ang jolima holiui man ya. Omono laharo lukhlai chwrairok tong thani tei siklarok kuthumlaithani lukhlai rwui di. Bihik tei bwsai khoroknwino’-no tlangjaknai. Chakra bororok tei belai umor gwnangrokbo yók glak.

KAPSIMANG KAPMA 2:21

Chwrai tei chakrarok lamarogo se klai tong bái si-o; ani chwla sikla tei bwrwi siklarok seng bai tantharwi butharjak bái kha; nwng jolimani salo khairokma kwrwi khe bórokno buthar bái kha.

KAPSIMANG KAPMA 3:34

Swngcharni bebak alongo chopjakrok yakung bai káduljak phuru,

DANIEL 3:13

Hakhe Nebukadnejar belai khe jolijagwi Sadrak, Mesak tei Abednegono bini bwskango tubu di hwnwi dagi kha. Hakhe bórokno habugrani bwskango tubu kha.

JOEL 3:13

Chekhra khocha di tamni hwn ba mairok mun bái kha. Phai di, phere phai si di tamni hwn ba angur pherejaknai pherekhor pung súk kha. Marua pungwi kwsar kha, tamni hwn ba bórokni hamya aswk khe báng kha.

MIKA 7:10

Aphuru khe ani kena arirok omono nugwi ma lachinai, a kena arirok “Buko sla norokni Subraiyung, norokni Kaitor?” hwnwi hwn laimani; ang mokol baithang bo kwlaimano nuknai, bo aphuru lamarokni harpek hai khe káduljaknai.

MALAKI 4:3

Nwng borok hamyarokno káphrumnai, tamni hwn ba a salo, ang a samungrok khlai phuru, bórok nini yapha tolani thapla hai se wngnai, hwnwi Phankrak Subraiyung sa-o.

LUK SWIMANI KOTHOMA KAHAM 21:24

Baksa seng bai tanwi butharjak anw, baksa ba buini harogo khaui tlangjak anw, phiya buini bororok bórokni mol pái ya sak Jerusalemno kádul lai anw.”

UÁINWINI SA PHIMA 28:33

Norok sini ya dopha kaisa norokni hapharni bwtháirokno tei norokni kolomtwi bai manmarok cháui páinai tei norokni mungsa tong glak, sal brúm panjalwi sátokjaknai.

HIBRU 10:29

Hakhe Kaitorni Sajlano sak nangjak ya wngnai a borokni tamo wngnai? Kaitorni swmaini thẃino laitesa khe nuknai a borokni tamo wngnai? Aile a thẃi se bini sumsok súcha-o. Khairokma gwnang Pholano lachi rwnai a borokni tamo wngnai? Uansuk si di, bo bwswk hamya khe yagul sujakna nangno!

PHUNUKJAKMANI 19:15

Bini búkhúkni seng kubuk khungsa ongkhorwi phaijak, abo baino bo dopharokno mechennai. Bo sorni raidang bai bórokno kók khna rwnai, angur sepjaknai hakhoro angur sebwi bo belai jolijaknai Kwplaisa Kaitorni bagwi yagul sunai.

BUJ THUMNAIROK 10:8

Bórok Jordan twimani salka phaising ha Amorni Giliado tong bainai Israilrokno nokha bisi chichar jora sátok kha tei kusup kha.