KAPSIMANG KAPMA 1:14 - Kok Borok (Re-edited) Bible (BSI)

¹⁴ “Ani sumsokrokno bo ani bangora-o Jual hai khe kha kha; bo bini yak bai abono phánwi kha kha; abono ani gwdna saka-o boksaui ani phan kwrwi khlai kha. Ang kebengwi kasu-ui man ya abo hai bororokni yago se ano Subraiyung yaphar si-o.

KAPSIMANG KAPMA 1:14 Iomraidhean Croise

PHRWNGMUNG 5:22

Bórok samung hamyarokni bagwi khẃi-o klai-o tei bórok bórokni sakni sumsokni dwkhwi-o kwcha-o.

JISAIA 14:25

tamni hwn khe ani ha-o Asiriyasongno swbaiwi khibinai, ani hachugo bono yakung bai kádulnai; tei abo hai khe bórokni aroni horbak norjaknai tei bangorani bokcha yakaknai.

JISAIA 47:6

Ang ani bororokno joli kha, ani bumungno sitra rw kha; tei bórokno nini yago yaphar kha, nwng bórokno khairok li ya, nini horbakno belai hilik khlaiwi bórok chakrarokni saka rw kha.

JIRIMIA 25:9

nai di ang salsibaini bebak dopharokno tei ani seleng Babilonni habugra Nebukadrejarno tubunai, hwnwi Subraiyung sa-o. O ha tei oro tong bainairokni bagwi tei bórokno kitingjak bebak dopharokno kebengwi bórokno tubunai. Ang bórokno sokomor súgwi khibinai tei kirimasingcha, mwnwimung tei mung hamya sajagwi máng tong phlainai.

JIRIMIA 27:12

Ang Judani habugra Jedekiano swkangni haino hai kók rwui hai hwnwi sa kha; Babilonni habugrani horbakno norokni gwdna-o bera di tei bono tei bini borokno mon di, kwthang ma tong anw.

JIRIMIA 27:8

Tamo khe kaisa swk dopha phano Babilonni habugra Nebukadnejarno mon ya khe eba bini horbakni tola-o gwdna bera ya khe, hakhe ang a dophano hano choba bai, asari bai tei bok nang rwui bórokno bini yak bai sokomor bai yasakno sátoknai, hwnwi Subraiyung sa-o.

JIRIMIA 28:13

Nwng Hananiano thángwi hai hwnwi saui di, “Nwng buphangni horbakno se swbai-o, tamo khe tabuk ang buphangni jidolo sorni horbak se boksinnai.”

JIRIMIA 28:14

Tamni hwn khe sengkrakrokni Subraiyung Israilni Kaitor hai hwnwi sa-o, ang o bebak dopharokno Babilonni habugra Nebukadnejarni seleng khati rwna bagwi bórokni gwdna saka-o sorni horbak boksa kha, bórok kubui’-no bini seleng ma khatinai tei bolongni mal-mataroknobo ang bini kók ma khnanai khlai anw.

JIRIMIA 32:3

Judani habugra Jedekia bono alongo chobwi hai hwnwi hwn kha, “Nwng tamo wngwi ‘Subraiyung hai hwnwi sa-o, nai di ang o kamiyungno Babilonni habugrani yago yapharwi rwnai tei bo omono yago nanai’ hwnwi kók diyari sa?

JIRIMIA 32:5

hakhe bo Jedekiano Babilono tlangwi tháng anw tei ang bono nai ya sak jora aro’-no tongnai hwnwi, Subraiyung sa-o; norok Kolodiasong bai choba khlai phano kwplai wngwi man glak.’ ”

JIRIMIA 37:17

Habugra Jedekia borok rohorwi bono na rw hor kha. Tei habugra bini nogo tepsa khlaiwi hai hwnwi bono sẃng kha, “Subraiyungni mungsa swk kókrok aro to de tong?” Jirimia hai hwnwi sa kha, “Au tongo” Bo teibo sa kha, “Nwng Babilonni habugrani yago yapharwi rwjaknai.”

ESEKIEL 11:9

Ang o kamiyungni norokno kariui rohorwi buini hani bororokni thani-o yapharnai tei bórok norokno majra rwnai.

ESEKIEL 21:31

Ani jolima norokni saka-o klai rwnai. Ani jolimani hórjlai bai norokno khampra rwnai. Tei ang norokno khairokma kwrwi sokomorna kwrwng bororokni thani yapharwi rwnai.

ESEKIEL 23:28

Aboni bagwino Subraiyung Kaitor hai hwnwi sa-o, “Nai di, nwng naislermani a bororokni yago tei nwng sak sak khibiui phaimani bororokni yago nono yapharnai.”

ESEKIEL 25:4

Aboni bagwi ang norokni salkani bororokni yago norokno yapharnai. Bórok norokni ha-o phaiwi batham khanai tei norokni bisingo, bórok tong phainai tei norokni bwtháirok tei dutrok nung bainai.

ESEKIEL 25:7

Aboni bagwi’-no ang norokni saka-o yak pholoknai tei norokno kubun dopharokni yago butharjaknani bagwi yapharnai; ang norokno bororok bai swkaknai tei norokno norokni hani sokomornai; ang norokno sokomornai, hakhe ang se Subraiyung hwnwi norok saui mannai.’

HOSEA 5:14

Tamni hwn ba ang Ephraimni thani singho tei Judia bosongrokni thani singho bwsa hai wng anw. Ang baithang bórokno sichigwi klangnai, ang bórokno sopreui tlangnai, hakhe khoroksa phano ano kati rwui man glak.

MIKA 2:3

Aboni bagwi Subraiyung sa-o: Ang norokni núkhungni banta hamya chabwi tong kha, aroni nwng nini gwdnano sokogwi man glak; nwng kung chugui ta him di, tamni hwn ba omo jora hamya wngnai.

UÁINWINI SA PHIMA 28:48

Phiya Subraiyung norokno kebengwi norokni arirokno rohor anw, norok bórokno ma monnai. Norok ok khuinai, twi kangnai tei rí kwrwi wngnai, bebakni’-no biyal ma wngnai. Tei bórok norokno sokomor súk ya sakno norokni gwdna-o sorni horbak bal rwui tonnai.